@dohaaaaaaaaa

ضحى هشام

Ask me anything Follow
Ask @dohaaaaaaaaa

Sort by:

LatestTop

لو بتشتغل والمرتب بيروح كلة على الموصلات والأكل، تكمل شغل ولا تقعد في البيت ؟

يعني ع حسب.. لو هيكون فترة مؤقته والشخص مضطر = يستحمل شوية
لعل وعسى ربنا يفتحله سبل خير تاني ويرزقه من وسع
إنما لو مش مضطر فعلى حسب برضه لو الشغل بيخليك تكسب خبرة فأشطة أو لو بيشغل عن حاجات ملهاش لزمة يبقى وجوده مهم أكيد "عمل مجهد خير من فراغ مفسد".
انما لو بيضغط ع أعصابك وبيستهلكك ومش بتتعلم منه فدا تسيبه فورا وفوقه بوسة وصحتك بالدنيا يا فندم

عاوزة إيه يكون موجود في شريك حياتك؟ حاجة واحدة بس!

ليه حاجة واحدة بس هو انا داخلة سحب😂
إيه يا جدعان في إيه😅

Related users

mohameddiab094754’s Profile Photo Mohamed Diab
dr_mostafa97’s Profile Photo Mostafa Saqr
totoaaaa’s Profile Photo Wafia Mustafa
Islam Mahmoud
Reham Mohamed
SarahOsamaSalem’s Profile Photo Sarah Osama
tasneemI97’s Profile Photo Tasneem Ismail
Marwa Alnashar
Ola Mohammed
Walaa Salah
Abd El-Rahman M. Kamel
amna shaban
RaniaYahia718’s Profile Photo ranoosh
مُصعب آلشمري ❄️.

اقلع الخمار في فرحي ولا لا فضلا رودوا عليا لان متردده جامد 😭

لأ متخلعيهوش.. في عرايس جميلة جدا في خمارها
اعملي سيرش هتلاقي لفات مختلفة والبنات بتكون ملكات جمال اللهم بارك
ربنا يتمم لك ع خير ويثبتك وتبقي احلى عروسة في خمارها❤️

بدور ع شغل فى مجالى من ساعه مااتخرجت ومش لاقيه نهائى واشتغلت كول سنتر شهر ومقدرتش اكمل وقعدت ودورت تانى ع مجالى برضو ملقتش رجعت كول سنتر تانى مكملت اسبوع وسبتها وكل الناس عندى بيقولى مش بتاعت شغل واناحقيقى مش مرتاحه فى الكول سنتر دة ومش عارفه أكمل ومن ضغط كلهم بيقولى انزل لغاية متلاقى مجالك اعمل اية

إيه مجالك؟
لو محتاجة المرتب وفي صعوبة تقعدي فترة من غيره فللأسف إنتِ مضطرة تنزلي الشغل وحاولي تتقبلي الوضع الراهن على قد ما تقدري لو فعلا مضطرة ومين عارف مش يمكن الشغل دا يفتحلك شغل تاني وتكوني منه علاقات كويسة مع ناس مختلفة؟
إنما لو الموضوع مش فارق معاكي وبتشتغلي لمجرد التسلية فلأ متكمليش في حاجة مش حاباها طالما مش مجبرة عليها وحاولي تذاكرى حاجات مختلفة زي التصميم والجرفيك ديزين والبرمجة والسوشيال ميديا وكتابة محتوى دي كلها حاجات متاحة تقدري تذاكريها وتلاقي فيها مجال عمل واسع بإذن الله
ربنا ييسرلك الأمور ^^

الاعتذار ممكن ينهي كل الزعل بالنسبالك؟ 🖤

لأمش دايما.. في مواقف مش بيفع فيها الإعتذار فقط وأحيانا الواحد بيحتاج وقت علشان يتقبل الإعتذارأساسا

