يا ريت يا جماعه لما نشوف شاب محترم بيسرفس عليك فى اى مكان ( سواء قهوه او كافيه او اى مكان ف اي حته ) يا ريت تحترمه ١- وبلاش تبقى حاطط رجل على رجل فى وشه وهو بينزلك الطلبات - مش هيجرالك حاجة لو نزلت رجلك دقيقه وأبقى حطها تانى لما يمشي - ٢- يا ريت لما تطلب منه ال order تقوله لو سمحت أو من فضلك، - بلاش تتنك قوى وانت بتطلب وتتخيل نفسك مفيش زيك . ٣- يا ريت لما يجيبلك ال order تقوله شكرًا أو تسلم إيدك - مش هيجري حاجه بردو لو قلتها - ٤- يا ريت ماتسيبش الشاب ده واقف قدامك كتير وأنت عمال تحكى مع الناس اللى معاك فى اى موضوع ٥- يا ريت لما تحب تسيب بقشيش متذلوش بالبقشيش بتاعك - سيبهوله من سكات وبتواضع. أخيرا لازم تفهم أن الشاب ده أبن ناس زيك - وفى أغلب الأحوال هو تعليم عالى وحتى لو مش متعلم خالص فيكفي أنه فضل يكسب رزقه بالحلال بدل ما يسرق او يشحت ...راعوا مشاعر الناس برد فعل مهذب أو ابتسامه بسيطه عشان هتفرق اوى معاهم واجمل حاجه جبر الخواطر💙❤
انا غلطت كتير وتعبت من نفسي وضميري بيأنبني كل ثانية مش قادرة اعيش طبيعي من شدة التأنيب والندم اللي جوايا حاسة اني شخص وحش من جوايا اوي هل يا ترى فيه فرصة للشخص الوحش م جواه انه يبقى كويس ونضيف؟ ولا دا مستحيل؟
لا يتعافى المرء بصُحبةٍ ولا بوجودِ حب ولا بوجود مال بل يتعافى بقدر رضاه وبقدر صلته بالله وبقدر كونه حقيقي بكونه جميل داخليًا لا ظاهريًا فقط يتعافى المرء بقدر صراحته وصدقه مع الناس ولينه ووده وحنانه على نفسه و غيره وهوان أخطاء الناس على روحه يتعافى المرء بقدر قربه من ربه .
عارفة ؟ مشاعرك اللي بتوزعيها بالإعجاب والتعلق بكُل عابر دي هتندمي عليها إمتى ؟ هتندمي عليها لما ربنا يرزُقك بالزوج الصالح وتلاقي نفسك ما عندكيش أي حاجه تقدميها ليه.. عارفه ليه ؟ عشان إستنزفتي قلبك و مشاعرك كُلها قبلُه. إنتوا مش كاسبين قلوبكُم في كيس شيبسي، قلوبكُم غاليه والله وتستحق تتصان، بتهدروا مشاعركُم مع ناس غلط وفي غير وقتها المُناسب، ولما الناس الصح بتيجي ما بيبقاش عندكم طاقة تبدأوا معاهُم ومش فاهمة بتعذبوا نفسكُم ليه يا جماعة والله. إشغلوا وقت فراغكُم، إحفظوا قُرآن، إتعلموا دينكُم، إقرأوا، نموا مواهبكُم، عفوا قلوبكُم، فيه حد هييجي في الوقت المُناسب يستحق يكون أول حد يسكن قلبك، اتقوا الله، اتقوا الله، اتقوا الله. " أَلَمْ يَعْلَمْ بِأَنَّ اللَّهَ يَرَىٰ ".- مها عبدالكريم
لو العريس محترم وطيب بس شقته صغيرة وانا مش بستحمل الاماكن الضيقة وبتخنق منها حرام عليا لو سيبته ولا ممكن يبقي فيه حل؟ و هو مش هيعرف يجيب غيرها لانه لسه بيبدا حياتو
شوفي شخصيته هو واخلاقه اي وهل انتى مرتاحة ليه ولا لأ ده أهم شئ