ضاقت ف لما استحكمت رفعت ايدي للسما وطلبت منه يفك ضيقتي وخنقتي ويطمن القلب اللي شاب بدري أوي ضاقت ف لما استحكمت لقيتني ببكي بالقوي وبقول يارب كل البيبان قفلت ولكن ربنا بابه الوحيد مفتوح وسامع كل شئ بتضيق ولكن ربنا هيدلني يوم ع الطريق بترجا ربي برحمته يزيح البلا ويطمن القلب اللي داب م البهدلة ويهون الوقت اللي جي ويدلني ضاقت يارب وكل واحد ذلني ضاقت ومش لاقي المفر وجهني بس برحمتك علي أي بر الصبر طال وانا قلبي مش حمل الوجع نجينا بس برحمتك من الاختبار هون علينا الضلمة والليل والوجع واوهبنا من عندك نهار ضاقت يارب ورحمتك وسعت جميع المخلوقات وانت اللي قادر تمحي حزني وقهرتي وتنجي روحي من الضياع والابتلاء ضاقت يارب وبحمدك واشهد بأني عمري ما هيأس وأمِل واشهد بأني ضعيف أوي وانت القوي وانت المعز انت المُذل.. ضاقت يارب وبحمدك وانت السند رجعت يوسف والنظر رغم ان يعقوب اتعمي ضاقت ف لما استحكمت رفعت ايدي للسما.