معك ما بين الـ10 وال30.. اختر رقم.. والرقم اللي رح تختارو رح احطلك لايكات ع نفس الانسر بهذاك العدد ? وانتا هات نص العدد مصاري ?

January 28, 2017

بدك مصاري ??؟!
يزم الحساب كلو مش جايب همو ..
لسا أشتريلي بيتزا و أغذي حالي احسن ما ادفع مصاري عشان لايكات ..
روح يعمي الرزق عالله ..
و الله جبار الخواطر ?

Liked by: nick_gibboni1 kingdynamite Kevin Miller eunae Choi JaspaStritt A7MAD kemoTO Deema Nassar ⚓ Majd Sadeq قسوة رَجل !*

ليش يعني بتحب اللايكات ؟ :p كم لايك بدك عشان ترضى ?

January 28, 2017

اللايكات هالأيام زي المصاري ?
اللى بدو يعمل خير بيسألش ..?

Liked by: A7MAD Deema Nassar ⚓ Majd Sadeq قسوة رَجل !* Razan➰ يوسفْ و ورد مغلق Amal ❤ Naseem^^ s7s

حشيش افغاني يزم ???? http://ask.fm/Ahmad12197/answers/140431159674

January 28, 2017

?????
يزم اسكت والله قاعد بفكر أبطل أكتب ..
يزم بيجي باليوم أكتر من 10 متابعين بدون و لا لايك ..
مش هيك يزم ?

Liked by: Deema Nassar ⚓ Majd Sadeq قسوة رَجل !* Razan➰ يوسفْ و ورد مغلق Amal ❤ Naseem^^ Esraa Fared Wafa Esleem

يوسف و ورد جمعتكو مباركة

مغلق

January 27, 2017

هادا يا جماعة الصراحة مش قادر أعيش بدون سعيد ? هوا دراعي اليمين بقدرش أستغني عنو ..
فقلت لازم أروح أصالحو . .
المهم نزلت عالشارع لقيتو قاعد لحالو كئيب ..
فأدركت أنه لا يستطيع العيش بدوني ..?
فرحت قعدت جنبو .. إتطلع فيا كأني ساندوش شاورما ?
المهم قعدت نص ساعة أصالح فيه و عالفاضي ..
فجأه مرت بنت إحنا مسمينها بالحارة جعفر ..
كل المنطقة بتخاف منها ..
المهم قلي شايف جعفر.؟
روح قلها سماقية ..
هادي أكتر كلمة بتكرها كنا نقلها إياها و هيا صغيرة بس هلقيت مين الراجل اللى يقلها اياها ???..
فبما إني بحب المغامرات فقلت يلا منو بنجرب و منو بكتب قصة جديدة ?
المصيبة مش هان .. المصيبة انو قلي بس بشرط تقف قدامها 5 ثواني ..
هان حسيت إني راح أفقد أعضاء وجهي و راح يصير زي شوكلاتة بابلي ?
المهم قرأت الفاتحة و نطقت الشهادتين و رحت و ياريتني ما رحت .. لسا ما خلصت أقول الكلمة ..
فجأة شفت الدنيا بيييضة و كان في عصافير حلوين ..
فتحت عنيا على صوت ضحكة سعيد ..
شلحت البوت و لحقتو ..
ينعن أبوك عأبو اللى بدو يصالحك ..تعا يبن الكلب ..
الصراحة ياجماعة قعدت أتذكر ايش صار معي بس عالفاضي .. يمكن عشان ما كنت مفطر كويس ?
العبرة يا جماعة انو قبل ما تدخلو مغامرات زي هيك خدو بعين الإعتبار إنو بنات هالأيام صارو يلعبو حديد ?
ينعن أبوك ي سعيد?
#يوسف.

Liked by: Deema Nassar ⚓ قسوة رَجل !* Lolo Mohammed Razan➰ Amal ❤ Heba M Alfawwaz Majd Sadeq Wafa Esleem Rawan"جورية ايلول" B A L S AM

مسيكم ✌️✌️ مساحة ✌️✌️

January 23, 2017

هادا يا جماعة امبارح واحد بيعتلي بيقولي حطلي 30لايك بردهم ..
فتحت صفحتو لقيتها حلوة و بيستاهل ال 30 لايك ..
فحطتلو إياهم و بعتلو تم ..
الصراحة إندبحت فيهم بس قلت يلا بنعمل خير و الرزق عالله ..
هلقيت أنا بستنى يردهم ..
10دقايق .. 20 .. ساعة .. عالفاضي ما ردهم ..
أنا يوسف على سن و رمح ينضحك عليا ..
ما عاش ..
رحت رفعت كل اللايكات و الفلو و شوية كنت راح أعملو بلوك بس قلبي الرقيق قلي لا ?
المهم اليوم لقيتو راددهم كلهم مع فلو و رسالة شكر ..
الصراحة أنبني ضميري ظلمتو للزلمة ..
بس حسبتها قلت أوووف بدي أرجع أعملو 30 لايك والله تعب ..
فقلت يلا بدعيلو دعوة خير أحسن من اللايكات ..
بس قاعد ببحث على حسابو مش لاقيه ..
معقول الدعوة جابت أجلو ..
عكلا مكتوبلو يموت على إيدي يلا نصيبو ..
اللى بدو أدعيلو يتواصل معي خاص ..
و الله يقدرني على فعل الخير ..
#يوسف.

