عنيها جت فى عنيا و قلبى بيتغنى ويتدارى عشان يخبى شوقه عنها ويمنع القواله فضحتنى اول نظره لما لقتنى نفسى اخدها فى حضنى تحس بنبض قلبى واستشعر وجودها صوتها حرك جوايا قلب مات غرقان فى دمه من حب السنين اللى اتقتل ولسه ليه بحن والحلم الى مراودنى انى اوصل ليكى اخلصت لكل الناس ودوست عـ اللى كان شاريكى ايدى فى ايديكى من زمان وقولنا العمر بدء عشر سنين بتمنى حلمى يوم ميلادى اتخلق والعمر منى اتسرق والقلب عليكى اتحرق ولسه ماسك قلمى وحبرى بينزف على الورق ضيق بحس بيه فى كل مره وانتى السبب حياتى ملكى ولا ملكك ولا تحت الطلب قلمى اكتئب من كتر ما كتب على اللى جوه منه جف حبره و الاحساس اتسلب بس مين السبب هقولك ايه واعيدلك ايه ما كل شئ عرفاه ده انتى ابتسامتك بالنسبالى بتساوى الحياه كلام كتير جوايا وهم وغم و الف اه ياه وكل ده من مجرد بس لمسه عارفك حبيبها بس لازم يا قلبى تنسى خايف ترجع تحتاجنى وبتلاقى ارادتى عاجزه اخر مقابله بينا كانت دبله وفارقت ايدها ومن ساعتها بقى حب قاتل دى بدايتها Verse : 2 – El Joker طب دى القصيده ملت حتى الايد اتشلت بكت السطور والف سور يبعدها وعنها ما ابعد شايف لكن بستعمى بوطى وشايفنى بعلى بقلب صفحات الجرح واقرأ فى السطور الناعمه و ده الكاس اسألي امتى مسكت فيه يقولك انا اللى ليه بعد ما قرب منك فا بعدتيه انا اللى مسكت فيه لما قلبى احتاج اللى ينسيه انه عاشر لوحده هدت فوقه كل اللى بيبنيه والتانيه عايشه ترضى لسانها مل ينطق ان نبض قلبى فـ بعد الاولى يوم عن يوم بيبطئ فـ اخرها رد خيرها سوء ظنون زرعها غيرها تعلى الدماغ واغيب احسن ما فوق افضل فاكرها فا ليه تشيل فى ذنبك اسوء الظن فيها نتيجه غدرك وقلبك نساكى ان الى حبك لسه فاكرك عندك ادينى فرصه احاسبك ارتحتى بعد غرق حد كان للبر شدك بـ الوجع حقن الفكر كل سطر فى صوره حبر اللحن اتلطخ بـ الاهات مسلمش منه شبر ارخص وغيرى يغلى واشوفلى منها ابنه واتارى الوهم كان الماده الخام لصناعه الدبله بلف فـ ساقيه دور واروى بدمى اررض بور واخرج من جروحى فى النهايه بحبر عالسطور فـ الميت اهو اسالوه لحظه مانتو بتعدموه احساسه ايه احساسى بعد منها تعرفوا Verse : 3 – Dawsha اه يا دنيا لما بتنسينا بتلفى تلفى وبتيجى علنيا ما اللى فيا من جراح حطيتوا فيكى كنتى تملى معايا بس القلب كان ناسيكى ازاى شاريكى دايما عالرف راميكى ومش مهتم بيكى ولما موتى عينى نزفت بدل الدموع ده دم بعدك حياتى شايفها سوده وغم طب ايه اللى تم حياتى وقفت على واحده ماتت نسيتها زمان فـ سابتنى دلوقتى وفاتت الدنيا والى فيها انا سيبهالك اتهنى بيها برضه انا مش مرتاح وبطلب العفو والسماح انا اتظلمت فـ ظلمت حفرت لقلبى تربه وعليه ردمت فكتمت سموم فعقلى كنت فـ غربه مفوقتش منها غير لما فارقتى الدنيا بعدتى عنها خلاص يا قلبى مات زمانها غلطه لازم تدفع تمنها اشرب مـ البحر وقدف يمكن امواجها تحن ليك وتحدف اياام زمان لما كان الحب والحنان بيتسقيلك من احلى انسان كفايه تأنيب ضمير مادينى عايش اسير بدور مين معايا ملقيش مخلوق اكيد ده ربى حاسس بيا فوق وبعترف واقول انا ظلمت نفسى مع انى كان نفسى ما تقسى عليا نفسى