عُمري ما فهمت معنى جُملة "يا قلوب متدارية"
إلا لما عرفت إن مش كُل حُب ينفع يخرج برا قلبك لو خرج هيتداس ، ولا حتى ينفع الإفصاح بيه ، فيه مشاعر كتير رقيقة وجميلة لازم تفضل "مكنونة" بس .
مفيش أصعب من مرحلة "الشتات"، لما بتبقى على وشك تنهي علاقتك بشخص قريب منك، وكل حاجة بتقولك إن ده اللي فيه الصالح ليك، بس غصب عنك بتضعف، قلبك بيخذلك ويقولك: "طب ما نحاول كمان مرة"، وتضعف، وتحاول وأنت كلك يأس، وبردو اللي بتحاول عشانه هو اللي يخذلك للمرة المش عارف كام، وتقرر تبعد، والعركة دايرة بين عقلك وقلبك، تبان للناس هادي وأنت جواك ألف معركة وفكرة بيطحنوا بعض، الكل بيلوم فيك وأنت أساسًا مش مستحمل كلمة.. لحد ما روحك تُنهَك، وتعمل اللي مفروض يتعمل، تمشي وأنت كلك ألم، وتحقق أكبر انتصار حزين كان ممكن تتخيله.