ممكن حد يساعدني يا جماعة انا ثانوية وبقالى فترة مش قادرة اذاكر حاجة وكل ما اقول لحد من اهلى كدا مبيدوش ليا اهتمام وكل ما يتكلموا يقولوا انتى ما بتذاكريش وانا فعلا مخنوقة ومش لاقية حد اشرحله كدا أو محدش بيفهمنى أصلا لو حد يقدر يساعدنى ومتشكرة مقدما

💬️ Answer this question
Rwaahisham8’s Profile Photo
R9aa
بصى ياقمر انا زيك وجات فتره حسيت بيها بالشعور دا انتى تحددى وقتك وتذاكرى فى وقت معين متضغطيش على نفسك ومش تعدى بال٣ساعات مثلا كل نص ساعه بريك ١٠ دقايق وقبل ما تبدأى مذاكر تقرأى ورد من القرأن وتكونى مصليا فرضك وربنا هيوفقك بعونه
3
Liked by: R9aa ♡.S H A H d.♡ Eng Ali Elhefnawy
habibakhodier’s Profile Photo
Habiba
أولا يعني لازم تكوني بتصلي ثانيا اقرأي قران قبل ماتذاكري ومتحطيش ف دماغك انك ثانويه عامه خالص خديها اللي هو سنه زي اي سنه وحاولي تفرحي نفسك بحاجات بسيطه جدا زهقتي مثلا وانتي بتذاكر قومي اقفي ف البلكونه شويه طلعي الطاقه السلبيه ف اي حاجه بس اهم حاجه تطلعيها واعتقد ان لو اهلك هيحطوكي ف مقارنه وكدا متشغليش بالك بكل دا انتي هتعملي اللي عليكي وربنا هيوفقك ان شاء الله وان شاء الله السنه دي هتعدي ع خير وربنا هيكرمك ويفرحك وهتحققي كل اللي بتتمنيه.💙
11
Liked by: Amanyy سامح العيدروس Mostafa-3la (ﻧـــﯙح) Mariam..♡⁩ Essam " 3os ال " ‏﮼ترنيم،الخولي. HaZeM عبدالرحمن
shahdkhalid161’s Profile Photo
Shahd khalid
بصي قربي اكتر من ربنا يعني صلي علطول وانتظمي ف الصلاة وادعي كتييير متبطليش دعا بجد هيفرق معاكي اووي اووي تالته ثانوي سنه فيها ضغط ومافيش حد هيقدر يخفف عنك غير ربنا متسمعيش كلام حد وركزي ف نفسك وأنك عاوزه تحققي حاجة انتي بتذاكري لنفسك مبتذاكريش لحد وهتنجحي لنفسك بردو
قومي كل يوم الصبح اكتبي الحاجات الي هتذاكريها وكل ما تخلصي حاجة عللمي عليها هتلاقي نفسك انجزتي كتير والله وحاولي تصحي بدري عشان فترة الصبح بتبقى احسن ف المذاكره وربنا معاكي أن شاءالله 💕
1
Liked by: Shaimaa Hany
shazamhmd0727’s Profile Photo
Sha zaaaaa
بصي ي حبيبتي اولا لازم يكون عندك هدف انك تذاكري وتطلعي كل حاجة م دماغك واي حاجة بتشغلك تبعدي عنهاا واولهم الفون تسيبيه م ايدك خالص ع هو الي بيلخمناا،، نزلي برنامج Detox جميل اووي بتظبطي عدد الساعات ويقفل الفون تلقائي ولو اتشقلبتي مش بيتفتح غير ب الساعات الي محددها وبأذن الله هتعرفي تذاكري وتجيبي مجموع كويس وافتكري دايماا ان ربناا مش هيضيع تعبك ع الفاضي ودي السنه الوحيده الي هتحدد مصيرك ي حبيبتي ولو مذاكرتيش دلوقت هتندمي بعدين وهتقولي ياريتني كنت ذاكرت ف لي نندم بعدين لسه ف فرصه اهو انك تلمي المنهج وربناا يديكي ع قد تعبك ي حبيبتي ويفرحك ب مجموعك يارب♥️♥️♥️
21
Liked by: ساد ورب العباد ســـيـــف ْ ✨ GoGa ℨℑ ℜℑ Lauren khraisat SALAH.. 46 Saied mohamed محمود ﮼جوبا Dawoud
emankhalaf8750’s Profile Photo
Shams♡
بصي اول حاجه لازم تتخلصي من الخنقه والزعل لأنهم بيأثرو ف التركيز وده بانك تكوني واثقه أن ربنا مبيكتبش اي حاجه وحشه وكله خير ليكي وصلي واقري قران ....وبعدين حددي الماده اللي هي صعبه معاكي ومش بتذاكريها وذاكري منها كل يوم جزء مع ماده تانيه انتي بتحبيها ...ومع المذاكره عشان متمليش حاولي تطلعي بره المود شويه واعملي اي حاجه بتفرحك ..بس قبل ده كله لازم تقفلي نت لانك مش هتذاكري وانتي فاتحه نت ابدا ...وربنا معاكي💜
1
asmaaelsaid355’s Profile Photo
Asmaa Elsayed
بصي هو اصلا الثانوية دا ضغط ليكي اصلا وتعب نفسي وكده عشان لازم المجموع والكلام حوالي تبدائي تذكرتي من نفسك لو كل يوم حاجه وابعد عن التلفون شويه عشان مستقبلك واكيد اهلك بيقولولك كده عشان مش شايفينك بتذاكري وربنا يوفقك ♥️♥️
4
Liked by: Eman Reda ✨ყσყσ☁ ℛᎯℳℐ Asmaa Elsayed
youssef_lekhar’s Profile Photo
Youssef Èlśekharŷ
بصي في حاجه ممكن تعمليه انتي محتاجه تغيري جو الي هو ازاي تخرجي تروحي اي مكان تمم سعتها هترجعي كويسه وبعد كدا تبدئي تذاكري حاجه حاجه كدا والي تقدري عليه اعمليه ومش شرط طول اليوم مذاكره يعني نظمي وقتك خالي 3ساعات في اليوم مذاكره بس بس ميكونوش مع بعض لا مثلا ساعه الصبح وساعه العصر كدا وساعه بليل بس خالي لم تبدئي في ماده من الصبح تفضلي عليها في ال3ساعات دول انتي فهمني اهم حاجه ولا لا
1
Liked by: Youssef Èlśekharŷ
alaaelgamal221’s Profile Photo
آلاء الجمل
بصى هو تقريبا معظمنا كدا مش انتي لوحدك فحاولي قبل متذاكري تروحي تتوضي عشان تفوقي واقرأي لو صفحة قرآن واقفلي النت عن الفون واعدي كدا وسمي حطيلك هدف او حاجة تخلصيها وبعد ما تخلصيها كافئ نفسك يعني قومي اعملي حاجة او كدا متعديش متواصل بس حاولي تركزي وبعدين انهيها بصفحة قرآن بردو وربنا يوفقك ولو عايزة تكلميني انا هنا 🤝♥️ ربنا يوفقك يارب

Language: English

4.1

1,266,418 reviews
© Ask.fm 2024