"حفرة السوشيال ميديا" - السوشيال ميديا بقيت في وقتنا هذا زي الحفرة اللي احنا راميين نفسنا فيها طول الوقت، وكل ما الوقت بيعدي كل ما هي بتوسع بينا ! = فكرة اننا بقينا نعبر عن مشاعرنا بحالة على الفيس او تويتر او غيرة، بقينا نَعَيد على بعض بجملة في شات ملوش اي لازمة ! حَصرنا علاقتنا بالناس بمجرد كلمتين من ورا الشاشات، تَبسُمك في وجه اخيك بقيت كده " :) " . - فكرة اننا نحدد صداقتنا وعلاقتنا بالناس من السوشيال ميديا وفي الآخر تلاقيهم ناس تانية خالص. = قعدتنا على السوشيال ميديا معظم الوقت بتقتل مهارات تانية فينا، حاجات كنا بنعرف نعملها وأهملناها. أنا جربت اقفل كل السوشيال ميديا بتاعتي لمدة 24 ساعة بس ! لقيت نفسي رجعت اعمل حاجات الواحد كان هجرها مع الوقت، اكتشفت ان فيه موسيقى صوفية جميلة جداً مسمعتهاش قبل كدة، اكتشفت ان انا كنت شاري حاجات اقرأها ومفتحتهاش، كل ده في 24 ساعة !