أي قصة هتكتبها , هيكون فيها تفاصيل واحداث كتيرة جدا هي اللي بتسوقك مش انت اللي بتحددها قوي ساعات القصة هتمشيك في اجزاء و الباقي انت هتتحكم فيه طبيبعي ده
بص هم الصهاينة بيمولوا الكنيسة و بيمولوا الاسلاميين و بيمولوا اسماعيل محمد و انا عندي مستندات و سيديهات تثبت الكلام ده و فيديو لاسماعيل و هو بيتعمد كاثوليكي و صور ليه على حائط المبكى و انا كنت هناك بقى ايه في فندق 6 نجوم مع ايهود باراك في تل أبييب بنشوف هنخليك تبطل تدخل الحمام برجلك اليمين ازاي
هو مينفعش ازود عل رجيم كوب رز في الغدا؟ اصل قليل اوي خضار وفراخ بس والعشا بيضتين او اي حاجة خفيفة ولا انت شايف ايه؟ علي فكرة نظام الرجيم بتاع الخضار والبروتينات بس من غير رز او عيش او النشويات عموما يخسس اكتر من 2 كيلو ونص في الاسبوع, فالرجيم ده مش صحي, مش عارف انت بتعمله ازاي وبتخس كيلو ونص بس :D
لو عايز تزود زود ... انت ادرى بجسمك و وضعك الوزني بس انا شايف كل ما قل هيسرع العملية
تاني عشان شكلك مش بتعرف تقرأانا لا استظرف انت اللي سئيل و ثقيل الظل و حادف نفسك عليا لان ده اكونت بتاعي على ما اعتقد يعني ناس ترمي جتتها و تتبلى كمان -_-
بس انك تخس كيلو واحد او اتنين فى اسبوع ده قليل اوى :/ متعرفش طريقه اسرع من كده ممكن افقد بيها وزنى ؟
لا كيلو و ربع او ونص ده العادي الصحي, ممكن في طرق تخس بسرعة بس هترجع بسرعة برضه و مضرة بالجسم البطيء ده هو الاثبت, معلش للاسف ده هيعلمك ان خسارة الوزن اصعب من اكتسابه (موزة تاكلها في دقيقة محتاج 20 دقيقة جري عشان تحرقه)
اي صوت تقريبا و خصوصا صوت حكة الشوكة في الطبق و حكة البلونة في سنان العيال الغلسة اللي بيعرفوا يعملوا وظة او زرزورة مش فاكر اسمها لما البلونة تفرقع صوتها بينرفزني فعلا وممكن يخلين ارتكب جريمة وانا مش حاسس ربنا يستر
محمد امتي تحتقر البنت القدامك؟ وامتي تفرق بين واحدة محترمة وواحدة غير محترمة؟ يعني البنت ليها حرية تلبس الهيا عاوزاه حتي لو عريانة وليها الحرية انها تشتم وتقول الفاظ قذرة وبنيجي ونقول ان ده عادي وملوش دعوة بالاخلاق..طب نرجع لأول سؤالين..بنعرف ده ازاي وبنحتقرهم امتي؟
احتقر البنت اللي قدامي عندما تمارس ما يخل بالشرف الانساني, بس شرف انساني بمفهومي او بالمفهوم العادي العالمي مختلف شوية عن مفهومنا الشرقيالشرف الاخلاقي , اللي احتقر بيه بنت(والحقيقة اي انسان), مثلا الخيانة التزوير و التدليس التلاعب و هكذا" يعني البنت ليها حرية تلبس الهيا عاوزاه حتي لو عريانة" طالما انا كمحمد البرقي ليا حق البس اللي انا عايزه فأي بنت و اي شخص له الحق يلبس اللي هو عايزه في مكان عام , ببساطة لان اللبس حرية شخصية بديهية مش محتاجة نقاش يعني , و لبس البنت سواء عاري في نظري او نظري غيري او مش عاري مش بيضرني و يخصها, نفس الشيء ينطبق على الرجالة...لو لبست حاجة فيها مسدس مثلا او سكاكين جانبية يبقى مضر لازم يتمنع مثلا... لكن رأيك الخاص حقك لكن مش من حقك تغصب غيرك على الانصياع ليه, يعني حقك تعتقد ان اللي لابسة عريان مش كويسة رغم انه حكم ظاهري قاصر بس هو حكمك الداخلي , لو تدخلت بمنعها ده مش حقك زي ما انا مش حقي اتدخل بمنعك لو شفتك لابس تيشيرت بمبي رغم اني باكرهه." انها تشتم وتقول الفاظ قذرة وبنيجي ونقول ان ده عادي وملوش دعوة بالاخلاق"برضه الاخلاق نسبية شوية, طبعا الشتايم القذرة تعيب اللي يقولها سواء بنت او ولد فلو عايز رأيي انا مش بحب الاتنين , لو حد بيشتم هاقول له ماتشتمش عندي او لو سمحت حاول تحسن اخلاقك, اعتبار الولد لو شتم عادي و البنت لو شتمت عيب و امر مهول , ازدواجية معايير...