اول ما بلشت اقرا حكيت مش عوايده عمار هالحكي هههه بالاخر حشييييش ???? الله يبسطك عقد ما ضحكت?????????
هدفنا اسعادكم ? بما اني رايق اليوم شوف هي كمان ☺☺ #قصة_حزينة " رنت عليه ، و هي تعبانة و بتبكي حكتلوو " حبيبي ، أنا كتيير مخنووئة و مدغووته من الدراسة و مو عارفة أختم و الامتحان بكراا ، شوو أعمل ؟ " حكالها " حبيبتي ألبسي شبشبك و إنزليلي دئيئتين و بكون عباب بيتك " .. مر دقيقتين ، و فعلا اجا حبيبها ، و لبست شبشبها و حكت لأبوها بابا شوي و راجعة أبوها حكالها ماشي دفي حالك دادي ، راحت تركض و فتحت باب السيارة و قعدت جمبو ، و حكالها وين اوديكي ي عمري ؟ حكتلوو " خدني عالبرئر كنج ، " حكالها من عيوني ، و فعلا اخدها هناك و أكلت تشبعت بعدين حكالها شو بدك كمان ي عيوني حكتلو " جعبالي ايس كريم ، و نتمشى تحت المتر " فعلا جابلها و راحو تمشوو تحت المطر ، حكالها غيرو ي حياتي ، حكتلوو جعت بدي شاورما ، فعلا اخدها ع أقرب مطعم شاورما و سلخت تشبعت مرة تانية حكالها كمان ي حبي ؟ حكتلو لف فيي بالسيارة ما الي نفس أروح عالبيت ، حكالها " ولك انتي بتؤمري " و أخدها و لفلف فيها عمان .. فجأة .. رن تلفونها ! فصحيت ! طلعت بتحلم ! و غافية عالكتاب ! و كل الي صار كان حلم ! مو حقيقة ! كلووو هداااك حلم ! طار ! بح ! دمعت ، و اخدت نفس .. و ردت عالتلفون ، الا هي صاحبيتها ! بتحكيلها سوسو شو تعريف الملتيزيقيا مش لائيتوو .. !! سوسو حكتلها ، مو مبين عندي ، ريلت عليه ونا غافية ، و ساح الحبر من الريالة ؛ و خلص مترنيش علي ! و ما حدا يرن علي و بكرهكوو كلكوو ! و يلعن أبوكي ! و أبوه لأبوكي ! سكرت سوسو الخط و ضلت تعيط لصبح و اجا الامتحان و قدمت و رسبت و ها ! و يجعلو لا حدا نجح ! " ?.. في راوية أخرى مش صاحبيتها اللي صحتها ! ابوها مزعها كف لزق بربورها بسؤال تعداد و ما عرفت تقرأوو و اجا بالامتحان عليه عشر علامات !! #نفسيتي_زي_نفسية_سوسو #هذا_الوقت_سيمضي ? #الناس_عطلت_وانا_بلشت
اليوم كانت الزفة ، زفة العريس ، زفة العريس الي كنت احبو ، زفة العريس الي طار من بين ايدي .. وقفت ع بلكونة غرفتي الي هي قبال دارهم ، الي كنت اراقبو منها و هو رايح يكب الزبالة و هو طالع ع دوامو و هو نازل عالدكان ! وقفت عليها اتفرج كيف لابس بدلة و حالق شعرو و طالع بلمع لمع ، و اهلو و صحابو نازلين بغنولو و بزفو فيه .. و ابتسامتو من الدان للدان و مبينة عليه الفرحة ! الفرحة مبينة من حواجبو ! وقفت و مسكت كرت عرسو ، و بلشت أمزع فيه عالبطيء ، و أعيط ، و أتزكر كيف كنت اسهر الليالي ع هالبلكونة ع امل اشوفو ! كيف كنت مراقبتو زي الإم الي بتراقب ولادها و همة بكبرو ! زي الشب لما يطلب سندويشة فلال و يقعد يراقب تاع المطعم و هو بعمل فيها ! زي مراقبين التوجيهي الي عنيهم بترمش كل ست ساعات مرة ! كنت حتى لما أشوفو قاعد عالرصيف و بحكي بالساعات مع حبيبتو ، أتحمل و أصبر ! و أحكي ببالي ما عمرو تنين بحبو بعض اتجوزو ! بس لا !! ع دوري اتجوزو ! ع دوري صار في نصيب و هيها مصمودة فبيتها قاعدة بتستناه يجي يوخدها ! لما وصلت عند القصاصة الي عليها اسمها ، " كريمته " ، مسكتها و حطيتها بتمي و ضليت اعلكها اعلكها و اعيط و نبرة عياطي تعلا ! بعدين تفيتها بأقوى ما عندي ع راس واحد من الي بزفو فيه و منفعل و هو برقص ! كانو كل ما يرموه بالهوا ، أمد ايدي من البلكونة بلكي لقفتو ضليت اعيط و اصرخ و أنادي بس ما حدا سامعني ! كنت منهارة تقريبا و مو مسيطرة ع حالي ! رحت دخلت جوا و جبت مقص و رجعت عالبلكونة !و بلشت اقص خصلة خصلة من راسي و ارميها عالناس و أعيط ! لحد ما خلص شعري ، و صار راسي زي راس جوز الهند رحت دخلت و تناولت قلم حومرة ، و رجعت و بلشت احطها عتمي و ابكي و ألوح بإيدي ، احطها بدون سيطرة ضليت احط و ألف و أعيط ، احط و ألف و أعيط عبين ما حومرت كل وجهي فيها ! و كنت أهلوس و احكي كلماات زي " رااح الحبيب ، لييش يا غالي ، ااخ يا قلبي ، حرقتلي قلبي يا غالي " و أعيط و أعيط و أعيط .. خلصت الزفة بالحارة و ركبو سياراتهم و راحو عبيت العروس ! انا صرت أخبط راسي بدربزين البلكونة و أنوح و أرفع ايديني و ألوح فيهم .. أنوح بأعلى ما عندي لإنو حبي طار مني قدام عيوني ! بعد ساعتين عياط و انهيار عالبلكونة ، قمت ، و فتت اكمل انهيار بتختي ، مسكت تلفوني و انا ببكي مشان أنزل بوست " ذهبت أحلامي و زادت آلامي " لقيت نازل خبر عالفيسبوك ، " أنقر على الرابط ، و شاهد فتاة لبسها إحدى عشرة جني و هي تقف على البرندة ، لا تخرج قبل الدعاء لها " أنا نقرت ، و لما حضرت أكتشفت انو هاي أنا ! و في حدا كاين عامل زووم من الشارع و مصورر كلشي أنا عملتو ! من لما تفيت عالزفة للما قصيت شعري و حومرت وجهي للما بلشت أخبط راسي بالدربزين ! فبطلت عارفة عشو أبكي اليوم ؟ عأحلامي الي راحت ؟ ولا ع فضيحتي الي فاحت ؟#ذهبت_أحلامي_و_زادت_آلامي #مذكرات_بنت_منكوسة #ملطوشة ?????
**أنا لست في دنيا الخال و لا الكرى .. وكأنّني فيها لروعة ما أرى **ياا قوم هل هذي حقائق أم رؤى.. وأنا ؟ أصاح أم شربت مخدّرا ؟ **لاا تعجبوا من دهشتي و تحيّري .. وتعجّبوا إن لم أكن متحيرا **خلع الزّمان شبابه في أرضها .. فهو اخضرار في السفوح و في الذرى