كم مرة بتحلم بالأسبوع او بالشهر ؟؟ و اعطيني مثال على حلم الك او كابوس و يا ريت يكون كوميدي 😂😂 خلينا نضحك شوي 😂
هههههههه السؤال رجعني لحلم غريب قبل كم يوم 😂😂 قال حلمت انه في الي حبيب 😂 وتاركني 💔 وأنا عشان عندي كتير بنات ع سناب ما بعرفهم عالحقيقة ، انه وأنا بحضر السنابات شفت بنت متصورة مع حبيبي فيديوهات ومياصة وقال انه حبيبها وقاعدين يحبو بعض ويتغزلو ببعض وهيك 😢 هلأ أنا صحيت مزعوجة كتييير من الحلم ومسكت تلفوني صرت بدي احزف كل البنات اللي عندي ع سناب وبديش اشوف اشي والحمدلله تزكرت انه حلم قبل ما اتهور 🔫😂 هي أصلاً نومة العصر مش منيحة .. قال حبيب قال و شو ! بالاردن 😂😂 انسو اشي بخزي هالحلم و اه هلأ أنا بالعادة ما بحلم بس بكوبس الحمدلله ويمكن آخر حلم تافه ومش منطقي كان قبل سنتين أما الأحلام اللي بشوف فيها الأموات ف من فترة للتانية "كل ما أكون مشتائيتلهم 😞" الكوابيس ما بتفارقني وكل يوم الحمدلله ..
- عمرك؟ - مين اصحابك؟ - كلمه دايماً بتحكيها ؟ - أكلتك المفضله ؟ - لما تعصب شو بتعمل ؟ - تاريخ ميلآدك ؟ -احلى اشي فيك؟ - اكثر شغلة بتفرحك؟ - أقرب شخص الك ؟
عمري 23 .. أصحابي : هديل . نعمة . أمل . ميسا . مروة . براق و إيفا .. كلمة دايماً بحكيها : شبعرفني أو أنا عارفة ! .. أكلتي المفضلة 😳 بحب كل الأكل ، الأخضر واليابس 😂 بس مقلوبة زهر هي التوب ما بزهق منها ومستعدة آكلها عند كل قرايبي عادي ما بتنفسن عطبيخهم 😂 .. لما بعصب بفك شعري وبربطو 😂.. تاريخ ميلادي 12/6/94 .. أحلی شي فيي بتوقع عينيي اللهم لا حسد 😛 .. أكتر شغلة بتفرحني هي لمة العيلة والقعدة مع صحباتي .. أكتر حد قريب مني محمد ✋
الصراحة الجارحة رح اعتبرها انتقاد بناء .. وفي مثل قديم عننا بقول الله يرحم مين بكاني وبكی عليي و الله لا يرحم مين ضحكني وضحك الناس عليي .. هيك شي مش بالزبط المهم ، اللي بصارحك بكون بده مصلحتك وبحبك و رايدلك الخير أما اللي بجاملك فما بكون مهتم أو عبالو مصلحتك ✋
يوم التخرج *♥* 🙈
رح أدخل الجـآمعه ركض ‹☺›
و أدخل ع الدكـاترة و واتزحلق ‹☺›
واغني لهم ابنساكم ابنساكم ‹☺›
وبنسى آيامي وياكم ‹☺›
ۅاحط رجلي مع رقصة مايكل جاكسون ‹☺›
وبطلع من الجـآمعة بمشية جون سينا ‹☺›وعالبوابه ارقص بربس
آصبروآ علي بس??😂😂
😂😂😂😂😂😂😂😂😂😂😂
والله كلنا حكينا هيك بس بعد ما استلمنا الشهادة وقعدنا كم يوم بالدار اشتقنا .. أحلی شي كانت أيام الجامعة 💔
علينا وعليكم 😁 يا الله شو بحب يوم الجمعة اللي بتكون إمي عاملة فيه فول مدمس شغل بيتي وهيك 😍🙈 يما شو انه شي فاخر جداً و زاكي جداً جداً وعمري ما لحقت أصور السفرة لانه منكون بس بدنا ناكل 😂 عند البطون تغيب العقول 😅 جد جد شكراً يا إمي ع كل الأكل الزاكي اللي بتعمليه و اللي عامللي مشكلة اني نيقة وما بيعجبني العجب بالأكل وما بحب غير طبيخك 😍😢🙈