تنقسم البنات الجامعيه إلي عده أقسام وهي ...! *ريهام الدحيحه* فِ البيت لمه شعرها بتوكه صفرا أم جنيه ونص وفارشه السرير بالملازم والكتب, وقتها ضيق لدرجه إنها وهي بتطلع اجرة الميكروباص من الشنطه بتكون عين ع الشنطه وعين ع الملزمه, بتهزر وتضحك مع صحابها وعينها فِ الملزمه, ومن كتر الدح نسيت نفسها لغايت م شعر ايدها بقي زي أبو الليف. *سلمي المنفسنه* موتها وسمها تشوف ولد وبنت بيحبو بعض, ممنوعه من المانكير لأنها بتاكل ضوافرها لما تشوف ولد ماسك ايد بنت, شفتها اللي تحت شبة منحوته من كتر العض عليها بسبب انها بتغير من مياده أوكشه الدفعه. *مني أسامه منير* تتميز بالقلب الحنين والطبطبه, أغلب ولاد الجامعه معاهم رقمها ومع ذلك منحفظه جداً ومنبهة عليهم م يتصلوش بعد 3 الفجر .. دايماً بتحب تسمع مشاكل صحابها البنات وتعمل ام العريف وتحلها مع إنها م بتعرفش تحل مشاكلها, بتنصح الولاد المرتبطين وتساعدهم علي نجاح العلاقه. *شيماء 011* بما إنها سنجل فَ بيكون معاها رصيد كتير فشخ وده بيدفعها إنها تشتغل منبة لصحابها وبتصحيهم واحده واحده, ولو غاده خلصت رصيدها ع هشام بليل ممكن تستعمل تليفون شيماء علشان تعمل واحد كماله. *هدير دموع واحضان* حساسه جداً وظيفتها فِ الحياه تحضن صحابها اللي فركشو أو اللي الدكتور طردهم من المحاضره أو اللي أمها منكده عليها, ولو شافت واحده صحبتها بتعيط بتقلب عبله كامل وتقعد تندب معاها من غير م تعرف فِ ايه. *ياسمين الولهانه* دائماً تبحث عن فارس أحلام وحصان ابيض ولكنها أتصدمت وعرفت إن الشباب لبسو بنطلون مريام فارس, وكده ياسمين فقدت الأمل وده اللي خلاها تستحمل 5 اجزاء حريم السلطان. *هبه بيوتي سنتر* شنطتها فول اوبشن كلة من أخر العنقود 2.5 ميك آب ومحتوياته,برفيوم, كريمات , ومعاها 9 طرح احتياطي وفِ بنادول اكسترا للصداع وماتستبعدش إنك تلاقي جلدة حنفيه او مفك صليبه.
وقفة عن مشاغل الحياة : سبحان الله (10 مرات) الحمدلله (10 مرات) الله اكبر (10 مرات) استغفر الله (10 مرات) لا اله الا الله (10 مرات) اللهم صل على سيدنا محمد (10 مرات) لا حول ولا قوة إلا بالله (10 مرات)