يختلف من جامعة لثانية ، لجامعات الرياض تسجيل موحد ومعلوماته بالموقع .. الباقي كل واحد بموقعه وبتلقين المواعيد بالمواقع
ابغى استفسر عن جامعه سعود الحرس تحديدا التمريض تعتقدين كم اقصى النسب يقبلو
ماأعرف ، ابحثي بالنت ، بس ماراح تلقين شي اميد لان النسب تتغير كل سنة وممكن يكون تغيير جذري
واللي يقولون لهم بندق عليكم يتصلون صدق ولا يسحبون؟
بالاغلب يب دقوا عليهم
فيه تسجيل مبكر في جامعة نورة ؟؟
التسجيل هو التسجيل الموحد لجامعات الرياض افتحي موقعه وبتلقين كل شي عنه
اختي سمعت انه منعو الجينزات صحيح دا الكلام؟ وكمان مشاكل الاكل الغير صحي اتحل ولا باقي لانه قرات كتيرف الالمنتديات وكلهم يذمو الاكل بشكل مو طبيعي. يعني فيه خضار وفواكة طازجه( انا شخص صحي وخايفه تتدمر صحتي بسبب شي م يستاهل) وشكرا لك
مامنعوها ، الاكل تغير وصار من الشواية ، ماقد أكلت منه .. وانا امشي على نظام صحي ، بيكلفك شوي و بياخذ وقت وتحتاجين ادواتك كاملة ، بس اكيد يسوا
خيال اختبار القبول كيف؟ يعني لا سجلت إلكتروني مثلا وقبلوني اختبر؟ ولا أسجل ثم اختبر ثم عاد يقبلون؟ لاني صراحة ما اعرف. ومشكوره من جد على مساعدتك للبنات صراحه حسابك أفادني كثير
اي اختبار قبول ؟ حق التصاميم ؟ ماتختبرينه الا بعد اول سنة * بعد التحضيري*، والعفو سعيدة انه فادك ❤️
لو كان لك أن تكون مشهوراً ما الشهرة التي ستختارها ؟
فنان - كونسبت ارتيست - رئيس شركة
عندك حساب بتمبلر تعرضين فيه رسمك؟
يب باسم khaial
انتي سجلتي تسجيل الكتروني او يدوي؟ ومتى كان بعد ماطلعوا القبول او متى سألت بتويتر ماردا علي ويقولون مافيه)))):
الكتروني ومانقبلت فسجلت يدوي، وكل سنة يقولون مافي بس فيه ..
استغرب اذا شفت بنات من جده يبون جامعة بالرياض يعني ماشاء الله هم احسن من الرياض!كل التخصصات عندهم وتفتح قبل الرياض بعد ،مساكين الشرقية وش يقولون!:(
يب فنسب قبولهم بجامعات الرياض اعلى ، بس اكيد في سبب حدهم يتركون اهلهم ويجون .. ربي يعين الكل
خيال وينك سألتك بس مارديتي علي ياليت تردين بسرعه ،التسجيل اليدوي لو رحت متى يطلع القبول في نفس اليوم ولا بعدين ؟والسكن ينفع لو انقبلت بنفس اليوم اقدم عليه مع التسجيل وكم مشوار رحتي قبل لا تدخلين الجامعة؟
يتغير الوضع كل سنة ومافي شي ثابت حتى بالتسجيل للجامعة والسكن ويختلف من شخص لشخص ..فبعض البنات جا رد التسجيل اليدوي بنفس اليوم وبعضهم قالوا بندق عليكم ، والسكن السنة الماضية حطوا له وقت وموعد مقابلة ، انا رحت مرة اسجل والسكن بعدين مرة جيت وكملت تسجيلي وجيت اليوم اللي بعده وسكنت ، بس البنات اللي بعدي تغير وضعهم في التسجيل .. و التمسي الناس العذر بالتاخير ، فترة ضغط ومشاريع دعواتك ..
سكن الجامعه فيه فريزر ؟ انا شفت بالغرف بس فيه ثلاجات صغار ما شفت فريزر ! وين تحطون الاكل المجمد ؟
فيه فالثلاجة فريزر نقطة
يقولون انو مشاكل السكن بالجامعه كثيرهوانا اشوف من كلامك انو مرتاحه ياليت توضحي لنا الاشاعات هذي ^^
يب فيه مشاكل واجد .. يكفي تقرينها هناك ولقيتي احد يوريك الزين ?، احاول اكون ايجابية قد ماأقدر ولو انه الايجابية نحو السكن تقل كل ماطولتي فيه زيادة وانا بخلص ثالث سنة فوضعي النفسي بدا يصير مزري بس نقاتل و نحاول نكون ايجابيين قد مانقدر
قنبله مدتها ٤٥ ثانيه في غرفتك وشلون بتتصرف '؟
بماأني فالسكن وعندنا مباني مش مسكونة فاقطها من الدريشة ع المبنى الثاني