تَهيمُ إلى نُعمٍ فلا الشَملُ جامعٌ ولا الحبلُ موصولٌ ولا القلبُ مُقصِرُ ولا قُربُ نُعمٍ إنْ دَنَتْ لَكَ نافعٌ ولا نَأيُها يُسلي ولا أنتَ تَصبِرُ- عمر بن أبي ربيعة
و لو أني رجوتُ اليومَ شيئاً رجوتُ اللهَ قربكَ من عيوني
Pic.."💚
نأسف لإعجاب بإجابة لم يكن مقصود حقا
لا عليك ، لا حاجة للأسف
اعمل ايه كنت هموت على كليه معينه والمجموع مجبهااش، جوايا قهر كبير اووى؟!
" .. و عسى أن تكرهوا شيئاً و هو خيرٌ لكم و عسى أن تحبوا شيئاً و هو شرٌ لكم و الله يعلم و أنتم لا تعلمون " الموضوع ده مهم فا الكلام هيطول شوية فكرتك عن أى حاجة زى الكلية مثلا قبل ما تجربها بتبقا بنسة ٩٠٪ مختلفة عن حقيقة الحاجة دى فا مش شرط افكارك و حبك للكلية دى معناه انها جميلة او هى الخير ليك ، بمعنى هل انت جربت تذاكر مواد الكلية دى قبل كده او هل جربت تعيش أجواءها و خصوصا إذا كانت كلية تقيلة و فيها ضغط كتير ؟ طب هل جربت تشتغل ف المجال بتاعها و تعيش ضغط الشغل بتاعه ؟ أكيد لا انت لسه ف ثانوى اللى عندك ده مجرد شوية خيالات جميلة و بريئة لكن ممكن يكون الواقع مش كده .. فايدة انك يبقا عندك كلية بتتمناها ف ثانوى هو انها دافع بيخليك تذاكر أكتر بس .. و بما ان طالب ثانوى معرفته الحقيقية عن كل الكليات تقريبا صفر فخلاص بقا ثق ف اختيار الله و اتبسط و افرح بيه هو ده اللى فيه الخير ، و حقيقي بالنسبالى انا كل اللى أعرفهم اللى ربنا كتبلهم يدخلو كلية تانى غير اللى كانو عاوزينها و سلمو لقضاء الله و رضيو بيه بلا استثناء مفيش حد فيهم مش مبسوط دلوقتى كلهم حبو مجالهم الجديد لما جربوه و عرفو عنه أكتر و فى منهم اتخرج و ما شاء الله عليهم يعنى ، محدش عارف الرزق و الخير فين ف خليك واثق فى الله و هتتبسط ، و ألف مبروك انك خلصت ثانوية على خير و عقبال التخرج ان شاء الله
مش متابع حد معين بس عموماً متابع الكام واحد من صحابى اللى عندهم أسك بس و اللى هم مش كتير
Space 💙
رغم ان عبمهيمن بتاع زمان كان ليه عيوب برضو ، بس أكيد مميزاته كانت أكتر من عبمهيمن بتاع دلوقتى ، كل ما بكبر بيوحشنى أكتر .. أتمنى يرجع
الاستقرار في مصر ولا السفر ؟
الاتنين ليهم عيوب و مميزات تستحق التفكير قبل ما الواحد ياخد قرار ، لإنى بشوف ناس كتير من مجرد موقف وحش شافوه بيقرر يسافر كأن برة جنة يعنى و مفيش مساوئ خالص فى الحياة عموما مش ف مجال الشغل بس بس بالنسبالى انا بحب أكون قريب من عيلتى بقدر الإمكان و مبحبش أبعد عنهم فترات طويلة .. أتمنى الظروف متضطرنيش اسافر ف يوم من الايام ، بس لو ملقتش نفسى هنا بالشكل اللى يرضينى ف ساعتها السفر هيبقا أُمنية و هسعى إنى اسافر بس ده ميمنعش ان بريق السفر اوقات بيزغلل عينيا بشكل كبير ببقا عاوز اقوم اسافر دلوقتى من جماله بس زى ما قولت فى الاول الموضوع بيحتاج تفكير ، و التفكير بيتغير فأنا اكيد تفكيرى دلوقتى غير تفكيرى كمان كام سنة لما أتعرض لمواقف اكتر و اتعرف على ناس اكتر مسافرة و ناس ف مصر أعرف تجاربهم و أبنى افكار اكتر عن السفر و عن مصر ساعتها هعرف اخد قرار بشكل واضح .