انت بجد شخصيه محترمه جدا ومهما قلت مش هوفيك حقك ولا هقدر اوصف قد ايه فرحتني بمسامحتك ليا ربنا يسعدك ويبعد عنك اي شر او اذي وشكرا قوي انك سامحتني وريحت قلبي ربنا يريح قلبك ويرزقك جنته
ههههه ياريت بس بلاش مدح لاني مابعرفش ارد واعتقد ان لو اي حد في مكاني كان سامح برده وانتي ليكي الفضل الاكبر عشان اعتذرتي كان ممكن بكل سهولة تسكتي وما تتكلميش وتسيبي الموضوع لحد ما ينتهي لواحده وخصوصا ان محدش عارف انتي مين شابوه على تصرفك
انا اسفه وانت عندك حق كنت لازم افكر كويس قبل اي تصرف بس انا متوقعتش ابدا تحصل اي مشكله او الكلام هيتاخد جد اوي كده ومكنش قصدي اوقع بينكم والله ولا اني ازعلك انا غلط في حقك اوي واذيتك من غير قصد انا اعرفك انسان محترم وردك عليا اكد اكتر اسفه مره تانيه مع اني عارفه انها مش كفايه
تمام اعتبري شيئا لم يكن بعد الاعتذار الجميل ده فلسفة الاعتذار دي مش موجودة عند ناس كتير ،،موجودة عند الناس اللي عندها سلام داخلي ،،واعتقد انك منهن وكلمة اسف كفيلة انها ترجع كل حاجة زي الاول ،، ومهما تكوني اذيتيني بقصد او من غير انا مسامحك،، وكلمة شيطان دي كانت ساعة غضب وتسرع مني في الحكم عليكي ،،
مليش حق اتدخل بس انت مفيش عليك أي غلط دي صفحتك تكتب فيها ال على مزاجك ليهم حق يتكلموا لما تكتب على جروب الدفعة غير كدا محدش له الحق يتكلم
عامة ربنا يهدي ده أنا ال كنت مفكرة ان دفعتي شريرة طلعوا غلابة ?
والحمد ان الموضوع اتحل ?
وده كلام كل الناس العاقلة كل الناس اللي بتفهم قالوا كدة والدفعة مش وحشة ولا حاجة لا هيا فيها مجموعة صغيرة وحشين بس للاسف صوتهم عالي وباينين فتحسي انهم كتييير ربنا يهديهم يا ياخدهم
مش اقصد حاجه وحشه ...انا قصدي ان دي شخصيه اتعدت ع خصوصياتك ودي حاجه مش من حقها وكمان مش من حق اي حد انه يعلق ع كلامك لان دي حريه شخصيه وكلامك سواء صحيح او لا فده ميخصش حد ...فكان الواحد متوقع انه يشوفك متعصب يعني ...فهمت ؟
من اكتر الاوقات اللي اتعصبت فيها ولو كنت سيبت نفسي وقلت اللي جوايا كنت هزعل ناس كتييير مني وناس كتير هتغير نظرتها عني بس الشديد بقى من يملك نفسه عند الغضب وقلت اتكلم بالعقل والمنطق لعل وعسى حد يفهم وقد كان الحمد لله
فيه واحدة بعتت لينكات الانسرز لبنات عالاسك بغرض الهزار على حسب كلامها وطبعا فيه بنات ما اتوصتش في الرد عالاسك ففيه واحدة نزلت اسكرين عالجروب و الناس اتكلمت برده بس الحمد لله الموضوع اتحل
ايه كل الل حصل ده مفكرتش ان كل ده ممكن يحصل انا بعت لينك الانسرات للبنات هزار اقسم بالله ومفكرتش انهم هيزعلو وياخدو الموضوع جد للدرجادي ويدايقوك انا اسفه والله مش بقصد بجد بتاسف ليك وللبنات اللي زعلو كمان بسببي?
انا قلت عليكي شيطان انس كنت مفكر ان انتي بتوقعي بنا بس انا بعتذر ليكي بعد ما بينتي ان نيتك كانت الهزار بس ياريت بعد كدة نفكر قبل ما نعمل حاجة ونختار الناس اللي يتبعتلها الانسر وع العموم حصل خير
يا جماعه المفروض ان الموضوع خلص واى كلام بيزود الحوار واحنا مش صغيرين علشان انسان تافهه يجى يوقع بينا والمفروض نكبر دماغنا خلاص الموضوع خلص ولو كترنا كلام فى الموضوع دا يبقى بنحققله اللى هو عايزه