Liked by: Deema Nassar ⚓ Lolo Mohammed Razan➰ Amal ❤ Naseem^^ Rawan"جورية ايلول" ولاء ... Majd Sadeq مغلق قسوة رَجل !*

شَيئاً مَآ .. ~ ?

January 21, 2017

هادا يا جماعة مرة كنت بدي أطلع مع صحابي . .
فقلت لازم أغير و ألبس حاجة جديدة ..
دورت في الخزانة لقيت بنطلون جينز جديد ما لبستو غير تلات أو أربع سنين بس ..
المهم طعجتو من تحت و إلبست بوت أختي الأبيض وجربان أخويا الصغير .. غير هيك دقني كانت حشيش بس قلت يلا موضة ..
المهم أنا قلت والله غير يفضحوني .. انو يع إيش هادا ..
المهم أنا نازل و خايف أمشي بالشارع حتى اني فكرت أرجع .. فقلت خليني أشوف رأي الناس ..
أول ما نزلت لأنا لقيت سعيد ..
-أوخ أوخ أوخ .. ايش هادا ولا ..
-??
-والله شكلو لاعب معاك الزهر ..
-أه والله .. يلا عقبال عندك ? .. و رحت .

المهم وصلت عند صحابي إنصدمو ..
اللى بدو ياخد معي صورة .. و اللى بدو يصور صورة لرجلينا بدو يحطها غلاف .. و اللى بيسألني من وين البنطلون ..
و انا أنفخ حالي و أقولو هادا ماركة تقيل عليك ??
كل هادا عشان طعجت البنطلون من تحت ??
المصيبة انو البنطلون قديم و إلبستو إلف مرة قدامهم ..

الصراحة يا جماعة أحلا حاجة في موضة هالأيام إنك ممكن تلبس بنطلون أخوك الصغير ، قميص أبوك أبو ورد اللى كنت تتمسخر عليه زمان ، جربان أخوك اللى بيرضع ، بوت أختك أو بكلة شعرها تحطها بإيدك ، حتى ممكن تحط لانسز عادي كلو صار موضة ?
العبرة يا جماعة إنو كبيرها سنتين تلاتة و حنكون لابسين فساتين .. و كلو بإسم الموضة ?

الله غالب و أشوفكو بعد الفاصل ?
#يوسف.

Liked by: Deema Nassar ⚓ Lolo Mohammed Razan➰ Amal ❤ Naseem^^ Rawan"جورية ايلول" ولاء ... Majd Sadeq Dode❤ B A L S AM

مســـآحة'ة❤

January 19, 2017

هادا يا جماعة اليوم الحج كان معصب عالأخر فقررنا يعاقب كل العيلة ..
ف راح أخد الراوتر ???
لسا لو ضربنا و الله أهون ??
الصراحة يا جماعة هالعقاب صعب جدا جدا أصعب ما بتتخيلو ? طبعا مش محتاج أشرحلكو عن خطورة الموقف ??
فبسرعة .. عقدنا إجتماع على مستوى القاعدة ?
و بعد تباحث المشكلة تذكرنا أنو الحج إجى عبالو شاورما إمبارح ..
فقلنا إحنا لازم نعمل مفاجأة جميلة ل بابانا الأمور .. (يختي ) ?
فأخرجنا الملايين المكدسة تحت البلاطات
و أحصيناها ..
و هنا كانت الصدمة ?
خمس شباب طول و عرض ما معهم غير 100 شيكل ..
بس ثانكس يا دنيا ..
المهم شرينا شاورما ..
و قررنا ندخل الغرفة مع بعض يعني مفاجأة و هيكا ..
و لسا دوبنا بنفتح الباب و بنقلو يابا جبنالك شاورما ..
و إذا بزجاجة الماء تطير بإتجاهنا بوووووووووووم..
كادت أن تكون إبادة جماعية ??
المهم ياجماعة إكسبنا جمعتنا الحلوة و أكلنا شاوغما و إنبسطنا ..
و نمنا بدون نت ???
و كما قال الأخ ناصر اللحام ..
رضا الله و رضا الوالدين ..
#يوسف.

