تعرفي يا زهراء لما يصير في انسان من كثر ما يحبك تتمني يكرهك خلاص؟ هذا اللي يصير مع أفنان أختي 🌚 أحبها وما أقدر اكمل يومي بدونها بس يا أخي ما يصير اجلس من النوم علشان حضرتها تبي تسبح ولازم وجدان، وقت الوجبات، لو بطلع، لو بنام بيت أهلي كل شيء لازم مع وجدان 😭
وجدان ، مبدئيًا شنو شعورج أتجاه السنة التحضيرية بجامعة فيصل ، شنو المزايا والعيوب من وجهة نظرج ؟
سنة ممتازة للي يعرف يستثمرها صح لكنها مملة نسبيًا نفس الروتين كل اسبوع ._. وفيها شي مو حلو بالنسبة للإنجليزي المسات مستوياتهم متفاوتة ودرجاتك تعتمد على المس ومزاجها وهذا فيه نوع من الظلم! لكنها بشكل عام مفيدة جدًا طلعت منها بحصيلة علمية ممتازة وطورت فيني جوانب كثيرة وحفظت ڤوكاب ماكنت متخيلة في يوم بحفظ العدد هذا كله أو إني ممكن اتكلم قبال جماعة بدون خوف وتوتر 😁 ونظام السنة التحضيرية في جامعة الملك فيصل ممتاز جدًا لأنك تعرف تخصصك، هذا الشيء يقلل من التوتر والضغط النفسي بالنسبة لنظام السنة التحضيرية المتبع في بعض الجامعات، وتعتبر سنة راحة شوي بعد تعب ثالث من القدرات والتحصيلي ومحاتاة التسجيل والقبول 😁