كيف كنتي تدرسين في السنة التحضيرية عشان قدرتي تدخلين طب أسنان ؟
الحمدلله كنت اقسم وقتي وادرس قبل الامتحان بوقت مناسب ولا اتذكر تهاونت بحضور اي كلاس الحمدلله يعني عادي اغلب بنات الصحي كانوا كذا لكن ما اتوقع اللي اسويه بالمذاكرة يصلح لغيري كل احد وطريقته اللي تناسبه.
بروجكت لأيش. ما اعرف اطلع افكار كذا حددي لي شي واختار.
تعرفين مدرسة كيمياء و احياء جامعة ؟
لا والله ما اعرف.
مين نورة ايش تصير لك ؟ ومتى عرفتيها
وه بس يالله لا تخليني :')
مااعرف ليش افرح اذا شفت احد يدرس طب اسنان احس بالانتماء مع انو لسا ما تخصصت بس ان شاء الله انقبل طب اسنان
الله يكتب لك اللي فيه خير ❤️
كيف كان دوامك الترم الثاني سنة تحظيرية
اذا تقصدين الوقت تراه يختلف حسب جدولك لكن اطول يوم كنت اجي ٨ ونص واخلص ٣ وثلث.
في السنة التحضيرية في جامعة الملك سعود أخذتي مادة اسمها مصطلحات طبية ؟؟إذا اي كيف تعاملتي مع المادة لانها مرة صعبة
ايه اخذتها بالترم الثاني ولا مو صعبه ابدا واتذكر حذفوها من الاختبار النهائي.
هاو يا مافي وراك ما تبين الزواج ؟ سنة الحياة
انتي قلتيها سنة يعني مب واجب :)
د.دانية ؟
ايوا حضرتك؟
انا قدمت على جامعه اﻻمام وانقبلت اول شي عقب مانزل اسمي وقالوا ماراح نقبلك ومدري ايش وصارت سالفه :( ومره تعبت ومليت من جلست البيت وكل مره اروح لهم يقولون استني يمكن ينزل اسمك بعد حقين الواسطات :( وقالوا لي ادخلي دوره تأهيليه عشان تجيبين معدل كويس وعقب تدخلين انتظام بس لما ادخل هالدوره مو اي قسم ابيه
يعني قبلوك ونزلوا اسمك بعدين هونوا؟ والله وانا اختك لا تضيع السنة وانتي تنتظرين قدمي على غيرهم وربي يكتب لك اللي فيه خير. انا ما لي خبرة كبيرة بالقبول والتسجيل يعني ما اقدر اساعدك كثير بهذي الامور ولا اعرف نظام جامعتك. بس انتي استخيري وقدمي على غيرهم ماتدرين وين الخيرة. وبالتوفيق واي شي ثاني انا موجودة.