انا احمد سليمان اتولدت في بورسعيد 1/30/1994 اخر الشهر يعني من الاخر محدش بيبقا معاه فلوس ومحدش بيعبرني بهديه في عيد ميلادي ?
اتولد لقيت نفسي ماما مريضه بمرض وحش وبتتعالج منه ودا طبعا مخليها تعبانه ديما ووالدي مشغول بشغله ديما واختي الكبيره في حياتها واخويا كذلك..
واستمر الحال لغاية ما بقا عندي 7 سنين..
مفيش اهتمام.. مفيش مفيش مفيش..
وفي يوم والدي قالي روح صحي ماما واسالها عايزه حاجه قبل ما امشي..
بصحيها.. ماما / اصحي ماما ماما ماما ماما ماتت..!
وكانت اول صدمات حياتي اني اصحي حد ميت ومش اي حد دي امي ?
وعدا كام شهر.. ووالدي اتجوز..!
واسخ واحد في العالم.
ست كانها من الكفار طلعت عيني وسعات ممكن تضرب من طفل بقا طبعا كل دا ترتب عليه تأثر نفسي جامد جدااا مسيرة تعليم ومستقبل شبه معدوم لان محدش مهتم عامل اي بزاكر او لا محتاج درس او لا مفيش مفيش لغاية ما وصلت ل 3 اعدادي.. ووالدي عمل حادثه وفضل في صراع مع المرض كام شهر ومات ومراته اختفت.. وجت الصدمه التانيه
وبعدها اخواتي كانوا اتجوزوا وبقا عندهم اولاد .. دا قبل ما بابا يموت..
وقرايبي واخواتي بقوا بيتفقوا مين يخودني اعيش عنده لان مينفعش اعيش لوحدي..
فجاه.. قلتلهم مش هروح عند حد منكم..!
اندهشوا.. ?
لي يبني.. عايز افضل لوحدي.. ضغط منهم .. كلام كتير.. ووصلوا انهم عيزين يدوني فلوس كل شهر.. #مساعده ?
رفضت قلتلهم سبوني وربنا هيسهل..

Liked by: No Name ✌ Reema Ahmed LolaZz ^^ Aya Osman (Zamalek)❤✌ aea Rasha Nahla Ahmd Seif Omar Eldash C'est La Vie Sarah..

اتكلم عن نفسك..

December 29, 2015

#
في الوقت دا زي ما قلت كنت خلاص بخلص 3 اعدادي..
وفي وضعي الي كنتي فيه كا #ثقافي #معنوي #مادي شبه معدوم يعني فكرة ادخل "ثانوي" تعتبر انتحار..
ودخلت #صنايع ?
وطلع عيني بقا من شغل في #مصنع #شركه #محل ابيع هنا امسح هنا.. عادي مبيهمنيش شكلي ولا المنظره المهم محدش يديني جنيه.. ?✌
طبعا جي عليا ايام معييش فلوس لان مرتبي ضعيف او مفيش شغل ممكن اكل حتا عيش عادي وبحمد ربنا وبصبر لان عارف ان ربنا معايا..
لغاية ما ربنا كرمني واشتغلت في فندق 5 نجوم في مطعم #فندق_هلنان واتعلمت الرسم واشتغلت برسم اعلانات وللالتراس الي كانوا عيلتي التانيه بجد ?
واستقريت ماديا الحمد لله اني بقيت بجيب الي بحبه ومش محتاج اي حاجه.. غير حاجه واحده.. يبقا جمبي يحبني يبقا امي صحبتي حبيبتي..
كان سعتها مش حبا في اني نفسي يبقا معايا واحده لا.. كان نفسي في حنيه وطبطبه وجو محستش بيه حتا ونا طفل..
لغاية ما لقيت #ياسمين ❤
حاجه شبه الملايكه كده وقفت جمبي بجد وشجعتني ادتني حنيه محستهاش قبل كده بجد ?
ومرت سنه في التانيه وقبل كل دا كنت مكلم ولدتها وقلنا نستنا نكبر سنتين ولا حاجه ونكلم والدها كنت عندي 19 سنه وهيا 15.. واستنينا وحبينا بعض حب مستحيل حظ يشوف زيه.. وفي الفتره دي جهزت نفسي يعني عندي شقه وشغال شغل محترم ومعايا فلوس اخطب وتمام.. اتقدمت.. باباها رفضني.. طب لي..!؟ اصله مش عجبه شغلي.. عيزني اشتغل شغل حكومه.. " ال يعني الشغل كتير وحنا بنقول لا ?
قلت مش هستسلم وهحاول وفعلا بدأت اوصل للشغل وطبعا في الفتره دي صراعات مشاكل معايا تقريبا بيمنع اي طريقه تخليها تكلمني.. الموضوع بدا يتعقد.. هيا يأست من ضغطه عليها.. طلبت البعد.. وفقت عشان مصلحتها.. ونا بتقطع طبعا،، دا زي احساسي ونا بصحي امي ولقتها ميته..!
لتاني مره فقدت امي.. وحبيبتي..
ورجعت لوحدي..
في انتظار حل من المولي عز وجل للخروج من الحزن الي مش بيسبني طول حياتي..
_________

متستغربوش اني بهزر وبضحك ديما.. اسلوب للهروب من الواقع الصعب الي عشته وبعيشه..!

" الفرج من عندك يا رب ".. ?✊