Liked by: Deema Nassar ⚓ Lolo Mohammed Rawan"جورية ايلول" Majd Sadeq Dode❤ B A L S AM الدّود Naseem^^ قسوة رَجل !*

احگي شوية عن طفولتگ ?

|| ۈسيَمـ ||

January 17, 2017

هادا يا جماعة وأنا صغير كنت أحب بنت جيرانا ..
كنت دايما أحب أروح ع دارهم عشان ألعب معها بس كنت أعمل حالي جاي ألعب مع أخوها ..
لأنو إخوتي كانو دايما يفضحوني و يقولولي
أبو البنات ??
المهم كانت حالتهم مش كويسة كتير يعني وضعهم المادي تحت الصفر ..
فكنت أدخل عالمطبخ لما امي تنام و أملي صحن طبيخ و أخود خبز و أشرد على سطح دارهم و ناكل مع بعض انا و اياها وأخوها ..
المهم يا جماعة مره و إحنا بنلعب وقعت و إنخبطت ب راسي ف صرت أعيط..
ف مهانش عليها أعيط ..
راحت بايساني أه أه يعني قبلتني ..
و موتوا بغيظكم ???
حسيت كأنها أعطتني دوا .. حتى إنو لهلقيت طعم البوسة براسي ?
وين أيام زمان ?
هلقيت الواحد صار يطلع من غرفة العمليات ولا حد بيتطلع بوجهو ?
الجفاف ملى البلد ي جماعة ?
و الله الواحد نفسو يرجع طفل .. بس بالعقل هادا ??
بس ثانكس يا دنيا ..
#يوسف

Liked by: Deema Nassar ⚓ Rawan"جورية ايلول" Majd Sadeq Dode❤ B A L S AM Omar hossam ToKka Amal ❤

??_

Huda

January 16, 2017

صباح الخير للفاشلين ..
صباح الخير للخاسرين ..
صباح الخير للراسبين ..
صباح الخير للكسولين ..
صباح الخير للمملين ..
صباح الخير للمزعجين ..
صباح الخير لعشاق النوم ..
صباح الخير للنائم الذي يريد تحقيق حلمه دون عمل ..
صباح الخير للذين يعيشون بدون هدف ..

صباح الخير للذين لم يفعلو شيئا ليكونو سعداء..
صباح الخير للذين هم عاله على المجتمع ..
صباح الخير للذين لم يحققو إي نجاح يذكر ..
صباح الخير للذين يضحكون بعد فشلهم ..
صباح الخير للعاطلين عن العمل ..
صباح الخير للذين لا يفعلون شيء سوى الأكل والنوم . .

فبإسمي و بإسم كل الفاشلين أقول لكم
** (صباح الخير ) **

حاجة من حاجاتي الحلوة بالفصحى ??

قلت الناجحين كل الناس بتمدح فيهم ..
و إحنا ولا حد مقدر تعبنا ..
ولا حتى التعب اللى بنتعبو و إحنا بنفشل ..
والله الموفق و المستعان ..
#يوسف .

Liked by: Deema Nassar ⚓ Majd Sadeq Dode❤ Mona N Omar hossam ToKka Amal ❤ نون آيـات||♪♥ ησѕтαℓgια( المستر )

حلقت ولا لسا ??

January 16, 2017

إحكيلك كلمة خير يشيخ ?
يعني نفسك تشوف صلعتي و لا إيش ??
عارف ..؟
الشعر الكبير مش حلو .. زي البنات يع ?
أما الصلعه بتبينك راجل و إلك هيبة ..?
و بعدين الصلعة من علامات جمال الرجل ..?

ع كلا إمهلني أكم يوم و برد عسؤالك .. ?
شمتان أه ?
بس ثانكس ي دنيا ?
#يوثف ???

Liked by: Deema Nassar ⚓ Majd Sadeq Dode❤ ToKka Amal ❤ Serah Atiyyat آيـات||♪♥ ησѕтαℓgια( المستر ) ⓝⓞⓤⓡⓐ | نورا Naseem^^

_

مغلق

January 15, 2017

هادا يا جماعة الحج طلع زلمة طيب ..
هادا من يوم م قلي إحلق شعرك و أنا ما بطلع من الغرفة إلا للحمام و الأكل .. ف إلو يومين مش شايفني ..
قبل شوية بيقولي إيش يا يوسف ما إشتاقتلي والله أنا إشتاقتلك ..?? ( ي حنانك يحج ?)
المهم قلي روح إشتريلنا بيتزا عشان ترفع هالغيمة اللى عوجهك ?
(يضنايا يابا قلبك عليا..؟ ? أبي أبكي ?)
المهم رحت شريت و اجيت ..
قعدنا مع بعض و أكلنا و شربنا النبيذ و إنبسطنا وهيكا ..
بالأخر لهو الحج بيقولي والله يابا شعرك مش عاجبني .. يلا بكره بتروح بتحلقو ? ..
هادا يا جماعة إكتشفت إنو الحج كان جاي عبالو بيتزا ? حتى الحج صاير مصلحنجي ?
العبرة يا جماعة كما قال أحمد حلمي..
إذا بدك إشي من حد قلو ي سيدي ?
الظاهر إنو الحج بدأ يتعلم خبث هالجيل ?
الحج ضحك عليا ?
والله ما خلاني أفتح هالحساب غير هالقصص الأسطورية اللى بتصير معي ..
بس ثانكس يا دنيا ?

