هو انتي ليه رغم الظروف اقوى من الناس كلها ،، هو انتي ليه رغم الحروف الغاز كتيرة ف حلها ،، بتجربيني على السفر و تطبطبي ع اللي كسر ،،،،،، القهر في صورة ،، دي مصر اللي شاخت و باخت و عجزت بين الامم ،،
الغربة مش سفر لمكان بعيد ،، الغربة قاعدة حلوة على القهوة مقعدنهاش من زمان الغربة ضحك بيوجع بطنك مع صحابك غاب من فترة الغربة انك تنام على صوت زن المروحة و انت مبحلق ف السقف الغربة صوت كلام حد مات و لسة بيرن في دماغك الغربة انك تحس بالوحدة في وسط 100 شخص ،، غربة الروح دي امر ميت مرة من غربة الجسم ،،
لو واحدة بتحب واحد وهو مبيحبهاش بس هي بتحبه اوي ومش عاوزة غيره تفتكر هي ممكن تلفت نظره ازاي مع العلم انه عارف انها بتحبه؟
في مصطلح اسمه kill your darlings بالعربي كدة او زي ما بنقول الايد اللي بتوجعك اقطعها ،، يعني مثلا القميص اللي الجميل اللي بيعطلك عن الشغل عشان تكويه بلاش منه و الاكلة اللي بتحبها و بتوجع بطنك بلاش منها ،، و الشخص اللي بتحبه و تاعبك برضه بلاش منه ،، لو الحب ده مش هيوحلك لانسان اسعد و هيغرك للاحسن بلاش منه ،، بلاش العلاقات المعقدة دي ،، لازم نتعلم فن الاستغناء عن حاجات متخيلين ان احنا مش هنقدر نعيش من غيرها عشان الحقيقة اننا هنعرف نعيش من غيرها ،، لازم نواجه هوانا و ميولنا و نبقى اقوى من كدة شوية دا من وجه نظري التي ليس لها قيمة على الاطلاق