اممم يعني مثلا لو جالك شخص اي كليه اقل منك ايه اللي يخليكي مثلا توافقي عليه
انا هتكلم ف العموم ..مبحبش يتوجهلي السؤال ف المساحه دي 😅 الاخلاق ..ان يكون في كيميا بين الشخصين يعني تفكيرهم متوافق ..وحاجات تانيه طبعا بتختلف من شخص ل شخص
ايوه طبعا عشان السهر والذي منه مظنش اللي رايح بتقدم لدكتوره مش فاهم ده واظن كمان هي المفروض تبقي عندها رؤيه ومتقللش من اللي قدامها ممكن ترفض بطريقه شيك فاهمه
وبصراحه بحس انه بيبقي فيه تكبر كده او زي ما المثل بيقول شبع بعد جوعه
مظنش والله ان بيبقي القصد اللي وصلكم او تكبر او حاجه من دي ..
انا بسأل بس ع لسه الموقف ده حصل قدامي بنفس اللفظ كده انا مش هتجوز الا دكتور
ممكن تفكيرك يختلف قدام أهلك يغيروا فكرتك
اهلي سايبين ليا الحريه .. وعلي فكره البنت اللي قالت كده ليها وجهة نظرها المفروض تحترموها ومتاخدوش كلامها ع انه تقليل من حد .. احنا البنات اللي ف عالم طب بشري بالاخص طبيعه شغلنا تختلف شويه ومحدش هيبقي فاهم دا غير اللي ف مجالي وهيقدر تعبي وغيره يعني معظمنا الجزئيه دي عاملاله قلق لان مش اي راجل هيقدر التعب ومش اي راجل هيسمح بغياب مراته عن البيت طول الليل ف بعض الايام غير اللي فعلا فاهم النظام