أنا عارف ومتأكد إن فية ناس هحبهم ومش هيبقوا ليا ، و إن فيه ناس بحبها هتختفي من حياتي فجأه ومن غير أي سبب واضح ، ومتصالح جدا مع فكره اني لوحدي مهما كان حاوليا ناس و إن محدش هيفهمني غيري ، ومتصالح مع فكره إن فيه ناس بحبهم آذوني كتير و مش عارف أكرهم..بس للأسف لسه بزعل من الحاجات دي.
انا ماعرفش انا ليه زعلان على حاجات انا متأكد اني استاهل أحسن منها ، ليه بتمسك بناس بيأذوني نفسياً لمجرد إني بحبهم ، ليه بعاتب نفسي على كل حاجة حتى لو مكنتش غلطان ، ليه بسامح وبدي فرص لناس بيخذلوني كل مره ، انا متأكد اني في يوم هموت من الخنقة بسبب الحاجات دي والله !
الفترة دي حاسس إني تايه ، مش كويس ولا مبسوط بس بعدي يومي وخلاص ، حاسس إن فيه حاجه نقصاني وإني حابب أكون لوحدي بس مش عايز أفضل لوحدي ، مبقتش أصدق أي حد وثقتي فـ الكل تقريباً بقت شبه معدومة ، أنا عايز أرجع لنفسي وشخصيتي القديمة فـ راحة البال بس والبسَّاطة إللي كُنت فيها ، أنا تعبت.
أنا ديماً بحاول أبين عكس اللي جوايا ، بحاول أبين إن مفيش حاجة وإني كويس وكل حاجه تمام مع إني من جوايا بكون مدمر من كل حاجه ، بعمل كده علشان مش عاوز أقرف حد معايا ، أو بكون خايف من رد فعل اللي قدامي انه يستهين بزعلي وبمشاكلي ، و حقيقي موضوع اني ابين عكس اللي جوايا ده مقرف جداً !
بقي عندي رغبة في عدم التعرف علي أي حد جديد ورغبة أكتر في البعد عن كل القديم ، حالة كده عن فقدان الرغبة التامة في التعامل مع أي بشر والانفصال عن كل الناس .