ومعني Deism
ايه لما تدخل مع Apathe او Apatheist؟
theist and deism
الفرق بينهم ايه؟
وديازم مش معناها ربوبية؟
Apathedeism هي اللاكتراث بالامر الربوبي فقط مع بقاء الاخﻻق و عدم الانخراط في البوهيمية Apatheism ﻻ اكتراث عام Theist ألوهية الاله يفرق عن الرب لان الاله راعي شيء و دي معتنقيها بيؤمنوا باله و ان الاله ده يتدخل في حياة البشر و تصاريف الامور Desim ربوبية اله او رب خالق لكنه لا يتواصل مع البشر بالديانات وﻻ يتدخل بامور الحياة
ماهو اللااكتراثية هي تفرع من اللاادرية و اللاكتراثية نفسها لها انقسامات لان بدايتها اشتهرت عن ناس بترفض التدين حتى انها بترفض الاخﻻقيات و الفضيلة و كان يشتهروا بعدم الاهتمام بالنظافة الشخصية .ثم انبثق فرع فكري منها و ده اللي بينتمي له اغلب اللاكتراثيين الحاليين حتى دون علمهم اسمه Apathedeism و ده اخﻻقي و له نسق فكري و مش بوهيمي المعيشة و له ميل رواقي حبتين
رغم ان في ناس ماهتمتش بالقضية من الاول بس مش مشكلة الاستثناء ما يؤسسش قاعدة... لكن هو اصﻻ الانسان بيوصل لللااكتراث من ايه؟ ماهو اكيد من البحث و الاهتمام بالقضية لفترة....بعد كده بيحصل عدم اهتمام بالنتيجة اللي بينطبق عليها وجود اله من عدمه ثم يوصل بعد كده لقرارة انه حتى البحث نفسه ﻻ يهمه في الاساس. فهو مش بيضحك على نفسه وﻻ حاجة زي ماقال جون.
آيه رأيك في الولاد او الناس بشكل عام اللي بيتسألو عن حرية المرأة وحقها في المجتمع ، وما بيجاوبوش الا بالآية "الرجال قوامون على النساء" ، ايه رأيك بالموضوع ده؟
مفهوم القوامة مش محبب بالنسبة لي المجتمع البشري في بداياته كان امومي يعني قوامته للام و الابناء يتسموا للام فهو انا ضد القوامة لاي جنس ومع حقوق كلاهما ان الجنسون تكون حقوقهم متساوية
محمد هقولك علي كذا حاجة وتقولي انا مصنف من انهي فرع في اللادينية عشان انا بقالي أربع سنين مش عارف انا ايه بظبط،، بص بغض النظر اني مش مؤمن باله الاديان ايا كانت سماوية او غير سماوية بس معرفش هل في خالق للكون ولا لا،ومش مهتم ووصلت للفل معين خلاص في البحث، حتي نسيت حجات كتير كنت مؤمن بيها،كدة ابقي ايه؟
"معرفش هل في خالق للكون ولا لا،ومش مهتم"دي لا اكتراثيةانت لا اكتراثيapatheist
ايه هي الوهابية وتنسب لمين؟ وايه علاقتها بالاسلام وموجودة في دول ايه؟
الوهابية دي حركة سياسية دينية متطرفة تنسب لمحمد بن عبد الوهاب و ده شخص حط ايده في ايد محمد بن سعود للقيام بتوحيد قبائل نجد و جزيرة العرب لدولة, و كان على محمد بن عبد الوهاب القيام بالتفصيل الديني فكسر الاضرحة و حارب المخالفين و اصدر فتاوي و كتب و منهج اسلامي كامل في منتهى العنجهية و التطرف و قبل ما حد يقول لي الكلام بتاع انت ماقريتش و بلا بلا بلا اشهر كتاب للاخ عبد الوهاب اسمه "التوحيد الذي هو حق الله على العبيد" كان بيتدرس في مناهجنا الدراسية لمدة 6 سنوات كنت بأدرسه يعني بجوار 6 مواد دينية تانية كلها من تأليف علماء المنهج ده هي بدئت في السعودية, بس كأي سرطان إسلامي بتمتد في كذة دولة منها مصر متمثلة في الاخوان و السلفيين و السلفية الجهادية علاقتها بالاسلام انها تعتبر اهم تجديد ليه حاليا و خصوصا للاسلام السني, لان الازهر كان منبر الاسلام الشيعي و كمان هي واحدة من اهم مصدري الخرفات الجمعية من نظام (الشيعة ابناء متعة - الرسول معصوم - الاسلام صالح لكل زمان و مكان) كل دي تخاريف مصدرها الوهابية مش هتلاقي عليها دليل شرعي في اي تفسيرات او فقهيات قبلهم
