طيب م هيا لو كانت عايزة تخلص الموضوع من الاول كانت مش قالت لية تتصل بيا انا كانت تقوله ملكش دعوة بييها .. بس هية الى طلبت منى كدة وقالت من فترة ل فترة وخلت بنتنها تكلمنى كماان وبنتنها قالت لية انا بحبك ومش هشوف غيرك
ممكن ضغط بنتها و انها مش عايزة تجرحها بعنف مانعها مش اكتر
صدري تعب من السجاير وعايز ابطل ومش عارف، وقعد افكر واقول لنفسي مدام صدري جاب اخره وقعدت اشرب لمدة ثلاث متواصلين ومش هرجع زي الاول، ابطل ليه؟ بس حاليا صدري تعب ومقفول والمشكلة اني لسه صغير في السن، 20 سنة ومن ضمن الحجات البتيجي في بالي، تعويض السجاير بالاكل وممكن ازيد في الوزن،مش لاقي حل للموضوع ده
لما بتبطل جسمك بيرجع بنسبة 70% احيانا لو بطلت دلوقتي هيبقى صدرك تعبان شويتينبس احسن ماتبطل بهد سرطان الفم و الرئة و تحجر الحويصلات تيبس حجرات القلب و متاعب الصمامات و كمان 10 سنين تبقى بتطلع 3 سلمات و تنهج و ممكن يجي لك ازمة قلبيةبالنسبة للوزن لو زاد ممكن تخس تاني الموضوع صبر وارادة
في نظام موبينيل عاملاه، 42 جنيه في الشهر معاك 2200 دقيقة و 120 شبكات تانية،ده نظام كويس؟ اصل انا معرفش انظمة اتصالات وموبينيل مع اني مش عايز اغير خط اتصالات لاني مش عارف الانظمة بغض النظر ان 42 كتير بالنسبالي لاني مش رغاي اوي كدة
عامة مش بحب الانظمة دي لانها بتخلص بسرعة و بصراحة ماعنديش معلومات عن انظمة موبينيل ممكن تشيك الموقع بتاعهم
http://ask.fm/mhmdbrqi/answer/120608860589 شكرا جدا :D
معرفش ليه الدكتور مشرحهاش بطريقة سهلة زي كدة مع اني كنت مركز معاه في كل كلمة، ده علي كدة في ناس كتير مش فاهمة، انا هحاول اكتب الكلام ده عندي وانشاء الله الكورس يظبطني ولو في حاجة وقفت معايا في مشكلة لو سألتك؟
مافيش مشكلة في اي وقت اسال محاسبة اولى بسيطة و سهلة هو بس الدكاترة لسبب ما مافهمتهوش بيحاول يبين لك الموضوع صعب عشان يحسسك بانه مهم و بتاع و بيتعب معاك لما كنت في اولى كنت برضه مش مستوعبها قوي لحد ما والدي مسك المنهج كله معايا في 4 ايام 3 ساعات في اليوم خلصناه :D
ممكن تقولي يعني ايه مدين ودائن والاختلاف بينهم؟ يعني لو اتنين معاهم مبلغ معين واشترو بالمبلغ ده اجهزة وفي نفس الوقت الفلوس دي طلعت من الخزنة ونقصت وكل والخزنة فيها 10 الاف جنيه نفس ثمن الاجهزة، كدة امتي يبقي مدين او دائن، اول مثال في المحاسبة وبحاول افهمه :|
:D
بص يا سيدي انت في المحاسبة في مبدأ اسمه الشخصية الاعتبارية, و دي المقصود منها انك بتعتبر الشركة هي الشخص و بيمتلك و بيداين الناس و بيدفع و يتصرف بذمة خاصة عن الذمة المالية لاصحاب المؤسسة-------و بناء عليه مدين تعني كل ماهو من حق المؤسسة او المنشئة و اصولها و ممتلكاتها زي الاصول و الالات و العربيات و الحسابات المدينة و الخزنة و البنك و دائن معناها كل ماعلى المنشئة من حقوق و مصاريف و اشياء تدين بيها لغير المنشئة (ركز في فكرة الشخصية الاعتبارية هنا) لان الدائن يشمل كمان راسمال اصحاب الشركة اي ان الشركة كشخصية اعتبارية تدين برأسمالها لاصحابهاو عليه في مثالك الخزنة اصلها مدين و في قاعدة في المحاسبة ان الاصل لو زاد بيفضل زي ماهو في قيود اليومية ولو نقص بيتحول دائنالاصل ان الخزنة مدينة (لانها من ممتلكات الشركة ) لكنها لما اشتريت الاجهزة نقصت بقيمة 10الاف اللي هي مصاريف و الخزنة بقت دائنة بالقيمة دي و المصرايف بقت هي المدينة (في قيد اليومية) ثم اشتريت اجهزة , و الاجهزة من الاصول فالاصول زادت او تم انشاءها فالات تبقى مدينة لانها اصل
يحدث كثيراً على مواقع التواصل الاجتماعي نكون ملاحقين من اشخاص لم نعاديهم يوما ولا توجد اي مشكلة شخصية لنا معهم فنتفاجيء بنصبهم لنا للعداء ومحاولتهم التشهير بنا والاساءة ولصق التهم بنا فما هو الفعل الامثل مع هؤلاء ؟.
