الشغل بالنسبه لى هو انى انزل الكليه واحضر راونداتى واروح الكورس وف الوقت ده فعلا مبحسش باى اكتئاب او ملل بس طول الوقت متوتره وقلقانه وشايله هم كل حاجه وياترى هروح بيتنا الاقى وقت اذاكر ولا لا وهقدر انجز واشتغل كتير ولا لا انا مضغوطه جدا وخايفه من المستقبل مع انى عارفه انه بايد ربنا وواثقه ف كرمه جدا
راوندات وكورس؟ دي شكلها سنه خامسه بالنسبه للمذاكره والوقت والضغط ده شئ طبيعي اننا نحس بكده مع كل يوم بيعدي بس لازم نعرف ان المذاكره والشغل وكل ده مش نهايه الدنيا اننا نستهلك نفسنا علشان نوصل لدرجة نجاح عقبال ما نوصلها نكون استهلكنا بشكل كامل نعيش كل فتره بفترتها... فترة الدراسه دي من افضل الفترات ع الاقل كل تفكيرنا ف اتجاه واحد بس... نذاكر ونتعلم ومنفكرش ف اي حاجه تانيه او مستقبل نعيش كل فتره بظروفها غير كده يبقي بنصعبها ع نفسنا