حال الحلبيه بهذا الزمن الرهيب اﻵلم الشديد :إمي اجت الشتويه ومعها كفن هدية يا امي لا تبكي بس هاد حال الحلبيه يا امي مو بس حلب كل اﻷراضي السوريه اه شو خسرنا شهداء بدل الواحد ميه حاج نقتل بعض بإسم الطائفيه يا امي لو تعرفي شو صار بالجميلية حي سليمان الحلبي والتلل والعزيزية خربو جسر الصاخور والشعار والجابريه حرقوا المسجد الاموي والاسواق والسليمانيه دمرو كل اﻵثار من القلعه للخالديه السريان وشارع النيل وحي الاشرفية وجبرين الابية عطوني منطقه آمنة بالشهباء الابيه اه على جمعه الشتاء والايام المنسيه كانت أحلى لمة لمتنا إسلام ومسيحيه انشغلنا بالقتل ونسينا الانسانيه يا حلب راحو ولادك وراحت معهم الحنيه الله يفرج عنا وعن امتنا العربيه وترجع حلب الطرب والفن والقصص المحكيه وترجع معها سهراتنا اللي بتبدى عشية وما بتخلص للصبحية