انه يكون الشخص متفتح عقليا من جميع النواحي بس يكون لكل ناحية حد توقف عنده اذا تعديت هالحد فإنك قاعد تتجاوز و تخالف عقيدتك و معتقداتك ع سبيل المثال هاﻷيام البنات قامو يلبسون دفيف ملونة و يحطون صورهم ف مواقع التواصل الاجتماعي الدفة = حشمة البنت و عفتها الدفة تكون سودة و جان بتحطين شي غير ملفت للنظر و يكون اسود مثلا اني اذا اروح اسوي البنات يقولون معقدة و مالت اول .. خلني معقدة و مالت اول بس ما اطلع من رضا ربي ..يقولون ما تمشين ع الموضة .. عفوا حبيبتي امشي و عبايتي مفتوحة ليش البس؟ امشي و عبايتي كلها الوان جنها ستارة لو فستان ليش ما البس ثياب بدالها واجد احسن !! صح ما امشي ع الموضة بس امشي ع الدرب الصح ! الصور ف مواقع التواصل الاجتماعي = ويش الغرض من هالشي ؟ ليش احطها ؟؟ عشان صفحتي كلها مدح ؟عساهم م مدحوني كفاية اهلي .. و عشان اذا طلعت يكتب لي كل من هب و دب جفتش و جفتش ؟ سلعة رخيصة انتين عمري .. صح الكل يجوفني ف كل مكان بس يعرفون من اني؟يعرفون كل شي يتعلق ابي؟ مثلا انتين تحطين صورش ف المواقع دي و انتين طالعة يوم من الايام مثلا جافش واحد من اللي مسجل ف نفس المواقع اللي انتين فيها بيقعد يطالعش بيقول اووه دي اعرفها مو الكل طبعا البعض جدي و البعض يقول لربعه جوف دي فلانة و يتحجون يمكن فيش ترضينها عمري ع روحش؟ تقولين اهلش راضين ادري راضين و يحطون لش لايكات بعد و انتين تستانسين ؟؟ اهلش راضين بس الله مو راضي عمري ..انتبهي لروحش حبيبتي و خلي عندش غيرة ع روحش اذا كانو اهلش م عندهم هالمفهوم احترمي روحش جان الناس تحترمش و اللي يلبسون شيلة و يطلعون شعرهم احترمي الحجاب اللي فوق راسش دي مو قطعة خلق عمري ?! #مسامحة ع التطويل ف الموضوع