- إستمر بالتقدُم ولاتهتم بالأصُوات المُحبطة التِي تسخر من أحلامِك وتشُدك إلى الخلف,أمُن بنفسِك.
لما كنت بأول ثانوي اول يوم بالثانوي لي لما قلت للمديره اسمي سبتني وطلعتني برا الفصل وقالت انزلي تحت عند الوكيله خليها تكتبك تعهد مخالفه طبعاً بكل برود قلت بس ماقلتي لي وش اقولها الجريمه حقتي لأني مو فاهمه وقالت انزلي ياقليلة الأدب ونزلت ولما رحت ،الوكيله قعدت تضحك قالت ارجعي فصلك ورجعت وبعدها كل ماتشوفني تقط كلام علي وانا اعطيها ابتسامه اللي انا ترا مستصغره عقلك ذا " وبالترم الثاني ضافت فصل جديد عباره عن فصل المشاغبات واللي مستواهم ضعيف وحطتني فيه رغم اني لا مشاغبه ولا من اللي مستواهم ضعيف وكثير معلمات اعترضوا ان ليش امجاد معهم وكثير وقفوا معاي لانهم خايفين اتأثر بالبنات وعذرها كان ان امجاد تغيب كثير!? طبعا عديت الموضوع ولا قلت لا اهلي ولا شي وأتذكر لما قالت لي "امش عدل يحتار عدوك فيك" مستوعبين هذي كلمه مديره لطالبه عاديه ? طبعا ردي عليها كان "انتي ترا حاطه انك عدوتي واني مهتمه فيك وانا مو مهتمه بكل اللي تسوينه ولا حتى عندي تسال ليش تسوين كل ذا معي لان ماهمني انتي مديره فتره وتروحين انتي عدوه نفسك انا ماعندي اعداء" طبعاً اتذكر كلامي بالحرف الواحد ان كيف تجمدت ولا نطقت ولا كلمه ومشيت وتركتها طبعاً الفصل اللي انا صرت فيه مايطلعونهم أبداً لان جد كان اكثر فصل غريب شفته بحياتي وعادي انا عاجبني اننا مانحظر التفاهات "المهم قبل نهايته الترم صار فيه مسابقه أفضل مشروع على مستوى الثانوي بالمنطقة طبعاً اصرت معلمه علي اني أشارك واسوي مجموعه من اختياري وسويت لما شافتني مشاركه قالت لي "حسافه الأغراض اللي تجيبينها لان ماراح تفوزين وانا موجوده "بدون مبالغه هذا كلامها ،طبعا اللي معاي بالفريق لما سمعوا الكلام تحطموا وطبعاً انا بعد تحطمت بس مابينت للفريق وقلت احنا بنسوي اللي علينا ونحاول نفوز ونكسر خشمها "طبعاً فزت انا والمجموعة حقتي بالمركز الاول "أفضل مشروع على مستوى الثانوي "وبوقت التكريم طلعونا انا والمجموعة حقتي وأخذت الشهادة من االمديره وناظرت فيها وأعطيتها ذيك الابتسامه "طبعاً هي ماناظرت فيني الا ثانيه وحده بس وكانت عباره عن حقد ،وترا ماوقفت على المشروع ذا حبيت اهينها مره ثانيه واخليها هي اللي تعطيني الشهادة وعيونها على الأرض وسويتها ? ،طلعتني المعلمه اللي من اول لحظه واقفه معي عشان تكرمني مع المتفوقين وكان اول اسم بالتكريم انا،مااحكي عن شعوري ولا اقدر وصفه وانا اشوف المديره تتهرب حتى ماتقابلني وتعطيني شهادة ثانيه وانا كاسره عينها بدون مااغلط عليها واتوقع هذي من اجمل انتصاراتي بهالحياه
Liked by:
متعب العنزي
طُهْر
متعب.
أمـجّاد.