http://ask.fm/mhmdbrqi/answer/121273481389 هي المعطيات تختلف عن المسلمات؟ انا عايز اقرا في الفرع ده غير ويكي بيديا، بشكل واسع عشان محتاج استوعبه اكتر،لو في كتب او أي حاجة بتشرح وبتفهم ايه هي اللااكتراثية ترشحها لي ياريت
هو اللاكتراثية apathedesim و كتفرع من الفكر الالاكتراثي هو بيهتم بشكل عملي في حل معضلة الاله من الثلاث اتجاهات العامة (ايمان - الحاد - لادرية) هو تفرع من اللادرية طبعا لان اللاكتراثية مابتجزمش بوجوده من عدمه بس بتتعامل مع نتيجة حل هذة المعضلة في صالح اي من الاتجاهات بشكل واقعي او resolve impact و هو ان في جميع الحلول فانه لا يشكل فارق مؤثر على المعطيات و سريان الامور او الكشف العلمي او اي شيء انك هتجد ان الفرق موضوع فيه جزء نفسي و يقيني خاص و فلسفي لتفسير الغاية مش اكتر لكن في النهاية نفس المعطيات نفس النتائج لو اعتبرناه متغير س فان س دخولها على المعادلة غير مؤثر و يمكن الاستغناء عنه او الشك في وجوده او اضافته بنفس النتيجة في الحالات كلها
طيب تعالا نقول اعتراضاتي كلا إكتراثي - و هو موقف اراه شخصيا انضج من كلا الملحد و الاجنوستك العادي- و نفصصهم جملة جملة و خصوصا ان الراجل في كذا حاجة مأجلها و قال هيشرحها بعدين فانا مش لاقي بعدين ده عشان اعلق فهيكون تعليقي محصور على كلامه في هذا السؤال فقط.- ان الالحاد مفيهوش اي نوع من اليقين: الالحاد هو تأكد او حالة يقين من عدم وجود إله أو قوى عليا بشكل محسوم و مؤكد... لإنك لو رافض شيء لعدم كفاية الادلة فأنت متشكك, وده معناه انك تارك احتمال ان يكون هناك دليل يدعم نفس الفرضية اللي وصفها الاستاذ سامي بالقديمة المتخلفة.- هو معتبر ان الاجنوستك شبه المؤمن و قال هيوضح ليه بعدين, ده طبعا حقه الكامل , تعليقي الشخصي ان الملحد هو الاكثر شبها للمؤمن لإنهم واخدين موقف تأكيدي لقضية الحكم فيها مش خاضع بشكل واضح لنفس أحكام القياس بتاعتنا كبشر , فنرجع تاني نقول هي فرضية لم تثبت صحتها فهي مرفوضة مش ملغية... انا مش عارف اثبت وجود س فده مش معناه ان بالضرورة س غير موجود, الا لو عندي دليل استحالة الوجود او منطقه.- هو الراجل قال كلمة مهمة, هي إنك تقدر تفترض احتمالية وجود أي شيء و يبقى الافتراض صح رياضيا..لو هنمشي ورا احتماليات الوجود مش هنخلص, و كونك تحط فرضية قديمة و متخلفة و تقف منها موقف محايد ده ضعف فكري...يعني بالنسبة للراجل هو اكتفى بعدم التفرغ لرفض الفرضية و انها متخلفة و قديمة....طب هل هي مرفوضة رياضية او قابلة للتفنيد (هنا مش السؤال عن فكرة الاله نفسها بل عن منطق الرفض) هو شايف الحياد ضعف فكري, رغم انه ببساطة موقف عدم تأكد.