#يوسف العميق .. عاد إليكم من جديد ?

Liked by: Deema Nassar ⚓ Majd Sadeq B A L S AM ToKka Amal ❤ نون ησѕтαℓgια( المستر ) ⓝⓞⓤⓡⓐ | نورا Naseem^^ Ed⚛

يسعد مساكم ✌️✌️ مساحة ✌️✌️

January 13, 2017

هادا يا جماعة الجح عاملي طوشة علشان شعري ..
غالبا إنتو هلقيت أخدتو فكرة إنو شعري شبه شعر توم كروز بس هوا الصراحة (توم المشوخي )? ..

الصراحة يا جماعة إحنا عنا مشكلة بالعيلة إنو أي حد بفهم ولا بفهمش بيشوف حاجة فيك ملفته لازم ينتقدها حلوة ولا مش حلوة منيحة ولا عاطلة ..

فقلت خلص بدي أشوف إيش بنتقدوني و أصلح بحالى ..
المهم كنت وانا صغير أمشط شعرى عجنب كانو يضحكو عليا و يقولولي زي الأول عالصف ..
رحت غيرتها و رفعت شعري صارو يقولو زي الداشر رافع شعروا ..
رحت حلقت عالصفر صارو يقولو الله يخزيك بهالحلقة ..
رحت كبرت شعري من فوق هان ولعت صاروا يقولو هذا كفر و فجور و حلقة قزعة و جهنم و بئس المصير ..
و قبل شوية كنت ماشي بالشارع لهو واحد بينادي عليا (يا شيخ) .. ??

و بعدين مع إم هالعيلة ..؟!

المهم يا جماعة الجح أعطاني مهلة يومين أحلق شعري ..
حاسس إنو ربنا بيحاسبني ع اللى عملتو بسعيد الغلبان ?
والله الصراحة الحج فش معو مزح .. يا مقتول يا مقتول ??
ف اعملو هاشتاق شعر يوسف .. و تضامنو مع أخوكو الغلبان ..

عكلا للإحتياط .. للقيام بواجب العزاء أرسل رسالة نصيه مبدوأه ب (شعر يوسف )مرفقة بصورة شعرك على واتس الحج ..
تابعوني يمكن أعمل بث مباشر من مكان العزاء ?
و الله الموفق والمستعان ..
#الشهيد الحي بإذن الله يوسف . ?

Liked by: Deema Nassar ⚓ B A L S AM ToKka Amal ❤ نون ησѕтαℓgια( المستر ) ⓝⓞⓤⓡⓐ | نورا Naseem^^ AnnaBellaDima قسوة رَجل !*

اسعد نفسك بنفسك ما استنى لشئ من حدا صدقني?

January 12, 2017

هادا يا جماعة السنة الفاتت اجا عبالي أعمل حفلة و هيكا ..
رحت عمطعم و قلتلو اليوم عالساعة 8 بالليل في عيد ميلاد فجهز الكيكة و زبط الوضع ..
قلي شو أكتب عليها .
قلتلو هبي بيرث دي يوسف ..
قلي ايمتا بدك نقدم الكيكة لما يجي يوسف و لا بعد بشوية ..
قلتلو أنا يوسف و العيد ميلاد إلي يعني فش حد معي في مشكلة ..؟
قالي لا ابدا ..
رحت لقيتهم عامليلي مفاجأه عيد ميلاد ..
وطفو الضواي و جاب الكيكة
ف انا انصدمت و حطيت ايدي ع تمي واو ..
و اكلت و انبسطت و لحالي ..
الوحدة حلوة يا جماعة ..
#يوسف.

Liked by: Deema Nassar ⚓ Amal Fouad||أمل B A L S AM ToKka Amal ❤ نون ησѕтαℓgια( المستر ) ⓝⓞⓤⓡⓐ | نورا Naseem^^ AnnaBellaDima

_

Nehad Alaa

January 11, 2017

هادا يا جماعة اليوم عيد ميلادي ?
ف كل عام و أنا بخير .. ?
و من الجميل أنني ولدت ?
الحفلة إن شاء الله هان ? كلكو معزومين حتى الأصنام ?
و بالنسبة للهدايا بديش أتقل عليكو بس ..
جاي عبالي أيفون 7 ..
و بيتزا بالنقانق و بس..
بمزح هه بكفي كل عام وإنت بخير و حكون سعيد ??
عارف هادا أسعد يوم بحياتكو ?
يلا إستمتعو فيه ..
Have a nice day ?
والله الموفق و المستعان ☺
#يوسف .

Liked by: Deema Nassar ⚓ ToKka Amal ❤ ησѕтαℓgια( المستر ) ⓝⓞⓤⓡⓐ | نورا هيآ Dr. Joe مغلق. رِناد سمية اشرف

ههههههه صفحتك فخمة ? احكي ?

