عارفين ليه معظمنا مكتئب ومزاجه مش في محله؟ عشان إحنا للأسف مرخصين زعلنا وماشيين نزعل من اللي يسوى واللي ما يسواش، بقى أي حد قادر إنه يتحكم في مزاجنا وبكلمة أو بموقف من أي حد يومنا بيتقلب ونفسيتنا بتتقفل، إحنا المفروض زعلنا يبقى غالي وما نزعلش من أي حاجة ولا من أي حد، إحنا زعلنا شرف للي قدامنا فلما نزعل من حد يبقى الحد دا يستاهل؛ ما تخليش سلامك النفسي عُرضة لأي حد يتحكم فيه، فوق كدا واعرف مين يتزعل منه ويستحق إنك تشغل بالك بيه ومين تعتبره شفاف ونكره مالوش أي فايدة.
في نهاية كل يوم ومهما كانت كمية الضغوط اللي شوفتها خلاله؛ ياريت تبص بصة على النعم اللي كانت خلاله برضه.. نعمة إن أنا تمام.. صحتي كويسة.. اللي بحبهم بخير.. فيه على الأقل شخص واحد أنا أولوية عنده.. لسه قادر أضحك، أحلم، اتجاوز، وقادر أشكر ربنا على ملايين النعم اللي محاوطاني.. كفة ملايين النعم هي اللي هتطب دايماً مهما كان حجم الضغوطات.. ألف حمد وشكر ليك يارب رغم إننا أوقات مانستحقش كرمك ده وساعات مش بنشوفه؛ بس الحمدلله وألف شكر.
أتمنى أن تأخذنا الدنيا جميعًا إلى الأماكن التي نُحب.. بطريقةٍ تليق بهذا العمر من الإنتظار ، أن تنتهي خطواتنا بنهاياتٍ تستحق، نستريح فيها للأبد من السير وألّا يتعثّر أحدٌ إلا في المسرّات وأن يكون ما مضى من الحُزن كافٍ لئلا يُعاد ثانيةً
محدش يعاتب أو يحرق دمه في ثوابت.. الغلاوة محدش بيشتريها.. تقديرك مش هتقدر تجبر حد عليه.. الصح معروف.. الغلط غلط.. اللي إتربى إتربى من زمان.. الأصول محدش بيكتسبها.. غير كده جدل وتضييع وقت.. إحنا مش هنعالج الناس ولا هما هيخفوا.