مسحت كل الابليكشن ومش هفتحهم تاني لحد اخر السنة وادعيلي اجي اقلك ف الاخر ان حققت ال كان نفسي فيه ❤ .. وبصراحة ريحتني وريحت بالي وفوقتني .. ربنا يريح قلبك زي مدتني طاقة ايجابية كدا .. شكرا جدا :) ^^
للمرة الالف , بلاش والنبي كلمة شكرا دى , ::) , وان شاء الله تحققي حلمك وتكوني قيمة كبيرة فى المجتمع , وربنا يوفقك ويهديكي ويهديلك نفسك ويرزقك فرحة ما تساع الدنيا كلها , ^ _ ^
اعتمدي على نفسك فى كل مشاكلك فى حزنك فى فرحك , متستنيش ان حد يقولك مالك اسعدي نفسك بنفسك , متسيبيش الحزن يتملك منك , وبلاش تعيشي فى حالة الحزن دى كتيير بس اقولك على حاجة , من كلامك حاسس ان انتى بعيدة اوي عن ربنا صح ؟؟ قربي من ربنا , لان وجع القلب والهم والكرب دة سببة البعد عن ربنا , وصدقيني قربك من ربنا هيحسسك براحة نفسية كبيرة اوي وبالذات لما تبقي بين ايدين ربنا وتحكيلة كل اللى واجعك وبتشتكي منة ومفيش احسن من ربنا نشتكيلة , ::)
انا ثانوي عام وشفت اجاباتك بصراحة عجبتني بس الفرق اني ولا عندي ا يحفزني ولا الي ينصحني ولا ال ياخد الموب ببقي ف منتهي الاحباط انا ال بطلب منهم يقلولي كلام يقويني ممكن يكون غصب عنهم محدش فضيلي بيكتفوا بكلمة بطلي دلع .. انا ف دماغي ان احقق حلمي ف كام شهر دول هتعب لوحدي بس هعافر فقلي ابدأ ازاي !
والله اللى شايف فى نفسة انة هيقدر يساعد الناس والمساعدة فى حل مشاكلهم ويكون عندة الصبر انة يسمعهم , يتفضل وانا اديلة الباسوورد واليوزر ويشتغل على الاكونت , ^ _ ^
كل حاجة باظت السنادي وصحابي اتغيروا مبقتش اصلا مؤمنة ب حاجة اسمها صحاب منكرش ده مأثر عليا .. بس معرفش ايه اللي سادد نفسي بالشكل ده حسة بخوف واحباط وبس وعشان كدة كنت بهرب ب النت من اللي انا فيه ويمكن ده السبب الي مش مخليني قدرت ابعد عنو ف الاول زي مقلتلي ! :") مع ان كان اكيد احسن ان ابعد خالص
طب بمناسبة الصحاب , هقولك نصيحة اتقالتلى من استاذ عزيز عليا اوي وانا فى الثانوية بردة " ملكشي دعوة بصحابك بيعملوا اية , لانة ممكن يكون قدامك بيلعب وبيضيع وقتة بس هو عارف هو بيعمل اية منظم وقتة جدا وعارف هو بيذاكر امتى ومصدر ليك صورة ان هو بيلعب وفى الاخر هتلاقية جايب مجموع وانت مفيش , وفى الشهرين دول ممكن تقلب مستقبلك يعنى ممكن متكونشي بتذاكر طول السنة بس فى الشهرين دول هتتحدي نفسك وهتثبت ان انت انسان عندك عزيمة وتقدر تحقق حلمك " شدي الهمة وصلي ركعتين لله وخدي عهد على نفسك انك هتحققي حلمك مهما يكون , ::)
مدمنين عشان ملقناش حاجة عدلة تشغل يومنا .. الدنيا كانت هتبقي احسن من غيروا .. بس مفتكرش ان الي بعيد السوشيال ميديا هيكون احسن .. وبالنسبة لكلامك عندك حق فيه :) . شكرا لانك سمحتلي اكلم ^^