آيـات||♪♥

January 11, 2017

هادا يا جماعة بما إني إنشهرت و صارو خمسة ستة يعرفوني فأنا قرر أدعوا إلى الفساد .. ?
بس أنا مش راح أعمل حاجة عادية لازم أفسدكو بحاجة جديدة ..
يعني مش راح أقلد أخوكو عادل بأغنية البنطلون ..
ولا أختكو فيفي عبدو و أهزهز الشغلات هديك ?
ولا عمو خليل الكوميدي تن تررارن تن تن ..
ولا هداك تاع هاااشتاااق .. الأهبل إبن الهبلة حتى والله منا عارف أقول هداك ولا هديك ?
لا لا ..
أنا راح أفسدكو بطريقة حديثة ه ه ه ه ه
أنا سمعت يا جماعة إنو الكل هالأيام صار يعمل روجيم ..???
في إحصائية أنا عملتها أثبتت إنو ..
الروجيم من أكتر الشغلات المسببة للإحباط و الإكتئاب ..
طب إحنا ليش نكتئب و نحبط عشان شوية كرش ..
الدنيا فانية يا جماعة و كرشك مش راح يتحنط ..

كلو و إنبسطو .. الأكل هوا الحاجة الوحيدة اللى بنستمتع فيها ..
و بالنهاية الراجل بدون كرش ما يسواش قرش ..

والله الموفق و المستعان ..?
#يوسف.

Liked by: Deema Nassar ⚓ B A L S AM ToKka Amal ❤ ησѕтαℓgια( المستر ) ⓝⓞⓤⓡⓐ | نورا Aya W. A AnnaBellaDima هيآ أنس فرسوني ⁦️⁩♡

قصةة ~

مغلق

January 11, 2017

هادا يا جماعة إحنا خمس إخوة شباب و بنت ..
الصراحة إحنا أكتر ناس بنتقاتل مع بعض ..
ب نتفنن بإستفزاز بعض ..
مثلا حمزة زهقان النت فاصل و الكهرب قاطعة و الوضع ممل فعشان يعمل جو من المتعة بيروح بيخلع عبدالرحمن كف ..
بدكو عبدالرحمن يسكتلو ؟
لا يحبيبي هادي مش عنا .. فبيهجم عليه بطبشو بكسات كراسي طاولات مخدات كل إشي متاح .. ف محمد قاعد منطرب و بيسمع لكاظم الساهر فكيف يعكرو مزاجو فبقوم بيضربهم هما الاتنين .. ف الإتنين بيتكاتفو و بيصيرو صحاب و بيهجمو عليه فبيشرد عالغرفة بيضلهم يستنوه بالعصاية على باب الغرفة لحد ما تيجي إمي تفزع ..
الصراحة يا جماعة أنا متأكد إنو ربنا راح يدخل إمي الجنة بس بصبرها علينا هههه .
المهم هادي الطريقة القديمة بالقتال .. لأنو الصراحة إتدمرت الدار إعملناها خرابة ههه..
فالحج قرر يغير الدار فعمل دار جديدة و حلف يمين إن بنكسر إشي غير .... تيييييت ..
الصراحة يا جماعة الحج عندو نظرة بتخليك تحس حالك فرشوحة شاورما ?
المهم من الطرق الحديثة اللى إستخدمناهما بالقتال هيا المسبات .. بس بطريقة لزيزة ..
هلقيت أنا إلى صحاب إسمو زي إسم الحج( أيمن) الصراحة أجمل صدف الحياة .. ف مثلا بتقاتل أنا مع حمزة ..
- والله الحق على أيمن ما رباك منيح ..
- هييييي بتغلط على أيمن ؟بس يجي والله غير أخليه يربيك من أول و جديد ..
بيجي عبدالله بيقولنا
-بتتمسخروا على أبوكو يولاد الكلب ههه ..
أنا :لا يحبيبي أنا قصدي عن صاحبي أيمن ..
حمزة : مش قصدي عن أبوك هوا فش غيروا إسمو أيمن ..
و هكذا ..
إخواتي لزيزين ?
عائلتي الجميلة ?
#يوسف.

Liked by: B A L S AM Amal ❤ ησѕтαℓgια( المستر ) ⓝⓞⓤⓡⓐ | نورا AnnaBellaDima هيآ islam akleek أنس فرسوني ⁦️⁩♡ Hala | (da 1 N only) Jumanbayari

مسآحة ?

