طريقة الإلتزام بالصلاة :?1_ كل ما تدخل الحمام توضى عشان لما تسمع الآذان تكون دائما جاهز للقاء ربنا و ما تتعاجز و تدخل الحمام عشان وضوئك و مباشره تصلي، هيك أسهل ❤2_ لما تقوم تصلي تخيل انو ربنا بستنى فيك و مشتاقلك بكل فرض و بحبك ..... ربنا بحب يشوف عباده بتقربو منه و بغار بس يشوفك متعلق بحد غيره و يمكن يحرمك منه لتحس انو ما إلك بالدنيا غير ربك ❤3_ بس تصلي إخشع قد ما بتقدر و ما تفكر بإشي غير بالآيات إلي بتقرأها و حاول ما تستعجل صلي بهدوء و عمهلك و لما تسجد طول بالسجود لأنه ذنوبك بتنحط ع كتفك و بتتساقط مع كل سجده، تمهل ❤4_ بس تكمل صلاه أوعك تقوم و كأنك ما سدقت و خلصت و ضروري كتير كتير تقرأ آية الكرسي ١٠ مرات و المعوذات كل سوره ٣ مرات أو ٥ مرات و عدهم ع أصابعك و استغفر شوي فش إشي بستاهل بالدنيا ملحق ع كلشي و هاي الخطوه إلي حكيتها مهمه كتير لأنها بتحببك بالصلاه أكثر و بتصير تحس انو فيه شي بشدك للفرض إلي بعده و يمكن تحس براحه كبيره و تقوم تصلي ركعتين لله تعالى بس لأنك مرتاح، إذا عملت هيك إعرف إنك بلشت تلتزم وربنا معك ❤5_ بس تكمل قراءة قرآن إدعي ربك بكل شي بدك إياه إشكيله و احكي معه لا تخلي شي بقلبك إذا مقصر تآسف و اطلب ربنا يغفرلك حتى ادعي ربك إنك تلتزم بصلاتك و عبادتك و إذا متدايق ادعي ربنا يشرح صدرك و إذا طفران إدعيه يرزقك و إذا مريض ادعي ربنا يشافيك و إذا بدك تحقق أمنيه ادعي ربنا و خلي إيمانك قوي انو رح يحققها لأنه قدير ع كل شي بس بستناك تستنجد فيه، قال تعالى " إني قريب أجيب دعوة الداعي إذا دعان " والله ربنا معك، و كل يوم إحكي " اللهم أجرنا من النار " و " اللهم إني أسألك الجنه " و " اللهم أحسن خاتمتنا " ضلك كررهم و إذا وصلت لهون بالقراءه اعتبرها رسالة من ربك مشان ترجع لصلاتك و تلتزم فيها و هاي خطوه كتير ممتازه و إن شاء الله ربنا بهدينا كلنا و نضل ملتزمين بصلاتنا ❤6_ حاول ما تسمع أغاني كتير لأنها بتقسي القلب حتى لو اسمعت عوضها بإستغفار و قراءة قرآن لعل و عسى تبطلها و كل شي بده صبر ❤7_ لا تعصي ربنا و تسبه أوعك أوعك أوعك هالشغله بتقسي قلبك كتير لدرجة الغفله دائما إستشعر إنه قريب منك و براقب فيك بالسر و العلن و حط مخافة ربنا بين عيونك قبل أي شي ❤8_ الله يهدينا كلنا و نلتزم بصلاتنا و نتقرب منها قرب محب ولا قرب حاجه و ادعولي بس تصلو لا تنسوني ❤?❤