احكيلي عنها .. ليه ؟ هتدايقي .. عايزة أعرف - عايزة العلاقه دي تستمر ؟ متبقيش عامله زي اللي حضن الوردة في أيده من حبه فيها ، ف اتعور من شوكها .. بس أنا عايزة اعر... - أنا عارف .. عارف عايزة إيه .. عايزة تعرفي إذا كنت بحب الشعر الطويل عشان شعرها طويل برده ولا لأ ، والكافيه اللي دايما مبقعدش علي غيره عشان متعودين نكون هناك ولا لأ . والسلسله اللي في رقبتي منها ولا هدية من امي زي م انتي بتقنعي نفسك .. عايزة تشوفي ف عيني اما احكي عنها هتلمع لهفه ولا هتكون مطفيه، عايزة تعرفي تقربي أكتر دلوقتي ولا تستني شويه.. اقولك حاجه ؟ متستنيش.. هي مشيت من دماغي، مشيت بعد ماخدت كل طاقتي من اهتمام وحب وتضحيه .. كنت اعمل كل حاجه مقابل اني ارضيها اصالحها حتي لو مش غلطانه اعديلها اخطائها اسمع كلامها وغيره كتير مع اني ف الحقيقه عكس كل الصفات دي .. انا جيت علي ناس مقابل انها تفضل وكنت متيقن انها هتفضل بس مكانتش قد الوعود ولا قدرت للي عملته كاني عابر سبيل عادي .. شايفه اني بتدمر ومكسور وفاكره انه تمثيل .. ماهي اتعودت بقا اني مبينلهاش اني زعلان منها واني اقوي من اي حاجه .. بس كنت كده عشان الضربه مكانتش منها كانت من ناس مبقوش مهمين كانت هي كل حياتي تقريبا كنت بحط احلامي وهي فيها هتحققها معايا كانت اقوي حافز ليا اني انجح في اي حاجه اعملها .. مكنتش عارفه ان الضربه لما تيجي منها مش هستحمل وهضعف مكنتش بتحبني زي ما حبيتها اقولك حاجه كمان؟ انتي احسن منها بكتير، بس برضه متقربيش.. عشان مش هعرف احبك قد ما حبيتها.. وانا مش هعرف احب تاني خلاص طاقتي استنفذت في العلاقه للي اختارتها غلط .. او تقدري تقولي مبقاش عندي الشغف اني اخوض تجربه تاني بنفس العواقب للي ممكن تكون زي للي حصلت
أنا أعمق من تلك الصوره التي في مخيلتك لي .. اكثر قوة من هذا الذي تراه يكتب حزناً .. أشد لا مبالاه من هذا الذي يعاني من القلق والخوف دائماً .. وأكثرهم انسحاب في حين أنك تظن بأني لن أتجاوزك .. انا شخص آخر لم تتمكن الايام من شرحي لك ولن تستوعبني ظنونك أبدآ