في بنت بتستوك مي وفي الحقيقة عايز اتكلم معاها بس مش عارف أبدأ كلامي ازاي وايه المناسبة يعني وهي معايا في الكورس، وايه برضه ال يخلي المضوع سهل اني اتعرف علي أي بنت معايا في الكورس بدون ابتذال، نصايحك يا محمد ونبي
يعني بتﻻحقك و معاك في الكورس و مش عارف تتلكك في سؤال عن حاجة وﻻ شرح وﻻ انك تسلم عليها يومين و اليوم التالت تسالها عن دراستها وﻻ سكنها و ﻻ اي مواضيع عامة اعتبر نغسك بتتعرف على ولديا جبار يا مفتري
اصل الانواع كتاب طرح فيه دارون نظريته...و معناها ان كل نوع له اصل و اسﻻف بنكتشفهمو في كﻻمي انا باقول واصل الانوع زي زابنقول و المصحف و الانجيل ... قسم مصري اصيل
- الانسان حيوان استطاع تسجيل تاريخه لكنه ايضا كائن شرير بيزيف التاريخ ده حسب مصلحة كل فئة - ماحدش هيقدر يثبت وجود معبوده, و على ذلك كل الديانات اصحابها بيدللوا بالمعجزات, و لو كل الديانات صحيحة يبقى معناه حاجتين اما كل الطرق صواب, او كل الطرق خاطئة
انا مسلم و عاوزه اعرف الحقيقه و اقرا اكتر عن حقيقة الدين و عاوز حضرتك تجاوب بكﻻم كتيييييييير على قد ما تقدر يفيدنى انشالله لو 2000 سطر
في شوية نقط اعتقد لو تبنيتها هتكون انسان طيب, مهما كانت الحقيقة: - مافيش حقيقة, مافيش حاجة مطلقة, امن دائما بنسبية الاشياء, ده هيخليك متسامح مع الاختلاف, و ده صدقني اهم بكتير من انك تصل لحقيقة- الانسان اول ماعبد و تضرع عبد الانثى, عبد الام الاولى و اعتقدها خالقة الكون, و كانت الام اهم عضو في العائلة, و كانت لها حقوق الذكر حاليا, و شوية شوية الاديان جت اهانت هذا التكريم و جنبته, فمتصدقش عقيدة بتقول انها بتحترم المرأة و كل الهتها و تسمياتها و مميازتها ذكرية.- العلم , مهم جدا لانه بيفهمنا حجمنا الحقيقي و موقعنا على خريطة الطبيعة , و بيربطنا بالعالم ..مهم مش عشان بيتفرض او بيكذب ...مهم مش عشان هو اللي عنده كل الاجابات, لا هو مهم لانه هو الاصلح للحصول على هذة الاجابات...هو الانجح فيها.- الدين هو علاقة بتربط الشخص بجانبه الروحاني,ولازم تفضل علاقة شخصية فردية, ماهيش علاقة الدولة او المجتمع ببعضه, المجتمع متغير و بيحدد قوانين تناسب وضعه, الدين بيحدد قوانين علاقتك بجانبك الروحاني, المجتمع نسبي و مختلط, روحك منفردة و مطلقة بيك, الاتنين لا يختلطان.- اعمل الخير لانك طيب, علم نسلك يعملوه بدون تمييز .- دافع عن التنوع ماتدافعش عن جانب واحد.- الاخلاق ثم الاخلاق ...و الضمير اللي ماتشوهش بدين او عنصرية عرق او تعصب لدولة.