اخر بوست عالفيس
دكتور ،، 70 سنة ،، قام فطر عيش توست و جبنة رومي وشرب كافيه لاتيه،، و خاد علاج الزهايمر ،، وحط البارفان ابو 2000 ج ،، والبدلة ام 3000 ،، و شال الايفون و اللاب الأبل و ونزل ف الاسانسير و نزل السواق خاد منه الشنطة وركبه العربية المكيفة و نزل قدام المدرج و دخل يواجه مجموعة من البؤساء ،،،،، وبكل حماقة و سذاجة يقول " انتوا مش نافعين في حاجة ،، انتوا اللي هتخربوا البلد و عمرها ما هتتقدم بيكوا انتوا جيل فاااااشل " طبعا رمى الكلمتين و ما يعرفش ان جيله قعد 30 سنة ساكت وخايف وعايش في الاجحار و بيداس على دماغه وهو ساكت و مافكرش مرة يقول ﻷ و هما اللي وصلونا ل اللي احنا فيه دلوقتي ،، مايعرفش ان الجيل اللي بيتريأ عليه ده - برغم من عيوبه الكتيييير - هو اللي كسر حاجز الخوف و مات منه الاف واعتقل الاف عشان البيه ده يعيش يبقى ليه كرامة ،، رد فعلي ما كانش اكتر من ابتسامة خفيفة كلها سخرية و شفقة عليه من افكاره دي ،، واتاكدت ان التعليم ده عمره ما بيرقي فكر البني ادم اقسم بالله ،، بس احلى حاجة انه كرهنا فيها اكتر ما احنا كارهينها