فكرة انى ممكن أكمل حياتى مع حد تانى معدومة من دماغى... ف عشان خاطر أغلى حاجة عندك خلى بالك من نفسك و من براءة الأطفال اللى طول عمرى شايفها فيكي :) سلام
عارف..انا هموت و أعرفك بجد..مش لاقية كلمة واحدة أرد بيها على كلامك ! بس أنا مستاهلش الحب ده على فكرة..فعلا مستاهلوش :)))
عمرك ما هتبطلى تكابرى و لا هتعترفى انك مكسورة و ضايعة...عارفة أنا أكتر حد فاهمك فى الدنيا دى فاهمك حتى من نظرتك حتى لو شوفتك من بعيد..بس هى الفكرة انك مش هتطلعى منى مهما حصل و هفضل بتمناكى لحد اخر نفس فيا :)
معرفش ايه سبب كلامى ده دلوقتى بس لقيتنى عندك و بكتب كده...يمكن متكونيش عارفانى دلوقتى أو ميجيش فى دماغك إنى أقولك كده بعد الى حصل بس أنا فعلا نفسى اطلع منك نفسى أقول إنى بطلت أحبك نفسى مفضلش أتمناكى لأن حبى ليكي من طرف واحد و حتى مفيش أمل منك
فى درس الدين دعاء بيقول : يا خالق كل شئ ناقص..كمالته معاك يا شايل من الحاجات حتة ..بنترجاك بحق المشهد الكامل و اسمك اللى أنا عرفته تسيب اللى يكفينا ..و تكفينا بما سبته متحوجناش ..لجاى مجاش و ترضينا بما جبته و ندعى وراه بصوت عالى يرج الفصل رج خفيف و أكمل دعوتى فى سرى (( و ترحم قلبى فى شيبته )) !
مش عارفة..يمكن أكون اه بسامح و كتير..بس مش كل حاجه ينفع تعديها و ينداس عليك و تقول عادى المسامح كريم عشان كل مرة بعمل فيها كده باخد على دماغى أكتر من المرة اللى قبلها..بس الحد ده لو يستاهل إنى أسامح هسامح إنما لو حد أذانى جامد وأنا معملتش فيه حاجه وحشة ف معتقدش إنى هعرف أو يمكن أعرف الله أعلم ! بس بردو مفهمتش الغرض من السؤالين دول و مين اللى بيسأل ؟!