لسة صاحي و لقيت حد بيسألني عن علاقته بست اكبر منه بعشرين سنة متجوزة , و التاني بيسألني اذا حول من طب يدخل ايه عشان يشتغل, و المتحدث الرسمي باسم جيش الدفاع الاسرائيلي بيعمل لي لايك-_- نفسي حد يسألني عن حاجة بتاعتي يا كفرة :(
للى بيقول انه فى تانية طب انصحه مايحولش و يضيع مستقبله خليك فى الكلية مش هقولك هتحبها بس بجد مستقبلها كويس و اذا كنت اتزنقت فى امتحانات السنة دى ممكن تأجل او حتى تشيل و تدخل الدور التانى بس ماتضيعش الفرص دى من ايدك هتندم بعد كده بجد
بقولك يا برنس .. انا فى تانية طب وكاره ام الكلية ومش هخش امتحانات .. وهحول السنة الجاية .. ايه اقتراحتك ؟؟ ايه احسن مجالات غير المجالات الطبية بتجيب فلوس فى الشغل ؟ انا متاح ليا كل حاجة ماعدا كليات هندسة وحاسبات ؟؟ ايه رأئيك
هوليوود اللى فى امريكا دى عبارة عن ايه شركة انتاج كبيرة ؟
لا هي منطقة في كالفورنيا مشهورة بكثرة الاستديوهات بتاعة تصوير الافلام فيها و بتستخدم ككناية عن الافلام الامريكية مش هي شركة كبيرةاشهر الشركات اللي هناك ينونيفرسال سنشيوري فوكس كلومبيا
هو ليه السؤال ده وجودي فلسفي صعب , الموضوع سهل جدا الحاجة اللي ضافوها البشر لها فايدة عظيمة و هتفضل صعبة الاندثار البلاستيك...لقد خلقنا لنصنع البلاستيك, و انتهت مهمتنا, وعمالين نقاوح مش اكتر
منار حسن من اول ما عرفتها قلت لها هتبقي شاعرة رائعة..بس هي طيبة كده و ريحها خفيف شخصية محترمة جداخلود ايهاب دي عسولة ..طفلة الفيس بتكتب حلو و طيبة لاقصى الحدود ربنا يكرمها
عارف يا برقي؟
أولا شكرا على جوابك على أسئلتي
وثانيا، الله أعلم بالنّوايا، أنا شخصيا و بعيد عن كل الي كنت انت بتقوله، بشوف الإسلام من خلال حاجة واحدة
هي علاقتي مع الله، يمكن بشوف نفسي مؤمنة أكثر من أني مسلمة، لأن يمكن ناس كنيرة متوافقش على طريقة تفكيري بخصوص الاسلام.
وعلى فكرة انا بحب اتابعك ،
اعتقد علاقتك بربنا اميل للربوبية و الصوفية, انا شايف ده شيء كويس انك تكون انسان مفيد م ستقل متعايش حتى لو هتنسب ده لاخلاقك او لربنا او لتأملك او ليسوع او ايا كان هو انسان جيد بالنسبة لي اعتقد العالم هيستفيد منه اكتر من ...بالنسبة لرأي الناس...فهأقول لك حاجة معينة نظرا لتعدد الاديان و تعدد المنهج في الدين الواحد و رغم ده كل مستمد من فكرة واحدة او كتاب مقدس واحد, معناه ان علاقتك الروحية بتحدديها بشكل يخصك و طبقا لظروفك و قراراتك, و لهذا هي علاقتك انتي بربنا ماتخليش حد يقول لك صح فيها و غلط فيها ايه لمجرد انه شايف انه صوت الرب ده على الارض...و اتشرف بمتابعتك :)
هو انت ليه ضد الإسلام أساسا؟ هل من المسلمين الي تعرفهم وطريقة تصرفاتهم وتشويههم للاديان؟
هل ماصادفش وعرفت مسلمين عايزين يوصلوا فكرة كويسة عن الاسلام؟