اهلا بك في حياتي :Dدي احدى ضرائب انك تكون ذا شهرة ولو بسيطة على الانترنت شهرة من اي نوع كاتب مدون ناشط سياسي كوميدي مصور اي نوع من الشهرة لازم تلاقي اعداءهبس عادي بأطنشهم واكمل حياتي
محمد انا مش فاهم حاجة في الرياضة البحتة، الدكتورة مش مقدرة ان في ناس جيا من مدارس لغات، وفي ناس اشتكت من ده برضه، اما باقي المواد بيس، والمحاسبة في بدايتها كانت كويسة، حلها ايه بقي؟ اجيب مدرسة ثانوية عامة عربي مثلا يشرحلي الكلام ده؟ ولا مش هيبقي فاهم انجلش؟ مفيش فييوز بتشرح الكلام ده؟
الرياضة حلها انك تاخد كورس عشان يبقى فاهم و يحول لك المصطلحات لحد ماتتعود بنفسكالمحاسبة هتصعب شوية بس ذاكرها اول باول وممكن تقرا فيها ورق دروس او لو صعبة قوي تاخد درس محاسبة اولى سهلة بس اهم محاسبة لانها بتتبني عليها كل المحاسبات بعد كده فلازم تبقى بديهية بالنسبة لك
ازاى بتهتم بالانسانيه و متاثرتش بفض رابعه دانا اعتقد السيسى نفسه دمع من منظر و عدد الجثث -_- انسانيه بئا و بتاع .. و متبررش و تقول اخوان و مش اخوان انا بتكلم عن اكتر من 5000 انسان اتقتلو ميهمنيش اتجاههم السياسى
هل موقفك موحد بخصوص تصرفات داعش يا فندم؟لان حاليا موقفي اني ضد المجزرة دي لكن السؤال لحضرتك هل انتي بنفس الموقف فيما يختص بداعش و شايفاها مجزرة ولا يهمك انهم بيشوهوا صورة الدين اكتر؟ زي ماهو مجزرة برضه ما حدث في رابعة مع العلم ان ماحدش يعرف العدد العدد 5000 ده بيقولوه الاخوان و العدد 296 بيقوله التلفزيون المصري و كلا العددين مبالغ فيهم او متهونينانا اهتم بالانسانية يافندم و ضد كل ما يعاديها السؤال المهم هل بتهتمي بالانسانية لو كان المجرم يتبع نفس منهجك؟ ولا لا؟
الا ترى ان مواقع التواصل الاجتماعي ،صارت بديلا لبناء علاقات عاطفية بين الجنسين في المجتمعات التي تحرم الاختلاط ؟. ماهو تاثير ذلك على العلاقة اولا و على المجتمع ثانيا ؟.
هل سنرى تقبلا اكثر للاختلاط والعلاقات خارج اطر الاعراف الاجتماعية والثقافة المحافظه ؟.
المجتمع المحافظ او المغلق بيعمل حلة ضغط تؤدي لانفجار غالبا المجتمعات دي ماسمحتش للانسان فيها انه يمارس حقه في اشباع غريزة الحب و الارتباط جواه و طبيعي بما انه ضد غريزته انه يثور على ده باي شكل حتى لو كان المنفس شبكات التواصل الاجتماعي الفكرة هل سيستطيع يعمل حراك منظم يحطم ثوابت هذا المجتمع و ينطلق به نحو القرون العشرينية ولا هيفضل محبوس في القرون الوسطى
هل ترى\ترين ان هناك منفذ لتحلل الازمات و استباب الامور السياسية والاجتماعية والامنية في منطقة الشرق الاوسط ؟ .
أنا مش شايف منفذ, الشرق الأوسط حتى لو إنتابته حالة هدوء نسبي مؤقتا لكن عاجلا أو أجلا هيتحول لأرض قاحلة طوائفه هتنهي على بعضها بحروب فرض السيطرة, اظن كمان داعش هتكون رابح اكبر في المنطقة طبعا أنا مش من المؤمنين بنظرية المؤامرة و ان داعش و القاعدة صناعة أمريكية, لان افكارهم و منهجهم ماجاش من امريكا ده وليد المنطقة و نتيجة لخضوعها الدائم لعبادة الهة العرب بس الفكرة , ان هل سرطان داعش هينتشر و ينهي العالم و لا لأ؟العالم بيواجه خطر حقيقي على كل مكاسب الانسانية اللي عملها في خلال ال100 سنة الاخيرة لو ماواجههاش بحزم , هنأسف عليه قريب اما الشرق الاوسط فمنتهي بدمار في جميع الحالات