السبب فية ش اننا مش لاقينا حاجة غيروا , السبب فية ان رباط البيت الواحد فك . لا اب قريب ولا ام قريبة " الا من رحم ربي " وكل واحد فى عالم تانى تقريبا الاسرة مبقتشي بتتجمع غير على الاكل ودى كمان مبقتشي مضمونة , :\ بلاش كلمة شكرا دى , انا بتكلم معاكي وبندردش فى المشاكل علشان مبحبش اشوف حد مهموم وواقع فى مشكلة مش علشان مستني منك كلمة شكر , ^ _ ^
نفسيا !! , اية اللى بيواجهك او ضاغط عليكي فى الوقت دة غير مستقبلك !! حد في حياتك مثلا او مشاكل مع حد من صحابك او اوا او او الخ , كل دة مش هينفعك صدقيني . حاولى تطلعي اى حاجة من دماغك ويبقي كل تركيزك فى مذاكرتك وبس غير كدا ارمي ورا ضهرك , ::)
اه جيل السوشيال ميديا " مدمنين الفيس والواتس " ياريت بس نفهم ان المواقع دة مواقع تواصل مش مواقع حياة , وصدقيني مش الصورة ولا البوست اللى هتنزليهم تعبري فيهم عن حزنك مثلا هو دة اللى هيخفف عنك او هيخلي حد يسال , واللى هيعرف مالك هيبقي من المعاملة ومن كلامك مش من صورة على فيس ولا واتس , ::)
انا خدت الموب من ماما .. ذاكرت النهردة فيزيا وعربي :) الحمد لله
بس معرفش اعمل ايه ف حكاية مليش نفس للمذاكرة دي بضغط ع نغسي ! معرفش ليه اول مرة اوصل للمرحلة دي !
اولا كدا تحددي وقت يكون الموب معاكى , يعنى هتذاكري وتقولي لماما هاخد الموب ساعة , وبعد االساعة تاخدة تانى , والساعة دى المفروض دي بتبقي التحفيز يعنى قصاد المذاكرة .. الضغط على النفس دة بيبقي فى الاول بس بسبب انك بعيدة عن المذاكرة من فترة وبتحسي بملل ولا انا عاوزة افتح الموب وكدا , فتحفيزك لنفسك يكون عبارة عن انى هذاكر كويس علشان اقدر اخد الموب . ولازمي تقيسي مستواكي بعد كل مذاكرة وتشوفي فى تحسن كل يوم عن التانى ولا لا , ::) وربنا يوفقك يارب ^ _ ^
طب انت شايف ان الواحد يداري الي جواه حتي لو حزن ويبقي ليه خصوصية افضل ولا مش فارقة !
مش فى كل الحالات , لان فى اوقات بتقدر تستحمل كمية الحزن او القهر اللى جواك , وساعات تانية بيبقي الحمل تقيل شوية وبتحتاج حد تفضفضلة علشان ترتاح . بس نصيحة " الحد دة لازم تكوني بتثقي فية ثقة عمياء علشان دة اللى هيقدر يستحملك ويسمعلك " وركزي اوي على يسمعلك دى لان مش اى حد بيعرف يحكي ولا اى حد بيعرف يسمع " ::)
ايوا كدا .. بس بتعلق بالناس بسرعة وبثق فيهم وبتعشم فيهم يكونوا زي مبعاملهم ورسمالهم صورة ف دماغي بس بيطلع العكس وبتصدم فبقيت خايفة دايما عشان بضحك ع طول وبضحك كل ال حوليا وحتي قررت امسح اي حاجة عندي صورة /كلام يدعي ان اظهر مضايقة لان مش بتنفع بحاجة مبقاش حد بيحس ييا عشان ع طول بضحك ومتظاهرة بالقوة
