#عن_بنات عن بنت عاشت طول حياتها لحد غيرها تدى بس .. عن بنت تانيه حابّه واحد عمره بيها فـ يوم ما حس عن بنت تالته عايشه تعشق حد عاشق واحده غيرها .. عن بنت غيرهم فاكره واحد هو عمره ما كان فاكرها كل واحده و فيها جرح واجعها لكن بتداريه .. كل واحده راسمه صوره لشخص بتدور عليه شخص يستوعب وجعها لو تقول تلاقيه سامعها حد تبكى ما بين إديه حد يرمى حياته فيها و أما تحتاجه تلاقيه حد يعرف هى مالها بدون ما يسأل " ساكته ليه " ؟! حد يشاركها فـ طموحها .. ميلغيهاش أو يلغى دورها حد يسكن كل روحها ويداويها من كسورها حد يعرف يحتوى .. أو يكون طيب أوى .. يبقى وقت الخوف ساندها .. و إيد بتحضن برد إيدها حد مـ الأحزان ياخدها وهى تاخده من اللى فيه حد تتبناه و تبقى .. أمه لو يحتاج أمان .. حد يتبناها هوّ ويشاركها فـ الجنان يجروا تحت المطره جايز يهربوا فـ بعض بـ بساطه حد شايف فيها عمره _ مش علاقه يومين تلاته _ هى مش عايزه اللى ييجى يمشى بعدين من سكات .. كلهم رغم إختلافهم فـ الملامح و الصفات .. قلبهم فـ الأصل صافى .. نفسهم لو حضن دافى ده ساعتها هيبقى كافى وهو ده حلم البنات #محمد_ابراهيم
كانت لحظة فيها بمشي وليها كان عايز يعيش وابتدت صورتها تروح عن عنيه وتيجي تاني وقال ساعتها بصوت مجروح اوعي تنسي فيوم ايامي حطت ايدها علي شفايفه وقالتله انا عايشة بحنانك ضمت اكتر ليها حضنه وقالتله لسة كتير قدامك كانت لحظة متتوصفشي كانت لحظة متتحكيش كانت لحظة فيها بمشي وليها كان عايز يعيش