كنت بحب شخص اوي بس اتغير معايا هو ف الاول كان بحبني بعدها اتغير خالص بقي انا الي احب واهتم من أوله كليه مع بعض حاليا هنخلص رابعه كليه بس هو بيتغير لما سألته قالي بقا معنديش مشاعر المشكله مش عارفه ابعد كل ما أقوله مش هكلمك ابعت رساله واقوله متزعلش لما ابعد بجد يجي هو يكلمني افتكر تانى تعبت
عايزة تبعدي ولا لا! خليكي صريحة مع نفسك لو اه اعملي بلوكات فترة وقوليله انت قولت معندكش مشاعر فاديني فرصة انسى واشغلي نفسك لحد ما يبقى شخص عادي بالنسبالك وابقى رجعيهم لو عايزة عشان الود وساعتها تبقوا متساويين
انا بكتب هنا ف عشان معنديش حد احكيله ولا عاوزه يبقي عندي انا كنت عايشه لوحدي كافيه خيري شري دخلت حياتي ليه لغبطها ودلوقت بتقولي باي باي هيجيلك نوم ازاي وانت خارب قلب حد حرام عليك ليه توجعني كده ليه ترسم ع وشي الفرحه و دلوقت دموعي مش قادره اوقفها انا تعبانه اوي وهو ولا حس بالي عمله حتي
عشان ميستاهلكيش والحمدلله ربنا نجدك منه، انتي مخسرتيش هو اللي خسرك وخسر حبك، بتعملي في نفسك كدا ليه بكرة يجي اللي يقدرك وتضحكي ع نفسك وع اللي بتعمليه فيها دا، المفروض يجيلك هيستريا ضحك إن ربنا كشفهولك بل تفرحي إنه مشي وعسى أن تحبوا شيئا وهو شرٌ لكم ولو كان خيرا لبقى