بعدين إنت ماجيتش بلونك العادي ليه بدل الأزرق..و انت أزرق ليه أصلا؟.
شيفا: عشان (فيشنو) أزرق و إحنا - أنا و (كريشنا) - تجسيد (فيشنو)
الكلام ده حقيقي؟ انا بسال عشان انا واقعة من الضحك بس الجملة لفتت نظري
اه فعلا شيفا هو اله تقديسي و الالههة الخمسة الهندوسية هي فورمس او افاتارات و الخمس مناظر اللي بيطلع بيهم و كل واحد فيهم بيمثل جانب من شخصية هذا الاله العظيم كمثال براهما هو تجسيد الخالق, بينما شيفا هو مصرف الامور و المدمر, الموضوع ان الهندوسية ديانة معقدة حيث انها لا تصنف بسهولة ضمن متعددات الالههة ولا من ديانات التوحيد بل هي خليط من الاثنينبس التدوينة مش تضحك على قد المفروض انها اسقاطات على حاجات برضه في حياتك لو انت معتنق اي دين بتؤمن بيها بنفس الاسلوب و المنهجية..و استخدمت في اسقاطي ديانة بعيدة عن منطقة الشرق الاوسط عشان تهم ازدراء الاديان و التعنيف الفكري و الرفض
ولا اي حاجة شوية ناس هتنزل تهتف سلمية و يطلع عليهم الداخلية يموتوا شوية و الباقي هيطلع عليهم مليشيات الاخوان و بعدها مرسي على التلفزيون يشاور لنا بصباعه و يستمر مسلسل الافغنة التخلص من الثقافة و فرض العهر الاخواني على كل شيء مصريو صفوف المعارضة مشقوقة اصلا بين لا دول مش من حقهم يبقوا ثورجية و شوية هبل كتير كده فاليوم هيعدي عادي زي اي يوم حصل فيه مظاهرات
اعظم كفتجي في التاريخ؟ و هل يخفى القمر؟انا سمعت عن ناس تلحد بالتفكير تلحد مثلا عشان عايزة تعمل حاجة من غير ماتوجع ضميرها و ناس تافهة اصلا لكن تلحد و ترجع (و هي ملحدة كانت بتصلي اصلا يعني كان ملحد انتساب)عشان مبيعات كتبها تزيد؟ لا بصراحة جديدة دي
اول ديوان كتبته اسمه قلبي الاخضر الصغير اتنشر ورقيا في السعوديةو ضميته بعد كده لديوان اكبر اسمه عمري عشرون حاولت النشر فشلت كتير لانه بيترفض لاسباب غريبة المهم استمتعت بتجربة الاكتروني اكتر وكانت بتقيس رد فعل الناس احسن و اسرعو في النهاية بطلت الشعر و كتبت مقالاتي و اتنشرت في كذا جريدة و حبيت التدوين و المقالات و يومياتي اكتر
ليه بتكتب؟ افرض ماحدش قرا الي بتكتبة..هتفقد قيمتك و تبطل؟
بأكتب عشان ماكانش عندي أصحاب أحكي لهم بأكتب عشان اللي بيكتب بيعيش للأبدلو ماحدش قرأ اللي بأكتبه مافيش مشاكل أنا اصلا ما بأكتبش لحد انا بدأت الكتابة لنفسي و ماكانش في نيتي نشرها و فكرة نشر كتاباتي ليست فكرتي كلية الفضل في ذلك يرجع لشخص اخرانا معرض اني افقد صفحة الفيس او الجوجل بلس او المدونة تبوظ ساعتها هأرجع للكتابة لنفسي تاني:)
اهصور من اي مكان بألاقيه بحب الابيض و الاسود و الابداع الصور الجميلة و الايروتيكا الرسومات و هكذا بعضها عندي ع الجهاز او على النت و باعيد رفعها عندي عشان ماتضيعش
حاليا داخل الفرن - كوب شاي مع كريشنا - لقاء في ممر الجرذات مع ادجار الان بودي لقاءات تصورية خيالية مع الشخصيات ديداخل الفرن ايضا كتاب #هاش_تاجو 3 حلقات من إلى داخل رأسي حلقات مرعبةمعلش في حاجات كتير فممكن تاخد وقت عقبال ماتصدر حاجة منهم بخلاف اني مشغول في مشاوير مع السفارة السعودية دلوقتي :)