ايه السبب اللى يخلى الانسان يخاف من الارتباط ؟

أسباب كتير منها نفسي أو شخصي أومجتمعي
=الخوف من المجهول وتحمل المسؤلية
=ظروف مادية
فكرة الارتباط بشخص هتعيش معاه باقي عمرك مش اختيار سهل ابدا
=جهل الشخص بحقوقه وواجباته
=أسباب شخصية أو مرضية
= نشأة الشخص في أسرة غير سوية بيخلي عنده خوف من فكرة تكوين أسرة بالأساس
=ويكفي ارتفاع نسب الطلاق بشكل ملحوظ
أسباب كتير جدا الحقيقة.. ربنا يصلح الأمور ويزوج كل شباب وبنات المسلمين ويجعل بيوتهم آمنة وكلها سكن ومودة

+ 1 💬 message

read all

الخطوبة حلوة ولا الارتباط ؟

هو الارتباط يعني خطوبة ثم زواج فمافيش ارتباط من غير خطوبة دا كدا اسمه حرام ولعب عيال

هل من حقي اطلب رصيد من خطيبي ومصاريف؟

لأ هو لسه أجنبي عنك وغير مسؤل إنه يصرف عليكي.. ولو لاقدر الله كان شخص مش كويس ممكن يذلك بالمصاريف دي بعد كدا.
فبلاش

اخر مرة شوفتك الطقم كان جامد♥️♥️

أينعم انا مش عارفه هو كان انهي طقم.. بس دي أقل حاجة عندي😂😎

الإفراط في العطاء يعلم الاستغلال .... صح ولا غلط

صح جدا.. لا إفراط ولا تفريط خير الأمور الوسط

كنتوا جايبين كام ف الفيزياء ف ثانوية عامة😂💔

٤٨.٥ من ٥٠ ودا شئ لو تعلمون عظيم وكان من فضل ربنا والله لإني مكنتش بحبها اصلا😅

اللي كنت مرتبطه به خطب واهله كانوا رافضني بسبب انه مهندس ولازم يتجوز مهندسه او دكتوره هو خطب دكتوره انا لما سمعت خبر خطوبته مازعلتش وولا اتفاجئت وولا اي حاجه خالص بس اللي مزعلني اني حاسه اني قليله بس اني شهادتي مش دكتوره ولا مهندسه اد ايه حسسوني اني ماسواش حاجه ؟ هي فعلا بتفرق اوي كده؟؟

لو انتي بتقيمي نفسك بناءا ع اختيارات الآخرين يبقى مع الأسف انتِ معندكيش ثقة ف نفسك ومحتاجة تراجعي تفكيرك وتقييمك لذاتك..
ولو انتي شايفة إن الشهادة وحدها هي العامل المعياري للزواج فبرضه دا مفهوم خاطئ تماما.
بصي يا بنت الناس.. اللي بيتجوز حد بيكون متقبل عيوبه واختلافه وشايف انه أنسب حد يكمل معاه حياته. حتى لو مكنش أحسن حد في الدنيا بس هو بالنسباله الأفضل.
ولو اللي كان خاطبك سابك علشان رأي أهله في شهادتك بس.. يبقى ربنا نجدها نوسة وتسجدي سجدة شكر علشان كان هيحسسك طول الوقت انك أقل منه واللي يسمح لأهله انهم يختاروله شريكة حياته ويحجموا اختيارة = مش راجل مسؤل.
حياتك كانت هتبقى جحيم.. قولي الحمد لله وعسى أن تكرهوا شيئا وهو خيرلكم

ربنا يبعد عنك ولاد الحرام ويسترك دنيا واخرة يا أجمل وارق والطف خلق الله ♥حبيت أدعيلك ومن قلبي والله

آمين ولكم بالمثل

من هو المؤثر في تربية الطفل وتكوين شخصيته؟

الأشخاص الأساسية في الأول الأب والأم طبعا ثم الأشخاص اللي في محيط العائلة ثم من هم في نفس بيئته وبيتعامل معهم

هو انتي ممكن تفكري في خطوبة دلوقتي ولا انتي لسه الموضوع مش ف تفكيرك؟؟🤔

آه عادي معنديش مشكلة

ازيكم انا في سكن وعايز اعمل اكله على السريع اعمل اي

بانيه ومكرونة محمرة - تونة - عجمية - شعرية بالسكر - كبدة

اللي يعرف لفات خمار جديده وتليق على الرفيعين يقولي علشان حاسه اني شكلي وحش وبفكر اقلعه..