January 10, 2017

هادا يا جماعة سعيد قاعد بيقدم إمتحانات ف إلو فترة مش حالق شعرو و دقنو و حالتو منيلة ..?
المهم يا جماعة وقف عالمرايا حس إنو شبه أحلام فقال لازم أحلق بنفعش هيك ..
المهم اجا بيقولي بيدي أروح أحلق بس عليا بكرة إمتحان و فش وقت ..
وقتها يا جماعة حسيت حالي شرير .. ف هادي فرصة من الفرص اللى بعشقها ?
-لأنا قلتلو أنا بحلقلك ..
-بتعرف تحلق ؟
-أه يزم بتشوفنيش دايما حالق و مرتب .. بتفكرني أهبل أضيع مصاريا عالحلاق ..
-صح كلامك يخويا .. الواحد لازم يوفر شوية ..
-أه يخو خبي قرشك الابيض ليومك الأسود ..
( حاسس حالي شيطان ههه)
-استنى أروح أجيب العدة راح أزبطك ..?
عاد إحنا الشباب أحيانا الحلاق بيحطلنا ( حمام زيت) زي الكريم بيغذي الشعر ..
رحت جبت كريم مزيل الشعر هههه حطيتو في علبة تانية و حطتلو اياه عشعروا قلتلو خليه عشعرك عبال ما أجيب العدة ..
-وك ريحتو غريبة يا يوسف مش زي هادا اللى بيحطلنا اياه الحلاق ..
-أه مهو هادا نوع جديد أفخم من اللى عند الحلاق بكتير ???
و جرررااااي شردت عالدار و إلي إسبوع م طلعت منها ..
إمبارح إتطلع من الشباك لقيتو حاطط طاقية ههههه .
بحكي لأخويا ..
-إيش مال سعيد حاطط طاقية مع إنو أكتر واحد بيكرة الطواقي ..
-إنت مش عارف وك حلق عالصفر بالشفرة ..
-له يزم ليش الأهبل عمل هيك ههه؟
-قال تغير و هيكا .
هههههه كبرياؤه ما سمحلو هههه
حركة ندلة عارف .. بس ما بتيجي حاجة قدام البلاوي اللى عملها فيا هههه ..
الله يتوب علينا ..
و يا رب قدرنا على فعل الخير ??
#يوسف .

Liked by: B A L S AM Amal ❤ ησѕтαℓgια( المستر ) ⓝⓞⓤⓡⓐ | نورا AnnaBellaDima أنس فرسوني ⁦️⁩♡ Hala | (da 1 N only) قسوة رَجل !* Razan➰ H_A

لك ... تكلم/ي سأقرأ بحب ♥

January 09, 2017

هادا يا جماعة إلي أخت صغيرة وحيدة ..
فمرة قالتلي تعال معي بدها تستلم شهادة نهاية السنه .. الصراحة يا جماعة لما كنت بأولى ثانوي كان حلمي أدخل مدرسة بنات ? مش عارف ليش .. يعني بس حاجة غريبة بتحس حالك مميز .. أه كنت أحب التميز الله يسامحني ? .. المهم أصرت إني أروح .. فقلتلها خلص يلا .. ?

الصراحة يا جماعة طول الطريق وأنا بفكر كيف بدي أدخل المدرسة لأنو مدرستها فيها إعداداية و المدرسة اللى جنبها ثانوية .. وأنا إنسان ضعيف يا جماعة الواحد يعترف يعني و الشيطان حاولت أخليه بالدار بس ابن .. مرضيش ?
المهم دخلت المدرسة و ياااالهههههوووي علي وجهي إيش صار في .. بندورة بندوووورة و أنا كنت من النوع اللى مجرد ما يحكي مع بنت وجهي يصير احمر و أصير أتأتأ ..
غير هيك الكل بيتطلع فيا مش عالحلو ولا مش حلو هما بيتطلعو عالحاجة الغريبة انو كيف شب بين كل هالجيوش المززية ?
فقلت الوضع بنفعش هيك يا جماعة .. وقفت عجنب و مسحت وجهى وزبطت وضعي و نفخت حالي مع مشية مراد علمدار صار الكل يفتحلي الطريق ..
أه يعمي أنا حاجة مش قليلة ..?
المهم يومها جابت الأولى عالصف فقالتلي إنت وجهك حلو عليا تعال معي كل سنة .. فأنا فرحت ياجماعة
و قلتلها يوم شهاداتك بدي أصلي الفجر و أضلني صاحي ??
يعني الأخ لازم يكون سند لأخته ??
العبرة يا جماعة إني بعلمكو إقتناص الفرص ..
والله يقدرنا على فعل الخير . .
والله الموفق والمستعان ..
#أبوه من ماضي .
#يوسف.

Liked by: B A L S AM Amal ❤ ησѕтαℓgια( المستر ) ⓝⓞⓤⓡⓐ | نورا AnnaBellaDima أنس فرسوني ⁦️⁩♡ Hala | (da 1 N only) رِناد H_A Aghathy Jabbour ❤ ( أغوثة )

ما خلصت ورد امتحانات! انا خلصت???

January 08, 2017

واحد شاي للأخت اللى خلصت إمتحاناتها..
الظاهر ورد عاملة حداد على العلامات ??

Liked by: Amal ❤ ησѕтαℓgια( المستر ) AnnaBellaDima سكون " Majd Sadeq H_A Aghathy Jabbour ❤ ( أغوثة ) سأكون يوماً ما أُريد Nehad Alaa ولاء ...

