كل مشكلة بتجيني والله واقسم بالله مالهاش حل غير "القرب من ربنا" ! ماله القرآن كل ما تتشتت اقرأ شويه وهتلاقي الحرب انطفت وعن تجربة جدا ع فكرة ،الدعاء والتسليم تعرف تسلم امورك لله وتبطل تفكر وتسيبها تمشي زي ما هي ! تعرف تستعيذ من الشيطان كل ما الحرب دى تدور في دماغك ؟ سهلة اقسم بالله مش محتاجة انت بس االي بتفضل تدخل نفسك في دوامة لما تسمح للشيطان يخترق دماغك ويعمل جواها حرب اصلا افتراضيه ومش حقيقية ..
"كُل شيءِ بقدرِ اللهِ، والله قسم للعبدِ سعادته وشَقائه ورزقه وعُمره، فمَا كان لكَ سوف يأتيكَ على ضُعفك، وما كَان لغيركَ لن تناله بقوّتك" ― علي الطنطاوي
ا "ابتلاء الله علينا ان نتقبله بالرضا والتسليم وليس لنا ان نساله لماذا لان حكمته تجل عن الافهام وما من شوكة تصيب الانسان الا ويجزيه الله بها خيرا كثيرا فى الدنيا والاخرة ." ― عبد الوهاب مطاوع
حاسه انا قلبي بيبعد عن ربنا بقيت مش بنفس درجة القرب اللي كنت فيها كنت حاسه انه بيسمعني ومعايا دايما دلوقتي حاسه اني مفيش حاجة من دي وكل ما ادعي دعوة بيحصل عكسها ?
طيب ايه اللي جابرك ع البعاد ما تغلبي نفسك وترجعي تقربي ...اه مش هتقربي مرة واحدة زى الاول ، بس بالتدريج هترجعي واصبري ع نفسك متعذبيهاش كلنا لازم يجيلنا فترة البعاد دى لحد ما شدة ترجعنا تاني ونعرف ان ملناش غير ربنا.
ممكن تقوليلي اي حاجه تساعدني اني اكمل في طريقي واقدر اتغلب علي الإحباط اللي جوايا ?
البداية ...اهم حاجة البداية حتي لو بنتائج قليله المهم تبدأي وخلاص وتدريجيا انتاجك هيزيد ... خدى موقف مع نفسك حاسم واعملي حاجة جديدة تكسرى بيها الروتين ،لان السبب الاكبر في اللي انتي فيه الروتين والروتين بيولد الاحباط .. مثلا انوي تصلي ركعتين ضحي الصبح والشفع والوتر بالليل كنوع من التغيير وهينعكسوا عليكي بشكل جميل وهتشوفي :) مثلا قبل المذاكرة كام صفحة قرآن يفتحوا نفسك وكل ما تتعبي من المذاكرة افصلي بقران وشوفي هتكبرى في نظر نفسك ازاي .. حطى هدف انتي عاوزاه وكرريه بينك وبين نفسك كتير واتخيلي نفسك وانتي محققاه ،ابذلي جهد اكتر من الباقيين ومتبصيش للنتايج دى بايد ربنا المهم تعملي اللي عليكي وخلاص.. متقارنيش نفسك بحد قارني نفسك بنفسك واشتغلي عليها المقارنة بتحبط وتعطل . قربي من ربنا اكتر وادعيه حالك ينصلح ... ربنا يوفقك ?