واحدة من أجمل الجمل اللي قرأتها في حياتي "كلٌ يراك بعين طبعه وبقدر محبتك في قلبه".فا انت هتلاقي في حياتك اللي بيشوفك أطيب الناس، وهتلاقي اللي بيشوفك أسوأهم. هتقابل ناس بتنسالك خمسين موقف حلو عشان بس قصرت مرة، وناس بتدور لك على أعذار وبيظهرولك قد ايه انت جميل! هتقابل ناس ما بتبطلش تنتقدك، وناس هيخلصوا كل الكلام الجميل في وصفك. هتقابل ناس بتكرهك بدون سبب، وناس بتخترع أسباب تحببها فيك!وفي النهاية أنت نفس الشخص، ولكن كل عين تراك على قدر محبتها لك وكلٌ يراك من الزاوية التي تقف فيها من قلبه.
الحاجه الحلوة بتفضل حلوة طول ما انت بعيد عنها ، مجرد القرب منها بيفقدها تلت اربع جمالها ، يمكن الموضوع دة لما نطبقه علي البني ادم هنلاقي ان معظم الناس بتفقد النظره الجميله الي شيفينها ليهم بمجرد مانقرب منهم ف اعتقد نفضل بعيد احسن .
لو حاجه واحدة المفروض نتمناها ف هي اننا نرجع تاني صغيرين ، نرجع مانشيلش هم حاجه ومانشوفش كل علامات الكبر ، نرجع ومانمرش بتعب حد من اهلنا او خساره اي حد منهم، نرجع زي ما كنا عايشين في سلام ومن غير اي هواجس او اي تفكير في اي حاجه او اي خسارة لاي حاجه او اي صديق او اي شخص عموما ..