جالى فرصه إنى اشتغل ف مكتبة وأنا بعشق الكتب طبعا مع علمى أنه أكيد هيبقى فيه رفض من أهلى بس برضو انا ليا طريقتى ف الإقناع ،انا عايزه احس إنى مسئولة من نفسي ،انا ف تانيه كلية و عمليه كمان بس طبعا انا لا طايقه الكلية ولا الدفعه ولله الحمد ، ف عايزه اوافق كنوع من التغيير علشان اغير مود ولا ده هيأثر عليا
لا وافقي الموضوع هيكون حافز ليكي وهيديكي ثقه زيادة في نفسك، وهتحسي انك شخص مسئول ودي حاجة بالدنيا كلها.. كمان هتحبي كليتك لما تشتغلي وتغيري حاجة جديدة في حياتك بدل الروتين، ومش هتأثر دراسياً لاننا كدا كدا بنضيع وقت فتضيعه في شغفك وحاجة مفيدة احسن.
الموضوع دا محتاج قرار داخلي جواك انتَ ويكون جاد بمعني انك مش هتسمح لنفسك او لاي حد في الدنيا انه يقلل منك او يتطاول عليك بحتي كلمة او نظرة! ويكون ليك رد فعل حاسم تجاه اي حاجة مش عجباك.. ثانياً كتب التنمية البشرية خبط فيها شويه وطبق في حياتك كلامها، كلامك مع نفسك كله تحفيزي ومدح للذات زي مثلا انا عندي عزيمة...انا اقدر.. انا اتخطيت الاصعب اقدر اتخطي دا كمان.. حب نفسك لان اكيد محدش هيحبها قدك! تقبلها بكل عيوبها وحب عيوبها كمان واتعايش معاها واعترف بيها بينك وبين نفسك، صاحب ناس تقدرك وتحترمك وابعد عن الجماعه اللي عندهم نقص والمتنمرين والمتسلطين.. اكسر القواعد اللي انت حاططها لنفسك ع قد ما تقدر واكسر اي حاجز خوف وجرب وغامر وخبط واغلط واستفاد واتعلم.. الرضا عن النفس وحبها بيجي من الناحية الروحانية بمعني انت لو ملتزم دينياً بصلواتك وعباداتك وراضي عن نفسك دا هيرفع معدل الثقه كتير عندك.. خليك مع الناس الشغوفه والطموحة اللي مفيش حاجة توقفها،، اهتم بشكلك اكيد ولبسك ودماغك من خلال القرايه او ع الاقل تابع صفحات واشخاص هادفه ع السيوشيال ميديا.. حوارات السوشيال من ناحية البوستات وانك بتكتب رأيك في اي حاجة بتحصل في البلد هتفيدك،، الشات مع ناس مختلفه من اماكن وثقافات مختلفه هينفعك جداً..
أريدها لا تعرفني ولا أعرفها ، لا من شٌئ إلا لأنها تعرفني واعرفها ، تتكلم سٌاكتة وأرد عليها بسٌكوتي ... صٌمتُ ضائع كالعبث ولكن له في القلبين عمل كلام طويل . ____ "الرافعي" ?