بتدخل مليون حرب فـ يومك وبتطلع فـ كل مره خسران ، ولو كسبت مبتلاقيش حد يسقفلك فـ بتخسر فرحتك ، انت فـ كل الحالات خسران ، فـ عشان كدا انشف وشيل شيلتك لوحدك مشكلتك تافهه فـ عين الي ممرش بيها.
لو ليك نصيب في حاجة حتى لو كل السكك ليها مقفوله، ربنا هيرتبلك كل الاسباب لحد ما تبقى في إيدك، ولو ملكش نصيب ربنا هيراضيك بحاجات احسن مما تتخيل.. ربك قال " لكيلا تأسوا على ما فاتكم.. ولا تفرحوا بما آتاكم " فما أصابك لم يكن ليخطئك، و ما أخطأك لم يكن ليصيبك.. وان لله عباد اذا اشتدت المصائب ازداد يقينهم في الله، هؤلاء لا يعرفون الشقاء ابد، فخليك منهم واصبر واستعين بالصبر والصلاة عشان ربنا يرضى عنك ويراضيك.
مفيش أي مبرر يخليك تقرب من إنسان تحت مسمي الحب عشان تستغله بالكلمه دي، و أي كان نوع الإستغلال هو أي ..غير أنك شخص مريض نفسيًا وتستحق تروح أقرب مستشفي تتعالج فيها وتخلصنا من مرضك اللي قاعد تزرعه فـ ناس ملهاش أي ذنب فـ الحياه غير أنها قررت تدي مره ثقه للـمغفل اللي قدامها 👈👉
مافيش حاجة ثابتة..الأصل ف الكون التغيير ..الأصل فينا أحنا كلنا التغيير، ربنا خالقنا كده. فلما تكون فاكر إن كله هيمشي بثبات ف كل حاجة زي ما انت مخطط و كله يتقلب هدي قلبك وحاول ترضى بقدر الامكان.علشان دا الطبيعي ي عمهم💜💜
اسوأ سيناريو ممكن يحصل هو إنك تعيش مش عايش،ده بيحصل لما تفقد الامل في بكره وتعدي فترة بتعدي يومك وخلاص لحد ماتعدية اليوم تكون صعبه و تتحول لمتفرج لحياتك من بعيد،الإكتئاب بير عميق ولو وقعت مش هتطلع بسهوله. اتمنى دايما ألاقي طريقي حوالين البير و اطلع من التجارب السيئة بأقل الخساير انا وانتو وكل والناس الجميلة دي 🧡🧡.
محدش مدرك انت بتتاثر ازاى من جواك يعني مثلا تمر بموقف واللى حواليك يشوفوا الموضوع بسيط في حين إنه مدمرك كليا ومحدش فاهم حاجه ف حاول تعدي وتتأقلم ع الوضع دا ومتفكرش بدماغ غيرك ي صديقي💙💙