مسااحة لورد?

January 08, 2017

ورد عليها إمتحانات ..
ما خلصت لسا ?

Liked by: Amal ❤ ησѕтαℓgια( المستر ) سكون " Majd Sadeq H_A Nehad Alaa آيـات||♪♥ Wafa Esleem Abdullah Al-sharef مغلق.

مساحة ' ??

فِراس ✋

January 07, 2017

هادا يا جماعة أخوكو عادل المشوخي أعلن الحرب على دنيا الوطن علشان حطوه في إستفتاء أكثر فنان جدلي ..
الصراحة والله عيب عليهم يعني كل الفيديوهات اللى عملها لأعداء النجاح راحت عالفاضي ..
عنجد عيب .!
هيو أعلن الحرب عليكو ..مبسوطين ?
لازم تفهمو إنو الفنانين لازم يحترموا ..
يعني إيش قصدهم بأكثر فنان جدلي ااه ..
سيبوه يقدم فنه ..
سيبوه يدافع عن الوطن بسلاحه ..
و خليل كوميدي يدافع عن الوطن بسلاحه ..
و الشاذ فيفو يدافع عن الوطن بسلاحه ..
أه صح و فيفي عبدو تدافع عن الوطن بسلاحها ..
مزال فيفي عبدو الأم المثالية ليش مايكونش عادل فنان ..
وأنا من بعد اليوم راح أدافع عن الوطن بسلاحي وأشتغل مساعد لفيفي عبدو ..
و هاشتاق يلعن اللى فلت الحمار و ربطك.
و ثانكس يا دنيا ..?
#يوسف.

Liked by: B A L S AM ησѕтαℓgια( المستر ) Majd Sadeq H_A Nehad Alaa آيـات||♪♥ مغلق سلطيه RafaT ☪❤️✞. Razan➰

~

Nehad Alaa

January 06, 2017

هادا يا جماعة أخويا حمزة شفايفو ممزعة مع السكعة ..
فاليوم إجا عنا ضيوف و حظو المنيل إنو هوا اللى فتحلهم الباب ف ضل معهم .. ف عشان شفايفو ممزعه كان يتكلم و هوا ضامم تمو ? فإمي عشان تخفف عليه كانت تقطع كلامو و تحاول تغير الموضوع و أنا واقف ورا الباب مييييت ضحك ?? فهوا شايفني و مولع ..
المهم اجا وقت يروحو ف قالولوا هات رقم التكسيات من يوسف فإجالي عالغرفة أنا شفت شكلو ما قدرت أستحمل ضحك .. لا هوا قادر يزعق ولا هوا قادر يتقاتل معي عشان الضيوف ..
ف صار يضحك .. حتى شكلو و هوا بيضحك بيموت ضحك .. بالأخر راح قلهم معهوش الرقم ??
الصراحة يا جماعة أوسخ من هالإحساس عمري ما شفت بتحس حالك مشلول عن الكلام و عن الضحك و عن الأكل و الأهم بتقدرش تزعق أو تصرخ على حد .. ?
العبرة يا جماعة إنو (من عاب إبتلى)(لا يشمت قوم من قوم )
هيني صرت زيو ???
حذفت السناب و اعملت الجوال وضع طيران و سكرت باب الغرفة ع حالي و الوضع منيل يعمي والله مش بإرادتي ضحكت ..??
#وثانكس ي دنيا ??
#يوسف.

Liked by: B A L S AM ησѕтαℓgια( المستر ) Majd Sadeq H_A آيـات||♪♥ NaghoOoOMm.. "أم عيون خضر" Naseem^^ مغلق سلطيه RafaT ☪❤️✞.

مسااحة ل يوسف?

January 04, 2017

هادا يا جماعة امبارح الحج الله يخليلنا اياه نزل عندو الواتس عشان يكلم صحابو ..
فكل شوية يتفقدو يمكن حد باعتلو رسالة .. المهم ضل يستني 3ساعات حد يبعتلو اشي بس عالفاضي حتى انو نام و هوا بيستنى ..
صحي الفجر لقى رسالة .. الصراحة مش قادر أوصفلكو كمية الفرحة اللى كان فيها ..
هلقيت و أنا قاعد بالغرفة سمعتو بيقول لإمي ربحت سيارة هونداي .. ??
أنا قلت أكيد بيضحك عليها أو يمكن طرقة مغازلة جديدة ولا إشي ..
لهو الجح ببعتلي رسالة عالواتس مبروك لقد ربحت سيارة هونداي إلتيرا 2017 للإستلام ادخل الرابط ??
فرحتلو بقولو هادا فيروس وهبل تفتحهوش .. لهو بيقولي اسكت يهبل ايش فهمك انت اجتني على اسمي و انا ادخلت بياناتي عشان أستلمها فمرضيش قلي أرسلها ل 20شخص فأرسلت .. لأنا بقلو مبروك يا جح لبسوك خازوق .. لهو بيقولي إيش يبن ال... قلتلو لا يحج قصدى انو فايروس ..
المصيبة مش هان ? بعد شوية صحاب أبويا ببعتلو إيش يبو محمد قال ربحت سيارة هونداي .. لهي الحجة بتقول للحج قولو لا . . هادي إم اسماعيل عينها صفرة و حتحسدلنا اياها .. لهو قالو في شوية مشاكل في استلام السيارة ... ألطم ??
الصراحة بعد هالموقف قاعد بفكر أكلم أبويا عالواتس على اني بنت و أختبروا ههه يعني أزبط أبويا ?
العبرة يا جماعة إنو كل جيل بيجي بيصير يضحك اللى قبل .. طب فكركو أولادنا على إيش بدهم يضحكو علينا .. نستقبل أراءكم على واتس الحج 3469753369 ..??
#يوسف.

