سؤال وبجد محتاجه إجابه..
هو إحنا ليه بنتغير مع الوقت، يعني ليه منفضلش زي أول مره اتكلمنا فيها، ليه منفضلش كويسين مع بعض زي الأول برضوا، ليه منفضلش ب اهتمامنا ببعض مثلا؟!!
أتمنى ألاقي إجابه تريح قلبي شويه ومُقنعه🤍
لو عرفتي قوليلي
علشان كل وقت وليه ظروفه وأحداثه وكل ما بنكبر بننضج ف طبيعى نتغير وطبيعى نظرتنا للأمور بتختلف
بس طول ما فى حب ومودة كل دا بيعدى وهو اللى بيفضل
عشان فى الاول بنتجتهد عشان نبين الاحسن فينا بنحاول بشتى الطرق نعجب اللى قدامنا لحد ما يحبك خلاص فتبتدى طاقتك تقل عشان بقى مضمون وتظهر الشخصيه على طبيعتها بمميزاتها وعيوبها وهنا يبتدى الحب الحقيقى يعنى فى شخص بيحاول يتقبل العيوب عشان بيحب والناحيه التانيه شخص بيحاول يغير عيوبه عشان بيحب هو ده الحب
ع حسب ظروف والمكان والنفوس والناس
لان سنة الحياة كلها مبنية علي التغيير .
والبدايات ديما حلوة لان الي وراها لسه غامض مش مكشوف ولما الناس بتبدا تتخطي المرحلة دى يااما بيتغيروا للاحسن ويتمسكوا بينا رغم عيوبنا يااما بيبعدوا .
والي بيبعد وبيتغير وانتي ربنا كشفلك دا يبقي دا خير ليكي .
لسقوط الاقنعه
الفكرة بتكون فيه اولويات تانية اهم وظروف الحياة
واللى مبيتغيرش لما بيكون الاهتمام متبادل غير كدا لا
مفيش اجابه..
البدايات حلوة
بتتغير علشان فيه مواقف كتير بتحصلنا وبنمر بتجارب بتعلمنا وبنتغير بسببها …مش هنفضل زي اول مرة اتكلمنا فيها مع حد علشان مع الوقت بتفقد فرحة البدايات وبنتعرف علي الشخصية اكتر ف بيبدأ التعامل يتغير علي حسب ردود فعل اللي قدامنا ومش هتفضل كويسين مع بعض علشان بنكتشف مع الوقت عيوب ف اللي قدامنا مكناش شايفنها ف الاول وطبيعه البشرية ان مفيش حاجة هتفضل علي حالها ولا طول الوقت فرح ومتصالحين ولا طول الوقت متخانقين ..الاهتمام هيقل ل ضمان وجود الشخص طول الوقت ف خلاص ههتم ليه ب حاجة ضامنها