فيه فرق ما بين التعلق والتعود ؟
اللي يقول إي يرفع السبّابه مع السبب..
التعود شي روتيني صار يعني خليني ابسطها لش ، مثلا انش متعوده تروحي بيت اهلك اسبوعيا اسبوعيا وفجأة تغير الروتين لروحه لصديقاتش او بيت نسايبش ثانييين اي شي عاد المهم 😂 اول الاسابيع بتحس بالتغير بتحس ان في شي متغير لكن من يحل مكانه روتين ثاني ممكن تنسى الروتين الاول .. عكس التعلق التعلق مهما كان البديل صعب صعب صعب انك تتقبل البعد بعد التعلق وبتكون معاناة امثلتي اخر الليل لك عليها بس اتمنى ان وصلت الفكره 😂
في مسلسل اجنبي اسمه arrow مُقتص ، طلع رحله في سفينه ابوه مع حبيبته وغرقت السفينه وظل هو وابوه في هالقارب وكان الوضع لازم بس واحد يبقى فالاب عطى ابنه مذكره فيها كل المجرمين وقتل نفسه ، وبعد سنوات رجع هالابن المدينه وبدأ يقتص من المجرمين " السهم " طبعا ما انصح تشاهدوه لان فيه خيال واجد بس لطيف 😂 الزبده كان يعيش حياتين والحياة الاخرى ؛ الليليه كانت المقتص ودي اعيش الدور 😂❤️
هالفتره لا ، < ما كتبت صفات طيب ؟ 😂 المهم .. هالفتره احس مافي شي قاعد يمشي بنظامه يعني مثلا قبل نشوف الشاعر .. شي كبير في لغته وعلمه وثقافته وبحر الكلمات معجم معجم .. اليوم اي احد صاير يكتب شعر ويحط جنب اسمه الشاعر الفلاني ♂️😂 كذلك الكاتب ؛ ممكن لازم يكون ملم بالسناريو ويفهم شنو يعني سناريو ويعرف كيف الربط بين الافكار ، مو بس شي اكتبه وانتهى الموضوع كدا كلمات على بعضها وصار كتاب او صار مقال !! وطبعا ما اذم في اي احد يمكن شخص مبتدأ ويطلع منه افكار ما تخطر ع بال المتمرس .. لذلك اعتقد مافي صفات معين ومقياس معين ( في هالحقبه من الزمن )