. .قعدت حوالي ربع ساعة أحاول أسوي الانعاش القلبي والزر الاحمر بس اللي يشتغل ما أشتغل لي أخضر بالامتحان بنقص 20 درجه والسبب هذا الانعاش القلبي يعني أحس لو أجرب بإنسان حقيقي بيكون أسهل بس الخوف ينكسر قفصه الصدري والله يستر =)) .
. .ما أحب أحد يغلط ع صافي إبداً يمكن بس بهالجامعه عرفتها ومن ثلاث شهور بس ما أتحمل أحد يسبها أو يقول طريقة كلامها غلط وحتى لو يشوفني الكل طول الوقت أتهاوش معاها وأستهبل بس أشوف حزن قسم بالله بعيونها كفايه انها يتيمه الابوين من يوم هي صغيرة ومربية اخوها وأخوها الله يهديه الزبدة تدخل القلب هي والله بس الزبدة ما أحب أحد يسبها حتى لو من باب الغيرة =( .
. .زهقت ابي أرجع المدرسة لقروبي هنا بالجامعة أكثر من قروب عندي وكلهم يزعلون علي يقولون ليه تسحبين علينا شسوي والله أمانه احد يقولي لا صج ترا عورني قلبي قسم بالله بديت اتعب وكل وحده تزعل ماتعودت اراضي فلان وعلان بالمدرسة صديقاتي قروب واحد ومانتفارق وطول الوقت نتطاقق وعادي هنا تعب والله نفسي أبي أحد يجي يدفني خلاص مابي شي :(
أصبحت أسحب عليكم كثيرا كي لا يقع احد في حُبي ولاوقعتوا خلاص "̮
. .أنا وحده من الناس اللي ممكن أكرهك من نظره ولما أتعرف عليك راح أكرهك يعني بالعاده لما تعرف ناس تحبهم انا العكس قليل ناس أحبهم ولساني زفر حتى كرهت ناس بناس =))
. .ابوي لما قال بيوديني امريكا مع أخواني أدرس وين كان عقلي لما رفضت وابتلشت بهالجامعه ؟!! صج وين كان عقلي ؟ الحين ابي أروح وياهم ويقول لي ابوي أنا خايف عليهم وهم رجال تبين أوديك وأنتي بنت لاعاد خلاص مابي أقعد بذي الجامعه والله بديت أعاني قسم بالله متعودة ع اني أتكي واشرب العصير بدون مصاصه الحين لا كلهم يتمسخرون علي ياخي انا كذا ماحب الاتيكيت والبرستيج وحركات حليمة بولند مايصير يعني ؟ لا صج لزوم أقنع الوالد مافيه =(
. .أختبار حاسب علي ونايمة باول محاضرة والثانية ساحبة عليها وكتابي عند صافي وبكره بجيب العيد طبعاً بالسمستر الاول كان كله عملي فكنت أجرب ويضبط الحين كله نظري واللي بيقول سهل بدوس ببطنه تراه كله إنجلش تعاريف وزفت وانا انتر ميديا مستواي فلا أحد يسوي نفسه :(
. .أحد يداوم عني والله تعبت خلاص دوام لين خمس والله لو حمير وش ذا ويبوني أجيب معدل لا نوم صاحي ولا أكل زين وبس أحش بخلق الله ولا حسنات بعد :( جامعة قرف .
. .أقولكم شي ؟! بما أن محد من الاقارب يتابع أكاونتي بقول خخخ كنا في المول وكذا عاد انا ووحده من البنات المهابيل اللي معاي رحنا لمكان شامبو وعناية بالشعر والوجه وكذا وخربطه وكان الكاشير بنات طيب بس قاعدات يسولفون ومو منتبهين قلت للي معاي بروح الحمام الزبده لما جيت برجع اشوفها واقفة أقول لها تعالي وواقفه ومع رجال الامن وكذا حقين المول رحت وقالوا أنتي سارقه شامبو ورحتي كبيته بالحمام خير ابوي ؟ مابقى الا اسرق شامبو -_- ولا وأكبه بالحمام الزبده تكلمت وكذا وتهاوشت يعني معاهم خير يعني حطوا كاميرات مره ثانية بمحلكم والامن يقولون لي روحي معانا ذا الشرطه وكذا قلت خير أدخل كله رجال وكذا من زين محله اسرق هالغبي يشغل ناس عدله أو يحط كاميرات وش يتهم الناس الزبده فتشوا شنطتي وكذا مافيه شي ولا صاحب المحل قال استغفر الله طبعاً هو سوري والله كنت متنرفزة ومعصبة وحيل وجهي أحمر يعني صج بتهاوش الامن صدقوني ويعني يساعدوني وهدي وكذا بس خير وش يتهموني بشامبو طيب قولوا ذهب ولا بعد كبيته بالحمام خبله أنا ؟؟؟؟؟؟ اقول لابوي السالفة يقول كان دقيتي علي أخليه يكتب لك تعويض وابلغ عنه ع اتهامه المهم أني كل ماشفت هالمحل أصد ولا عاد أدخله حرمت :) وياليت يرجعون رجال يشتغلون بدال هالحريم يايجون بطيئات يايسولفون يامفهيات والله أكره أروح مكان يبيعون فيه حريم يعورون قلبي ولا خلصت ذيك المرة عصب اخوي تسولف مع الرجال العامل وساعه معانا قال أخلصي علينا =)) والله حومه كبد :( .
لماذا الأزرار في الملابس النسائية عكس الملابس الرجالية؟
. .الناس اللي تزعل لما تكلمني وأنا التفت وأضحك وتقول شاركيني بالحش ياخي أنا عقلي يحش وكل ما أصد يحش بشي ثاني تبين أزيد نفسي ذنوب يعني ؟! ويمكن يحش فيك =))
. .أتركي اللايكات والفلو مامنهم فايدة اليوم رحت جرير بشتري كتب الجامعة كل كتاب ب200 وبالجامعة هم كلهم اربع كتب ب 125 قلت مو لازم اشتري بالطقاق ولا أشتري ب800 كتب أنا 125 ومعورني قلبي عليهم =))
. .ودي أشوف جو الجامعة كذا بدوني وأحد فقدني ولا نفس الحال الزبدة صافي ترسل بالجوال تهاوش علي عادي ياخي اصبري خمس ساعات واذا رجعتي البيت برد عليك أهم شي ما أشغلك عن محاضرة الماث :)