وهل في بين اصحابك المسلمين مين يحترم شخصيتك وآراءك؟
طيب نقسم الاسئلة عشان نجاوبهو انت ليه ضد الإسلام أساسا؟- مش لازم تستنكر قوي ان حد يكون ضد الحاجة اللي انت عليها عامة سواء الاديان او غيرها, لان اكيد انت لو مؤمن بحاجة فمش مع غيرها والا كنت اخترتها.. عامة انا مش ضد , انا فقط مش متفق مش لازم ضد مش هأقضي عمرة مضاد لكل شيء (انا فقط ضد الاصولية اللي تبع اي دين مش الاسلام بس)هل من المسلمين الي تعرفهم وطريقة تصرفاتهم وتشويههم للاديان؟- موضوع هل ده الاسلام فعلا ولا المسلمين بيسيئوا للدين وهو مش كده ده معقد بس الحقيقة ان في كتير من الحاجات اللي بيعملوها فيه اساسا و في حاجات تطرف زائد من عندهم بس خليني أقول لك حاجة , هل سيهم هذا فعلا في مقياس الكام 1000 اللي اتدبحوا و اتلعب براسهم كورة؟ واللي بيتدبحوا كل يوم؟ هل لو انا فرضا ممثل لجماعة الهكونا ماتاتا , و انا كل يوم بقتل حد و افجر حد و انسف بيت و امنعك لو ضدي من الكلام, هل ستهتم فعلا بالهكونا ماتاتا بتقول ايه وهل متفق انا معاها ولا هتقول ملعون ابو الهكونا ماتاتا على محمد البرقي؟ غالبا الاختيار التاني...- هل ماصادفش وعرفت مسلمين عايزين يوصلوا فكرة كويسة عن الاسلام؟لا صادفت , اللي عملوا اغنية هابي للمسلمين البريطانيين, ودول 1% منهم و باقي ال99% اعترضوا عليها و كفروهم و كرهوها لانها لاتعبر عن صحيح الدين و حط مليون خط تحت صحيح الدين دي, انا عايزك تكون محايد و تجيب لي عدد الناس اللي بتعترض لو واحدة رقصت و تقارنهم بعدد اللي بيعترض لو شافوا واحد بيتدبح من مسلم و شوف مين اكتر - وهل في بين اصحابك المسلمين مين يحترم شخصيتك وآراءك؟اصحابي و اغلب اللي بيتابعني بيحترم فكري وارائي اعتقد عشان باحاول دايما اعرضها بشكل كويس و مش بافرضها على حد, زي ماقلت انت (فكري و ارائي) انا اللي بفكر فيهم و مش بافرض على حد احترامهم او التصديق عليهم انا فقط افرض عليك احترام حقي في الاعتقاد و التكلم عنها مش اكتر ..
لو اتعرفت عل نت علي واحدة وبتكلمها لمجرد التسلية وتضيع الوقت بس وفجأة سألتك علي رقم تليفونك وعاوزة تكلمك وانت رافض ده , ايه المبرر الهتقولهولها؟ وانت كنت هتديها نمرتك عادي ولا لا ؟
لو هتعرف واحدة تسلية يستحسن تكونوا انتوا الاتنين عارفين كده و بعدين شوفوا موضوع التلفونعلى العموم قول لها مش عايز اديكي تلفوني
كتير اخفقت في حاجات في حياتي على قد مانجحت في حاجات تانية...تعرقلت دراسيا لفترة و اجتماعيا مخفق جدا جدا جدا... ممكن اجي انسف حاجات عملتها و اعيدها تاني
اغلب انجازاتي شخصية ...على المستوى العام يعني بقى اعتبر ان اخر كتابين ليا انجازين كويسين..و الجمهور الملتف حواليا انجاز جيد..و شوية شوية مكن نعمل حاجات اضخم مين عارف