خضار العروق اللي تحت جلدك الشفاف
عناقيد ربلٍ ما سفى فوقها السافي🖤.
كن الحواجب اذا ضاقت من الدنيا
شيهانتن للـهـدد ..مـدة جناحيها🖤.
تهقويت ليلك وأنت ليلك ظمأ ، وجدال
وأنا كلّ ما جوّد مداي التعب خيره
تزلّ الدروب .. ولا سلا قلبي ولا زال
غريب ٍ يدّور في طرف ضحكتك ديره🤍.
يشوف الغلا بعيونك الناعسات الحور
مثل من يشوف الموت بعيون ذباحه🤎.
أنت مثل الحياة الفانية بالتمام
عارف اني بخليها .. وحبيتها 🤍.
جيتها وأنا الشجاع اللي يقول الموت وينه
ونطحتني بالعيون السود وارهقني حورها
ماهقيت السيف الاملح ينثلم من ياسمينه
لين عنّت خيل فتنتها علي والله نصرها🖤.
والله انك زين مبسم وطبع وزين جاه
جعل عين الناس تسج منك وتلتهي
واحدٍ مافيه مثلك وربي قد عطاه
الحسن والذوق والعز والوجه البهي🤍.
من زينها ماهيب تشّبه على الريم
الريم هو الـي يشّبـه عليها🤍
يلعب بقلبي لعبة الطفـل بالطيـر
يضحك وطيره ميتٍ في يدينـه 🤎.
صوّبت قلبي برمشٍ مثل نصل الحسام
وأدمت القلب الرهيّف وهي ما ودّها🤎