هلبا بنات ونساء يشتغلوا من الحوش ويسوقو في بضاعتهم وجدا ناجحين وفيه لحتي يسوق في الشي للي أدير فيه اكتر من محلات لانه يصنع وادير في حاجه راقيه ومرتبه يعني اشغال يدويه تغليف وخياطه وتطريز وفيه ليدير في حلويات وغيرها هلبا اشياء. وبجد والله أقل شي وخصوصا البنات توفر مصروفها لان أهلها صح مش ح يقصرو معها بس قد مابيعطوها واوقات مايكفوهاش وتقدر تعاون العيلة بالمصاريف ..
يُحكى أن غربالاً انتقدَ إبرةً
لأنَّ بها ثُقباً !
وإن لم يجدوا بك عيباً كسوك من عيوبهم وعابوك..
بنت صغيرة رايحة فى قاعة أفراح قالولها : أمك شن لابسه
قالتلهم : قفطان خالتي
لا والله بالعكس بس ممكن كلمة النفسيه عندنا احنا مردفاتها غير .. ممكن وجهة نظرك مبنيه على أنه ماعندناش دكاترة واخصائيين نفسيين او احنا مجتمع قاعد يرفض يمشيلهم.. بس عندنا شي تاني روح والعلاقات الأسريه والتكافل والتعاطف كبير.. خشيتي بيا بموضوع كبير يبي قعده 😁😌
تحب الاغاني القديمة
نحب نسمع فيروز 💙 اي فيه اغاني حلوه
شن رايكم في الزواج من بنت جميله جمال لدرجة لم تشوفها تقول سبحان الله ربي لي خالقها لكن ساقها محروق ومشوه كله من النار ؟؟؟
بالتأكيد وان كنا لاندرك ماهية الأشياء حتى نعيشها ..
تاخذها شينه تاخذها سمحه
غداك مكرونه ياصاحبي🙂😂
غير إن مكرونه علي مكرونه تختلف القصه مش فالجمال وغيره .. بنهايه هذا الموجود شن تبيها اديرك 😂👌
اني بنت وعمري 21 سنة ولتوا ماناخدمش ويصرفو عليا بوي وامي
بجديات الشي هذا يضايقك فيا انه لتوا هما يصرفو عليا
مع اني حاولت هلبا ندور الخدمة او ندير اي راي لكن مسكرة في وجهي من كل مكان وفقدت الامل
نشوف في فكرة انه نربح عشرة دينار بس صعبة للارض ):
اول شي والله بجد يعجبني فيك روح المسؤليه وحب الاستقلاليه لحسيتها بشخصيتك . لا مش لازم تضايقي بنهايه هما بوك وأمك وهما مسؤلين عليك وعلي مصاريفك بعدين والله قاعده صغيره شباب بسنك واكبر ومايشتغلوش وياخذو في مصاريفهم من الأهل .. لاحقه عالتعب والعمل ونصيحه ماتشتغليش اي شي لمجرد كسب المال دوري عمل تحسي روحك حترتاحي فيه.. وربي يوفقك ياااارب
نصيحة ثانية ولكن لفئة ثانية من البشر "سوري لاني مكثرة من نصائحي هاليومين"؛ مهم جدا جدا انك تطلع على الطرق الصحيحة والسليمة للنقاش مع الناس بمختلف أنواعهم ومهم جدا أنك تكون ملم بصفات الشخصية المؤثرة ولغة الجسد وأنواع الشخصيات في حالة تبي تكون شخص مؤثر وجذاب بلا عذاب😂.
فعلا كأن لكل شخص طريقة ومدخل معين لما تبي تحكي معاه وتحاوره . مش كل الاشخاص نتعاملوا معاهم بنفس الأسلوب . وبالعكس حلوه هالنصايح ولازم كل واحد يعرفها ويحطها بباله.. وبجد ثانكس ..
بشاره لك:
سيأتيك خير في حياتك وفرحه يعجز قلبك عن وصفها.. استبشر خير وقل يا رب ".
مداير علاقة معاها خمسة سنين وتوا جي واحد بيخطبها و ام البنت يسالو عليه
شن ندير قولولي ؟ نجيب اماليا ولا شن تقترحوا عليا
انت شخص مش تمام علاقه خمس سنوات مع بنت وبدون مايكون في شي رسمي بيناتكم اكبر غلط يعني خمس سنوات تكذب عليها وتعشم فيها وتوا جاي تقول بيخطبوها شن اندير.. توا هذا سؤال.. للي يبي حد مايقعدش خمس سنوات وقاعد حاير ومش عارف شن أدير..