فيه لفات حلوة موجودة ع اليوتيوب.. ممكن تشوفي ابتسام القاضي بتنزل لفات مختلفة
مين قالك إن شكلك ممكن يكون وحش؟ متخليش الشيطان يدخلك من المدخل دا والاصل ف الحجاب إنه ميكنش ملفت فطبيعي انك متكنيش في أفضل شكل فيه
وحبيبتي الشكل مهم أكيد بس الستر أهم من الشكل يكفي إنك بتتحركي برحتك مش هتكوني خايفة لشعرك يبان من تحت الطرحة ولا الطرحة تتزحلق فيبان أي حاجة منك.
الشعور بالستر والراحة أهم من الشكل حقيقي + ثوابك كبير عند ربنا إن شاء الله

فيه شخص متقدملي وهو كويس جدا دينيا وأخلاقياودا اللي يهمني👌بس مش مناسب معاياكمستوى اجتماعي ولامادي ولا تعليمي وظروفه المادية بسيطةجدا وأهلي مش موافقين عليه وعاوزينه يكون شبهي في كل الحاجات دي عشان لو اتجوزته همر بظروف ماديةصعبةوهمامش عاوزني اتعرض لنفس الظروف الماديةاللي اتعرضتلها كلامهم صح ولاغلط؟

فيه شروط للزواج لازم يكون فيها تكافؤ.. الدين والأخلاق طبعا مهمين جدا لكن برضه المستوى المادي والثقافي أو العلمي لازم يكون متقارب
كان فيه صحابية اسمها فاطمة بنت قيس جاءت
للرسول تقوله إن أبا الجهم ومعاوية - اتنين من الصحابة - طلبوا خطبتها فهي بتاخد رأي الرسول تختار مين فيهم
فكان رد الرسول إن أبا الجهم ضراب للنساء يعني بيضرب النساء وإن معاوية صعلوك لا مال له فهو مش مناسب ليها ماديا وأشار عليها بصحابي تالت تتزوجه
فهنا العامل المادي فعلا مهم خاصة لو الفارق كبير وأهلك معاهم حق هم عاوزينك تكوني مرتاحة وبرضه القرار بيرجعلك في الاول وفي الآخر ولو شايفة إنك هتقدري تستحملي الفرق دا وتمشي أمور بيتك فتمام بس متجيش تشتكي بعد كدا.
ومش شرط الشهادة بس مهم يكون تفكيره قريب من تفكيرك والتعليم مهم وبيفرق في طريقة التفكير بس فيه ناس ثقافيا بتكون دماغها أعلى من ناس معاها شهادات كبيرة فدا أنتِ برضه اللي تحدديه في الرؤية الشرعية لما تتكلمي معاه وتشوفي طريقته واسلوبه وتفكيره بشكل مبدأي.

View more

جواز القرايب فاكس صح ؟

مش فاكس ولا حاجة لو اللي هيتزوجوا عاوزين بعض ليه لأ؟
هو بس الموضوع علشان بتحصل فيه مشاكل كتيرة بين الاهل بعد الزواج ودا الغالبية العظمى فالناس بتقفل الباب دا خالص حفاظا ع صلة الرحم.. بس فيه ناس قرايب متزوجين وزي السمن ع العسل فالموضوع مش فاكس ولا يُعمم
1
Liked by: Mohamed Diab

ربنا يكتبلك كل خير ويسعد قلبك ❤

الله الله.. دا تقريبا حد صعبت عليه من إجابة السؤال اللي فات <3
آمين آمين ولكم بالمثل وزيادة
نقفل اليوم بسرعة على الدعوات الحلوة دي

انا زهقانه أوي ومقفوله من كل حاجه 🥲

ياجماعة بقى بالله عليكم أنا أصلا مش عارفة أشتغل وداخلة الأسك أغير مودي القفيل .. لقيت مودي نفسه جاي وجايبلي أصحابه معاه :((((
أنا عاوزة من الرسايل المبهجة يا أنون لو سمحت أو دعوة طيبة كدا
ومعلش يا ستى والله كلنا مقفولين وعندنا مصايب سودة معلش نستحمل ونعدي الأيام

Next

Language: English

4.1

1,266,418 reviews
© Ask.fm 2024