انك تتصدمي فى حد وكدا , دا حلة زي ما قلتلك متخليش حد قريب منك ولا تقربي اوي من حد الا بعد فترة , بعد ما تتاكدي منة وتتاكدي من الصورة اللى انتى راسماها لية فى دماغك . انك بتضحكي وبتتظاهري بالقوة دى مش عيب بالعكس دة شئ كويس لحد ما يبقي مش تظاهر لحد ما توصلي لمرحلة ان انتى قوية فعلا , وصدقيني مفيش حد هيقف جمبك ويهتم بامرك سواء مبسوطة او زعلان غير اللى بيحبك بجد سواء " صديق , اخ , اخت , ام , اب , حبيب " فمتزعليش لما تلاقي محدش من اللى حواليكي بيهتم لزعلك او لفرحة , لان بعد كدا هتعرفي هتقربي مين فى حياتى ومين هتبعدية , ::)
اولا حلو جدا انك تحاول تنصح حد او تفكر معاه ف مشكلته وتديله حل ليها ثانيا حلوة فكرا الحوار اللي بتعمله وتشوف راي كل واحد وتنتقي افضل انسرز انا عن نفسي بدخل اشوف باقي الاسنرز وبستفاد من رايهم برضو ثالثا حلو انك تستغل وقتك فحاجه مفيده سوا بتساعد حد ف مشكله او تحط اسئله وتشوف اجابتهم كلهم دا هيفيدك جدا
صح كلامك , فعلا الغرض الوحيد من الصفحة دى هو " مساعدة الناس " حتي للو هنكون مجرد سبب من ضمن اسباب فى حل مشاكلهم , ::)
معرفش ده ايه دا بس مش بفرح ع فكرة لما بعمل كدا دايما مترددة ف اي قرار باخدوا بفرح كل اللي حوليا ومش لاقيا حد يحتويني ويفرحني بصراحة مش عايزة حد نفسي انا ابقي مسؤلة عن اي حاجة لوحدي بس مش بقدر ازاي ابقي باردة واعتمد ع نفسي انا كرهت النقط دي فيا قلت مش هزعل ومبقتش احط حاجات نكد ف اي حتة لكن جوايا لا
على اد ما فهمت من كلامك , رديت فى الانسر اللى فات , مستني رأيك فى الرد ؟ ::)
انا مبعرفش اعمل حاجة لوحدي .. لازم اخد رأي اللي حوليا لدرجة انهم زهقوا وبيقولوا ان تافهة حتي لو هحط صورة او حالة ع واتس او غيرو لازم اي حاجة اعملها اخد راي الي حوليا ماما/اختي دي حاجة بتضايقني بحس بضعف الشخصية .. وكمان بتعلق بالناس بسرعة دايما نفسي ف حد جمبي نفسي ابقي قوية واعمل اي حاجة من نفسي ! :/
تفسير عام كدا , انتى اجتماعية " زيادة عن اللزوم " وثقتك فى نفسك قليلة .انتى محتاجة تثبتي نفسك , تثبتي ان ليكي شخصية وليكي رأيك الخاص بيكي . مش معتمدة كل اعتمادك على غيرك ودة هييجي من اعتمادك على نفسك فى الحاجات الصغيرة قبل الكبيرة . كمثال " عاجبك حاجة مثلا مش مستاهلة تاخدي راي حد فيها مادام عاجباكي " تعلقك بالناس بسرعة للاسف فى مجتمعنا مش كويس , لان مش كل اللى هتقابلية هيكون صافي النية تجاهك . مش بقولك متتعامليش مع الناس , بس خلي اللى يكون قريب منك يكون قريب بس بعد ما يظهر على حقيقتة . ومحدش بيظهر على حقيقتة غير بعد فترة من المعاملة وبناء علية , تعاملي ككل الناس بس متقربيش منك غير اللى عرفتية على حقيقة , ::)
هههههههه , علشان بمنتهي البساطة انتى من احسن الناس اللى بنشوف منهم ردود حلوة جدا وعاقلة فى نفس الوقت ::) , ربنا يحفظك ويكرمك ويكملك بكل ناقص يارب ^ _ ^