كذلك عايز كل ما أملي وهمتي تضعف وكده ألجأ ليها, وفي ناس كتير طلبت مني الموضوع ده وقالتلي هتبقى فكرة كويسة, على الرغم اني مش عايز أعمل كده عشان أوزعها عالناس يعني عدد قليل أعتقد اللي هسمحلهم يقروها, مشكلتي بقى: مابعرفش أعبر ولا أكتب :D ممكن تنصحني او تقولي أعمل ايه, انا بحبك جداً وبحترم أرائك وكتابتك
ماتحطش في بالك اول حاجة انك هتديها لحد اكتب كانها لك بس اسرد الاحداث عادي حتى لو هتكتب"دخلت المستشفى حصل كذا كذا...وانا ماعجبنيش"زي مارديت في في السؤال اللي فات اكتبها مهما كانت وحشة طريقتك و لما تكتب كتير و تقرا كتير اسلوبك هيتحسن تدريجيا لو مش مصدقني اقرا لي عمري عشرين و بعدها اقرا لي التدوينات الحديثة هتلاقي فرق بين سما للارض اكتب و اقرا روايات و قصص وانت هتتعلم اساليب السرد :) انا عملت كده يا سيدي
بُص, دلوقتي أنا كنت مريض بالسرطان وخفيت, مريت بتجربة صعبة ومثيرة ف نفس الوقت, اتعلمت فيها حاجات كتير وحسيت فيها حاجات أكتر, مسيطر عليا احساس اني عايز اكتب التجربة دي بطريقة أدبية كويسة, لعدة اسباب منها ان ذاكرتي سيئة جداً وبدأت بالفعل أنسى حاجات كتير, وأنا محتاج أفضل فاكرها, أنا لسه سني 18 سنة...
لازم تكتب يومياتك انا باكتب يومياتي لنفس السبباكتب الاحداث باسلوبك دلوقتي و لما اسلوبك الادبي يتطور عيد كتابتها تاني وشيلها في حاجة عزيزة عليك وارجع لها :)
فضفضه :))
** كل حد يكتب خاطرة او كلامعاوز يقوله او صورة او ايموشن بيعبر عنه .. اى حاجة :)) ***
و قل لهم ...ليس كل من يرغب في الإنتحار يملك الشجاعة للقيام به.. في صمت و سكون و فعالية,هم فقط يريدون الإهتمام المحيط بالمقبل على الإنتحار لا تعطهم إهتماما, فستجدهم لملموا أحبالهم و سكاكينهم, و هبطوا عن الأفاريز و عادوا إلى حيث يجرعون همومهم بالحياة كالأشخاص العاديين هذا فقط لأن الشجاع حقا هو من يدري متى تكون النهاية, مطلوبة لازمةمن صفحتي https://www.facebook.com/mhmdbrqi/posts/144072722452708
ده على أساس ايه؟النقابات إتعملت عشان الناس اللي في مهنة معينة يتجمعوا يمارسوا انشطة و يناقشوا مستقبل مهنتهم و تطوراتها و مطالبهم و حقوقهم فيها لكن هتأسس نقابة على أساس عقائدي؟ هيقعدوا يعملوا ايه؟ ممكن تعمل تجمع ثقافي او صالون, ماشي لكن نقابة لأطبعا انا ضد اي تجمع على اساس عقائدي
تعرف ايه عن مثلث برمودا ؟ وايه وجهة نظرك هل هو من الاساطير ولا له حقيقة علمية ؟
مثلث برمودا مشهور بان حصلت فيه حوادث غريبة من نوعها و ده ممكن يكون بسبب الجاذبية او اي شيء بيأثر في الاجهزةبس مرة لقيت احصائية انه مش كثير الحوادث زي ماهو مشهور عنه او سبب سمعته السيئة مش مفهوم لان في مناطق تانية في العالم معدل الكوارث فيها اعلى منهاعتقد الموضوع من خيال الناس اكتر منه واقع
ممكن اتطفل شوية اصل انا بحب اعرف قصص الحب بدات ازاى عند ناس كتير
حبيت حبيبتك او احكيلى القصة م الاول يعنى لو مش هايضايقك!
تابعتني على الفيس بوك و كانت بترد على المدونة في كل المواضيع فجأة كلمنا بعض و اضافة وقعدنا فترة كبيرة كل يوم نكلم بعض قبل ماننام لحد ماقررنا نتقابل و كان اسعد يوم في حياتي ومن ساعتها بنتقابل كل شوية و نخرج و نتصور :) و كل مكالمة تقريبا بنكتشف حاجة جديدة بنحبها في بعض او شبه بعض فيها كل ما بأقفل السكة معاها باعرف اني مش ممكن اكون اسعد من كده :)