عومر الرسام ❤️

Ask.Fm
ويب سايت إتعمل عشان تعترف لحد بحبك له بس مش قادر تصارحه فى الحقيقة
علشان تعرف حاجة حد بتحبه بيحبها من غير ما يعرف إنت مين علشان تعمله مفاجأة وتخليه مبسوط لدرجة إنك تشوفه مبسوط
علشان تعرف إيجابة لسؤال جواك مش قادر توصل لإيجابته من حد إنت بتثق فى كلامه او نصيحته ليك
إنما اللى بنشوفه من كمية شتايم وقرف وتريقة لمجرد إنه عنده شوية لايكس ولا رده عليك رد معجبكاش ولا اى سبب كان تشتمه
سيب اللى يشتم يشتم .. اللى يقلع يقلع .. اللى يشرب يشرب .. كل واحد محاسب على نفسه مش عليك
انت جايز ميكونش ليك حق تقوله إنت بتعمل إيه بس من حقك تنصحه وطبعا بكلمة حلوة وهو حر يا يقتنع بنصيحتك او لاء
وانت ساعتها مش من حقك تضايق منه
من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان
يعنى من الأخر يا تقول كلمة خير يا تسكت
دلوقتى بقينا نشوف بيدج وينزل عليها صور وكلام كتير تشويه لسمعة اى حد سواء بنت او ولد لمجرد إنه مش عاجب صاحب البيدج
او جيه يكلمه صده او مردش عليه بعد ما كان بيرد عليه زمان وفاكره كدة بيتنك عليه
إنما تروح تتكلم على واحدة لمجرد إنها صدتك ومعرفتش تتعرف ليه وتروح تشوه سمعتها وتشتمتها وتتريق عليها ده إسمه لامؤاخذة شغل عيال حتى كتير عليها كلمة شغل عيال ده إسمه شغل **** واكيد كل واحد عارف قصدى إيه
مش معنى إن ربنا خلقه حلو وامور وانت عادى مش شبه او هو احلى منك تتكلم عليه وتقول عليه بتاع نسوان ولا اى نيلة
زى ما يطلع هو وكل تصرفاته لنفسه مش ليك ولا إنت محاسب عليها بداله
بص مافيش حد فينا خلق نفسه وطول ما إنت من جواك متأكد إن ربنا خلقك فى احسن صورة هتبقى راضى وقنوع ..
اصل مش كل الناس حلوة لو كل الناس حلوة يبقى الوحشيين يدفنوا نفسهم أحسن
واكيد ربنا خلقك فيك حاجة مش فى غيرك سواء بقى عينك حلوة ولا شكلك حلو ولا تصرفاته حلوه ولا اخلاقك حلوة ولا عندك موهبة ربنا خلقك بيها بتتميز عن غيرك .. فإنت فى كل الاحوال لازم ترضى اصل ممكن تلاقي غيرك حلو وامور وكل البنات بتحبه ممكن علشان شكله وممكن علشان تصرفاته وانت ليك ناس بتحبك علشان موهبتك شداهم او لافته إنتباهم فأنت مش هتاخد نصيب فوق نصيبك ولا هو هياخد نصيب فوق نصيبه
زمان كنت بحب ارسم عشان لما انزل رسمتى علشان اشوف ردود الناس ورأيهم فى حاجة انا تعبت فيها وكنت بتبسط من كل كلمة حلوة وكانت بتفرق معايا اى نصيحة وكنت الاقى ناس ميعجبهاش اللى بعمله وعادى عمرى ما روحت اشتم فيهم ولا اطلع فيهم عيوب الدنيا
صحيح @MM799 ♥ مريم ماجد انا اعرفها من زمان اوى من قبل Ask وعمرى ما شوفت منها حاجة وحشة ولا سمعت إنها بتتكلم عنى وحش ولو إتكلمت مش من حقى اعمل زيها وساعات بحس إن تصرفاتها مش عجبانى بس عمرى ما روحت قولتلها اعملى كذا او متعمليش كذا مع إنى عارف مهما قولتلها مش هتضايق منى وجايز تسمعلى بس برضو مبعملش .. وناس كتير هنا كل ذنبها إنها بتتعامل بحسن نية وبتلاقى كل القرف بيطلع عليه بسبب ده
انا على قد ما كنت بحب الويبسايت ده على قد ما بقيت اكرهه من اللى بشوفه إحنا هنا مش مين يشتم اكتر ولا مين يرسم نفسه اكتر ولا مين عنده لايكس اكتر ولا اى حاجة إحنا مش محتاجين نبقى مقارنة مع بعض
قرفتونا أقسم بالله بتصرفات الاطفال دى بعد كدة انا هعمل بلوك لكل واحد بيتصرف التصرفات دى :)
صحيح نسيت اقولكم انا عارف إنى هتشتم وهيجيلى كلام كتير وبتاع ولا عشان كاتب كدة علشان شوية لايكس
انا مش بطلب لايكس اصلا من حد ولا عمرى كسفت حد لما طلب منى وانا عامل اسك ده عشان اضيع وقتى مش عشان اشتم فى ناس ولا اطلع امراضى عليه وشكرا ♥

---

عمر :)

View more