قبل ما تتجوز ربى قطة لمدة شهر لو لقيت نفسك متأقلم معاها ،،يعني اتعودت على الشعر الواقع في كل حتة ،،اتعودت على النونوة الغير مفهومة الخربشة بدون مبرر ،، النظر والبحلقة في وشك اللي مالهاش أي معنى ولو فهمت هي عايزة ايه جعانة ولا عطشانة ولا زعلانة ولا حكايتها إيه بالظبط وكأنها بتقول لك لو مهتم كنت عرفت لوحدك تبقى أنت تصلح لمنظومة الزواج واتوكل على الله وانتى قبل ما تتجوزى ربى كلب لمدة شهر ،، اتعودتى عالظروطة فى كل حتة،، و الجرى و الهرجلة و التنطيط ورا الكورة ،،والصوت العالى و الزعيق عل فاضية و المليانة وكل شوية عايز يخرج و عمال يخربش و يهوهو علشان سمع كلبين بيتخانقوا او شاف كلبة تانية غيرك لو قدرتى تتعاملى معاه و تفهميه يبقى اتجوزى و توكلى عل الله .. زواج مبارك باذن الله و لو حبيتوا تخلفوا ربوا قرد الأول.
- في جملة علقت معايا بتقول "إمسك في اللي فاهم حقيقة قلبك بغض النظر عن تصرفاتك" وحقيقي الواحد بيبقي محتاج اللي يفهمه من جواه، اللي يمتص غضبه وقت عصبيته، اللي ميلومنيش علي حاجات عملتها غصب عنى، اللي مهما حصلى عمره مايتغير معايا ولا يسبنى لوحدي، اللي شايفنى حلو في أسوأ حالاتى.