Liked by: B A L S AM ησѕтαℓgια( المستر ) H_A Nehad Alaa آيـات||♪♥ سلطيه Wafa Esleem M7amad M7areb قسوة رَجل !* Razan➰

~♡

December 31, 2016

الصراحة يا جماعة أنا مش فاهم ليش إمتلى كل السوشل ميديا ب هابي نيو يير .. ?
يزم صار نفسي أشوف حد كاتب هادي أحلى سنة بحياتي أو هادي السنة إتحققلي فيها كل أحلامي ..
لا والمصيبة بيروح يحتفل بتخرجو و هوا حامل أكم مصيبة .. يا أخي منتا لبست خازوق السنة الفاتت و أبشرك السنة هتلبس .. بس أكبر شوية ? ف ليش تعمللنا فيها إنك متفائل و سعيد و إنسان إيجابي و إبصر إيش ..
يا أخي قول الحمد لله على كل حال . . و قوم صلي ركعتين و إبدأ فيها السنة وقتها ربنا بيسرلك إياها ..

العبرة يا جماعة إني بدي أروح على مكان و خايف يكون مليان ? عشان هيك بوسوس بمخكو ما تروحو تحتفلو ?? (هادي خطة سعيد علمني إياها ?)
و هابي نيو يير جكارة فيا ..
و هيني رايح و ها ..
#يوسف .

Liked by: ησѕтαℓgια( المستر ) Nehad Alaa آيـات||♪♥ سلطيه M7amad M7areb Majd Sadeq Naseem^^ مغلق قسوة رَجل !* Wafa Esleem

_

مغلق

December 31, 2016

هادا يا جماعة في حرب 2012 كانو يبعتو كروت جوال للكل عشان لو صار إشي طارئ تقدر تتصل .. مساهمة حلوة من شركة جوال ..
المهم كنت أنا و سعيد أول ما يجينا الكرت نضيعو رسائل و إحنا بنتكلم ..
ف مرة ولاد عمي سمعو إشي بالشارع بالليل فعملو حالهم رجال و نزلوا يشوفوا إيش في .. الصراحة وقتها الشارع كان رعب كانت الطيارة بمجرد ما تشوف واحد تقصفو .. فكان الشارع فاضي تماما..
و طبعا أخوكو يعني أنا ? كالعادة راح أمارس شغلانتي .. إستغلال المواقف الحلوة هادي ?
لسا بقول لسعيد تيجي نخوفهم هه لهو بيقولي أه أه هي في عنا شباك زجاج بدناش إياه .. ? ألطم ? يبن ال.. بدنا نخوفهم بدناش نقتلهم .. الصراحة الزلمة هادا عبقري و عندو مواهب ?
المهم وقفنا ع الشباك و جمعنا كبشة حجار و صرنا نطبش عالأبواب فيطلع صوت كأنو صوت رصاصة .. الصراحة أول حاجة خافو شوية بس ضلهم .. ف سعيد إنزعج إنو كيف ما يخافو منو ? فحب يضيف لمساتو (الله يخرب بيتك ي سعيد ) ..!
المهم مسك الشباك الزجاج و طررررااااخ بأقوى ما عندو رماه بالشارع .. أقسم بالله قطع خلفي أنا .. الله وكيلكو 3 ثواني و لا مخلوق ضل بالشارع ?? هدوء تام و مين إبن الراجل اللى ينزل يشوف إيش فيه ..
المهم بعد شوية سعيد بعتلي رسالة بيقولي وك الشارع مليان أمن والله خايف يكونو شافونا هه ?? وقتها كانت أمنيه حياتي أشوف وجهو لسعيد ??
المهم عشان حرب فما ركزو كتير عالقصة .. و لهلقيت مستورة الحمدلله و الله يتوب علينا ..
العبرة يا جماعة ( رحم الله إمرؤ عرف قدر نفسه ?)
ماضي أسود.
#يوسف .

Liked by: ησѕтαℓgια( المستر ) Nehad Alaa آيـات||♪♥ سلطيه M7amad M7areb Majd Sadeq Naseem^^ قسوة رَجل !* Razan➰ lazy head

Nothing here yet