اتفضلي
+ 4 💬 messages
read all
اكتر اغنية بدندنها ف حياتي 😅😅
ف اروقة المعهد ! يعني انت ف المعهد ؟
+ 1 💬 message
read all
أعرفك يا أحمد !؟
ممكن تحدد المعلومات المهمة بقلم او ستيكي نوت ف الكتاب نفسه بدل ما تبذل المجهود والوقت دا كله ف نقل المعلومات لكشكول تاني، خصوصا إنه مش موضع دراسة وامتحان.. زي ما هترجع للكشكول لو محتاج تفتكر المعلومة، تقدر ترجع للكتاب وتسترجع المعلومة لو محددها بقلم ا ستيكي نوت زي ما قولتلك
وكده كده انت بتقرأ عشان مخك يعمل معالجة للمعلومات ويستفيد بيها، مش شرط انه يحفظ كل شيء داخله
+ 1 💬 message
read all
بصي انا فضلت كتير افكر قبل ماأرد عليكي.. وهقولك الل توصّلت ليه
أولًا اذا هو مش مالي عينك.. سبيه
قوية وسريعة صح 😁 !
أهم من الراجل شكله عامل ازاي/ جسمه/شخصيته/صوته .. كل دا، أهم منه.. يكون مالي عينك، فخلينا نخلص من نقطة نقطة
لو مش مالي عينك انتي شخصيا وعقليا وقلبا مقتنعة بيه سبيه.
طب بالنسبة بقى للأهل والناس؛ هي ليها علاقة بالنقطة الأولى.. لو انتي مقتنعة تماما بيه مش مهم كلام أي حد، كده كده أي حد هترتبطي بيه استني الناس هتطلعلك فيه عيوب؛ ف شكله/جسمه/شخصيته/شغله/اهله.. بس اهو يعكننوا عليكي وخلاص مدام دا اختيارك مش هما الل مختارينه ع ذوقهم.
وأنا مش هبقى مبسوطة لما الناس كلها عمالة تقول واو ايه الراجل الطول بعرض دا.. ولما بيتقفل علينا باب واحد بتظهر شخصيته الزبالة
بصي.. ف الدنيا دي كل ماهتمشي وتتعاملي.. هتعرفي إن مفيش أهم من حد يفهمك وتكوني معاه ع راحتك وكأنك مع نفسك
بصي مجبتش سيرة الحب اصلا
لأن صدقيني برضه التفاهم والألفة والراحة والانسجام كل دول اهم كتير اوي من اني أحب حد أو يحبني حد
فإذا لقيتي كل دا ف شخص، متخسريهوش
لما هيتقفل عليكم باب واحد والحياة الجد تبقى بينكم.. التفاهم والانسجام والراحة والحنية وكل الحاجات دي هي الل هتخلي البيت يعيش.. لا الحب ولا الجسم ولا الشكل.
وبعدين هو دلوقتي رفيع لانه بيشتغل كتير وأكله طياري وغير مستقر.. اديله ٦ شهور بعد الجواز هتلاقيه بقى ٤ ف بعض واعرف ناس كتييييير بجد كده.
فكري تاني وتالت ولو معندكيش القدرة تتحملي اي كلمة هتتقال عليه، يبقى هو لسه مش مالي عينك للدرجة الل تخليكي متاخديش بكلامهم.View more
تحياتي ليك أولًا وكويس إنك سألت السؤال دا لأنه في فترة ما كان السؤال دا عاملي أزمة نفسية كبيرة مش هيّنة لدرجة انه كان هيدخلني ف احباط
أنا ذاكرتي ضعيفة جدا، وبحس ان كل الل بقرأه بيتبخر، كم معلومات كبير جدًا، والمحصلة في الذاكرة ضعيفة جدًا
وكان بيزود احباطي أكتر إني كنت بتابع لقاءات مع كتّاب واشوفهم وهما بيستشهدوا باقتباسات او معلومات او حاجات قرأوها.. فاعرف ان انا الل عندي مشكلة كده.
رغم ان الثقافة شيء والذاكرة شيء آخر
يعني هل انا استفدت من كل ما قرأته ؟
طبعا.. شكّل ثقافتي وطريقة تفكيري ووعيي ونظرتي ووجهات نظري.. لكن الذاكرة هي الل كان فيها مشكلة
المهم بدأت اتناقش مع زمايلي ف المعهد، واني مستفيدة ثقافيا لكني محتاجة أيضًا اني احتفظ من ناحية الذاكرة ولو بجزء
فزميلتي فتحت كتاب في أحضان الكتب وطلعتلي منه مقال كتبها بلال فضل عن الحوار دا.. بتقرأ تقرأ تقرأ لكن الذاكرة بتخزن جزء ضئيل جدا
فاستشهد بمقال كتبها بورخس عن الحوار دا؛ بورخس يقال انه امتلك اكبر مكتبة شخصية ف التاريخ وانه قرأ عدد غير طبيعي م الكتب
فوجئت بقى ان بورخس نفسه عانى نفس المعاناة لأن لو احنا الناس العادية الل محصلة قراءتها مثلا ٥٠٠ كتاب، فلما نشوف نقاشات لبورخس اووف نقول ازاي ذاكرته قوية كده وفاكر كل دا وبيستشهد بكل دا
ودا عشان انت بتقارنه بذاكرتك الضعيفة الل يدوب قرأت ٥٠٠ كتاب !
لكن تخيل بقى لو بورخس قرأ مثلا مثلا يعني ٥٠٠٠ كتاب !
ساعتها هتحس ان محصلته ف الذاكرة ضعيفة جدا مقارنة بال ٥٠٠٠ الل قرأهم
ايه دا قرأ ٥٠٠٠ بحالهم وهما دول شوية المعلومات الل بيستشهد بيهم !
فهمتني ؟
المقال كمان كان فيه ان ميغركش لقاءات الناس لان هو بيبقى مرتبلها قبلها ومستحضر من ذاكرته كتب معينة وعلوم معرفية معين هيستشهد بيها
الالطف كمان انه اتكلم ف نقطة مهمة جدا، قال انه كان ساعات يقرأ الكتاب مرتين وميفتكرش انه قراه قبل كده غير لما يلاقي ان فيه خطوط تحت كلمات او كاتب ملحوظة ف هامش الصفحة، وانه ساعات يكون قرأ لكاتب اكتر من كتاب ويعدي قدامه اسم الكاتب يقول معرفوش
وحاجات كتيرة من هذا القبيل
فالأمر طبيعي وبدأت اتقبّله لما اقتنعت ان الكل كده وكل ما محصلتك ف القراءة هتزيد هتحس ان ذاكرتك اضعف ومع ذلك الل قدامك هيشوفك ذو ذاكرة جهنمية لان هو بيقيس ع نفسه، لكن انت بتقيس ع نفسك
اتمنى تكون اجابتي ساعدتك شويةView more
+ 2 💬 messages
read all
يمكن عشان كنت مضغوطة جدا ومحبتش بصراحة حاجة تضغطني زيادة، ولا ردودي يتخللها شيء م الضغط الل فيا فتكون ردودي غلط.. شكرا لكلامك وعموما انا هنا ف أي وقت لو حابب تبعت تحكي حتى من غير بريد الجمعة
وأنت بألف خير.. شكرًا ع الاغنية اللطيفة ❤🤍
خليه يجي يتعرّف ع مامتك ع الاقل، دخوله البيت خطوة إيجابية وبعدها تفكروا ف الخطوة الل بعدها - ظهوره ف الصورة عموما شيء ايجابي - بدل ماانتي عمالة تهاتي مع نفسك