زي ماقلت سيب الحرية للناس و صدقني اللي بيشتم هيضم حوليه مجموعة من الناس تطيقه, و اللي مش بيحب الشتيمة هيبعد وده رايي في كل شيء بنشوفه غير اخلاقي دايما, فلم قليل الادب ماتشوفوش, مزيكا مش عاجباك؟ ماتسمعهاش بنت بتشتم , ماتعرفهاش, الموضوع بسيط التأثير ده اقوى بكتير من القمع و المنع على فكرة الاحتقار نتيجة طبيعية, في العلاقة الاجتماعية هتؤدي في النهاية لاعادة تفكير الشخص اللي بنحتقره في نفسه, بس برضه لازم نبص لماعيرنا احنا , هل هي معايير اصلا مطلقة؟ مافيش معايير مطلقة لاني اللي شايفه وحش غيري بيشوفه حلو, و طبيعة الدنيا وجود الاختلاف اصلا :)
قولي كدة يا محمد نظام الرجيم الانت بتعمله, وأد ايه بتخس بالرجيم ده, وخسيت ازاي 500 كالوريز انهاردة؟
بص هو الموضوع مش نظام على قد ماهو مجرد تنظيم كده او كونترول يعني ماخدتهوش من طبيب بس انا قريت انجاز حد و كنت قبل كده باقول هاعمل و هأسوي و باكسل المرة دي قررت اخدها جد...بس هو برنامجه ببساطة قاسي حبتين , انا بأكل بروتينات و خضروات, و بأمنع اي مقليات او نشويات (رز بطاطس مكرونة عيش) و بامنع السكريات و الموالح الزايدةبتاكل اكل صحي خضار و بروتين بشكل منظم على خمس وجبات في اليوم مثلا مايزيدوش عن قبضة ايدك, و باعمل تمرين يومي لمدة ساعة (دمبل حديد و بار خفيف لمدة ربع ساعة و جري على اوربيت تراك لمدة 45 دقيقة) التمرين ده كفيل بحرق 400-500 سعر حراري ضيف عليهم اللي انت خفضته من اكلك ...طبعا بتشرب بشكل طبيعي كل ماتعطش , مش 8 كبايات اجبار و الكلام ده , كل ماتعطش اشرب عشان جسمك هيحتاج المياة, النظام ناجح معايا لحد الان , و مش هاخبي عليك طبعا انا لسة قدام هدفي 4 شهور , و اول كام يوم صعبين جدا بس مع الوقت بتتعود و يبقى طبيعي..الاسبوع ده انا خسيت 1.8 كيلو فاظن انه ناجح جدا و مافيش تأثير على صحتي بشكل سلبيانت بتحسب طبعا عدد السعرات اللي جسمك محتاجها هنا http://iifym.com/iifym-calculator/ال TDEE هو الرقم اللى تمشى عليه، هو عدد السعرات اللى لو كلتها هتثبتو تقلل عنه بنسبه عشان تنزل طبعا سهل جدا على النت تحسب كل حاجة بتاكلها فيها سعرات قد ايه , مهمتك تحسب و تنظم و تمارس الرياضة اول كام يوم صعب و هتتلخبط شوية بس ماتيأسش حتى لو نزلت قليل و بالتوفيق :)
لو هقابل حد لاول مرة ايه النصايح اللى ممكن تديهالى خصوصا ان انا بتكسف جدا
ماتحملش نفسك ضغط قوي انك تسيب انطباع جيد, عشان ماتتوترش قوي ,طبيعي هيبقى في شوية توتر, بس حاول تكون طبيعي..حاول تبقى انت العادي من غير تصنع حاول تعرض عليه الحاجات اللي بتحبها و الكسوف حلو برضه , و حظك يكون حلو لو الشخص التاني اجرأ نسبيا
ياعم وانا همثل عليك لييه وانا مالى ياعم ماتعمل اللى انت عايز تعمله انا بكلمك فى كدا عشان الحاجات دى مجال دراستى ولو جيت تتبع قوانينك دى هتقولى مش فاهم هتقولى كلها ميثولوجيا فارغة وهتبلم فعلا زى ما بقول ..انا لو عايز منك حاجة هريح دماغى .. حبيت اديك بداية تبدأ منها دا لو انت بتفهم وبتستخدم عقلك فعلا
يابني انت حافظ كلمتين وجاي تسمعهم ...انت اصﻻ شوفت اللي باقوله ولا اكتبه و ﻻ روشته وحافظها و بتطبق ؟ افهم الاول بتتكلم عن مين ومجال تخصصه وبعدين ابتدي اتكلم وانصح وعسش الدور ...لكن ماتشوفليش رد سؤال تعمل لي فيها عدنان ابراهيم و مصطفى محمود متجوزين بعض... اتعب و بطل تسميع