Space ❤
صاحبك اللي من كام سنة كان بيقولك إنه مستحيل يشتغل الشغلانة المعينة دي، ودلوقتي لقيته شغال فيها بالفعل.. زميلتك اللي ياما اتريقت قدامك ومعاكي على البنات اللي بيقبلوا بطريقة معينة في الجواز، ولقتيها اتجوزت بنفس الطريقة بعد كام سنة.. وكل واحد سمعته بينظّر بكلام معين، ودلوقتي بيعمل عكسه، مهماش أقل منك في شيء، ولا ربنا فضّلك عنهم أو اصطفاك مثلا؛ كل الفكرة إن القدر اختارهم إنه يمتحنهم فيما كانوا يظنوه مبادئ عندهم... امتحانات القدر وأسئلته صعبة جدا، وفي أوقات معينة بتكون قاسية لأقصى درجة.. أنت مش أحسن من غيرك؛ ف متخليش ستر ربنا ليك يغرك.. وكل ما تكبر، هتلاقي روحك بتتعود تركز في ورقتك أكتر.
